¹ Ndipo ndikuda kuti mudziwe ndi n'khondo ikulu pa phindu kwa imwe, kwa wale kuti wali ku Laodiseiya, ndipo na ka jinji mulibe kuwona n'khope yangu pa nyama; ² pakuti mi moyo yanu inyamaliziwe; na ikhale idaphatana na ludo, na upfumi wentse na kubvesesa, pa kobvesesa bzvikulu bzva Mulungu: Kristu. ³ Kwayiye udabisika upfumi wentse wa ruziwo ndipo wa udziwi. ⁴ Ndikulonga bzvobzvi kuti phalibe munthu adzakutsotseni na mafala yangawoneke ninga yabwino. ⁵ Pakuti ngakhale ndiri patali na imwe mutupi, mumzimu ndiri namwe, ndipo ndiri kukomedya momwe mulikufambisira bzvinthu na momwe cikhulupiriro canu cidaimira mwa Kristu. ⁶ Natenepo, tenepai ninga mwa tambira Kristu Jezu, Mbuye, natenepo fambani mwa iye; ⁷ na tsinde mwa kulimbikira ndipo mwakuyima mwa iye, ndipo kudziwika mwa kutenda, ninga bzvanu mudapfun'dzisiwa, mucikhala na kutenda. ⁸ Khalani na mpholemphole kuti wanango waleke kukucitani anyagirinya na pakati pa udziwi wakusaiya basa na bzvakunyengeza bzvire kuti bzvicokera kubzvipfundziso bzvaciunthu na miyambo ya dziko lino, ntsikuti mwa Kristu. ⁹ Pakuti muthupi la Kristu umulungu wentse watunthu umbakhala mwemo. ¹⁰ Ndipo pa kukhala mwa iye, imwepo mudakhala wakukwana. Iye ndiye Msolo wa ntsimba zentse na utongi wentse. ¹¹ Mwa iye imwepo mudacitidya msinda mwa mgwato wakucidya na manja ya wanthu nee, koma msinda wa m'gwato wakuciwa na Kristo, womwe ni kucosa thupi la nyama. ¹² Nakuti imwepo panu muda batizariwa, mudafuciriwa pabodzi na iye, ndipo na iye, muda musiwa pa cikulupiriro na ntsimba za Mulingu zidamulamusa pakati pa wakufa. ¹³ Ndipo panu imwe mukhadafa mu utazi, mwa kusaiya kugwatiwa, mu thupi lanu, Mulungu akupasani upenyu pabodzipo na iye, acikulekererani bzvitazobzvanu bzventse. ¹⁴ Ndipo adafudza tsamba la mangwana, lile likhali la mitemo, ire ikhati pfun'dzisa. iye adalimaliza pakulikhomera pamtanda. ¹⁵ Natenepo, adawapsokonyola ntsimba na utongi acicita kuti bzvikhale ciwonesero sekesa padeca, adawangera ninga wan'kawoko kuti awonese kukunda kwace pamtanda. ¹⁶ Na bzventse, palibe adzakutongeni thangwera kudya, ayai thangwera kumwa, ayai thangwera kusekerera kwa wanya kutenda, ayai thangwera mwezi unango, ayai thangwera salade; ¹⁷ bzvinthu bzvobzvi ndi mbvili wa kutsogolo, manji cadidi ntxa Kristu. ¹⁸ Lekani kulekerera kuti unango akulambizeni kutambira mpfupo. Munthu ineyo ambafuna kubzviwonesa ninga ndi wakubzvicepesa pakumbanamata ngero, ambalonga mwa ndondomeko bzvinthu bzva maso penya yace, ndipo ambadzvikuza mwakuteweza n'dzeru zacezaciunthu. ¹⁹ Munthuyo alibe kuphatana na Kristu omwe ndi msolo. Kudzera mwamsoloyo thupi lentse limbatambira ntsimba ndipo ndi lakuphatana mwakulumikidzana mwace na mumpfundo. Natenepoiyo, thupilo limbakula ninga momwe Mulungu an'funira ²⁰ Imwepo mudafa kale pabodzi na Kristu, na tenepo mun'teweza lini pomwe miyambo ya dziko lino. Tsono thangwe ranyi mun'khala ninga mukali m'dzikomo mulikuteweza miyambo iyi: ²¹ ''Leka kuphata ici!'', Leka kulayidza cire!'', ''Leka kukhuya cinango cire!''? ²² Miyambo yentse yenei imbalonga bzva bzvinthu bzva kuphatisidya basa, nakuti imbacokera kumitemo na bzvipfun'dziso bzva wanthu. ²³ Cadidi, miyambo yoyi , icimbakhala ninga kunamata kwacaiko, kubzvicepesa kwakunama na kuboneresa thupi, manji bzviribe phindu liri-rentse kuti bzvingathandize paku kunda cifuniro ca thupi.