(Yesus Nei Yolrne Bai Te Salreyaye) 1 Neplrena kaye Walri yei diplre bai te yowe, wande nenei yo te yowe, ne plre na nenei yau-yau nemblre taukanelre yaye tau kumulre. 2 Wande Sabat ya mekoupuko, kapi-kapi tepanena myene Walri yei Asna te saneyoume. Neplrena detlro doplre a te betaye busi mane tuanenlre wande a te elraina, mukunamane menoulr'na dou kuna? Bya mendo ne te klripuko nenei melrna busi-busi te mekou na? 3 Maria kena jei, mbai o kembalri te mekou na detlro kena jei, Yakobus plre Yoses plre Simon plre Yudas nena dokeka? Mbai danone nenei milre keka emblre nekaina? Nemena kaye, Walri yei bai te bai te sekaimbeko. 4 Nemna kaye, Walri yei ne te ate saneyowe, memna noulre-noulre Nabi detlro tena poi telre re mekaina, neplrena nenei yo molrna, neplrena nenei do keka, milrekeka, neplrena nenei mye molrna. 5 Nemena te, nenoune, busi-busi tena, Walri yei mekoi pai. Ne tena te detlro sa kena tayowe. 6 Neyo telreplre mekoipai, netenate ne kembeng te mekoyowe. Neplrena kaye ne yot-yot yowe A Walri te sanemupuko. (Walri Yei Nei Yau-Yau Te Sanemupuko) 7 Nekaye, Yesus nei yau-yau te simipuko, nekaye, be-be wasepeko, nena. Eu bulrate, alru peko-peko tena delre te yateyowe, 8 Nekaye, ne te saniyowe, da nipi nalrone wabrembe, sasiasi tena yatipanya, neplrena, kate mo, piyeu ambai, tangke ambai, nena sepa bulruna doi ambai. 9 Oto elre mo te titimbo, mbe,neplrena, mayong be-be tena titi painya. 10 Nekaye, Walri yei nete ate saniyome, menou ne mye si esu te embe nenou ne nekembe, embe, nenou lre bai te embe. 11 Neplrena, nenouna o tena' sawipanya, ona a tena betoi panya, otorena kani wau bai te mekombombe nelrna a te elrenaina. 12 Ne plrena, nenou' lrna yaye, detlro te a te saneyaye nekonou te blrusimbe. 13 Neolrena, mase doplre bai te sekiyang, neplrena sa'na detlro bute klroyaye, sa'na detlro poi duwaye. (Herodes Walri Yei Kena A Te Betou Peko) 14 Neplrena, Yesus eido, Herodes betou peko, neplrena Walri yei eido nepe nime yaina, neplrena, deplro elraina, Yohanis tete ei lre deu peko, netenate nenei eu bulrana busi-busi kembalri te mekouna. 15 Si, ate elraina, ne Elia, neplrena si elraina, Ne detlro Nabi nelrolr na detlro. 16 Neplrena Herodes ne ate betou peko, A te elreyowe, Yohanis blrengka de bai te plralrna, nepe deyupuko!" (Yohanis Pembaptis Bai Te Taipeko) 17 Herodias, tante sate, Herodes, ate mekou peko, detlro te sane yome Yohanis te klrou kaye Herodias. Nenei do keka Filipus kena nemblre, Herodes ongko miye tiyantiki. Herodia pure me te yankeko. 18 Neplrena, da meslrei Yohanis Herodes te a te saneyowe noulrma ambai do keka milre te dou kena. 19 Neman;sate, Herodias Yohanis tena kilri te tiyoune, Yohanis bai te tombombe, neplrena. Nekalro tena mekoipai. 20 Neplrena, ne betouna, Yohanis detlro mlro-mlro, neplrena Herodes Yohanis te dekou keko, neplrena Herodes ne te yene tintuku. Neplrena Herodes Yohanis kena ate betoyowe ne beneng-beneg olrupuko. Neplrena Herodes Yohanis kena a te betou peko kena kalri te diyowe. 21 Neplrena, ne yana, Herodes kena ya meyowe, nenei detlro blrengka, nenei perwira-perwira, neplrena Galilea na blrengka-blrengka ne tena perjamuan te mekou peko. 22 Neplrena, Herodias kena jei milre esu te yowe, busye te kowe, Herodes plre metlrena nenou nekai na, kena kalri te diyaye. 23 Neplrena, Raja metlrena jey te sani yowe, bya bete te denuilr nape o te kitelma, mbai dene kerajaan posi te kitelrna. 24 Neplrena, nemengke nei nameng ko yowe, nei nameng te simiyowe bya sa te de diyetelre? Nei nameng a te saupeko,Yohanis pembaptis blrengka! 25 Neplrena olra bete ne jei milre Raja ko te temyowe, dena kena denulrna, Yohanis pembaptis blrengka te o kotu-kotu bulrane de te iteulre." 26 Nemna sate Raja kena bisye mekombeko, neplrena nenei detlro nemblre sate aniyaina, nemengke kena a denulrna salripai. 27 Ne kaye, Raja olra bete Algojo te sanepuko youna, Yohanis pembaptis kena blrengka te bai te ketepiko. 28 Neplrena, Yohanis kena blrengka o kotu-kotu bulrane kelrou puko dou ku ne milre jei te imulre, ne plrena, ne milre jei nenei namene te ikimulre. 29 Neplrena, Yohanis nei yau-yau a te betai peko, mi yaina kaye Yohanis kena eu te doukaye eulre bulra ne sasukaye. (5.000 Detlro Walriyei Sa Te Aniyaye) 30 Ne plrena rasul-rasul Walriyei plre koplrimbuko, neplrena nete ate saniyaye, nenei bya kembalri nepe te mekai peko, neplrena nenei bya sna nepe te saniyaime. 31 Neplrena Walriyei nete ate sani yemalre. Neplrena, detlro doplre date malre, di te yaina, neplrena, nei sa dowi painya. 32 Neplrena, Walriyei nei yau-yau plre, ei lre jaye, nau kalro ne eu te baite dou kayayei nou sine yai nikiyaye. 33 Neplrena detlro doplre ne tiyaina, ne nepe te nimeyaina, neplrena, ne detlro doplre dalri nipi lre tenuyaye, ne kota mukunamane ne memetejaye di noune, wande, Walriyei nei yau-yau na plre. 34 Neplrena, Walriyei buyu te yowe, ne detlro te teyouna, ne tena kena bisye mlroyowg. Neplrena, ne te teyouna Domba Gembala ambai-Nya mane ne mena sate Walriyei Asna ne te saneyomu. 35 Dene te nende, Walriyei nei yau-yau ne kote myaye ate senaye da nou ne bute dupuko, dene te dumbuko. 36 Ne te sanembombe nei yote naina, nenei sate teneye, ne te a nenaye. 37 Ne kaye Walriyei a te saneyomu, weyw nete sate yatemembe. Neplre na, ne te ate simansiki, nemna kaye E embe 200 Dinar piyeu te yatemalre, ne te sate yatemamlre anenaye. 38 Walri yei ne te simiyomu, o na mena piyeu meslrei? embe dou te tembe! Nepe te tai peko, a te saneyaye, piyeu mesi serei, neplrena ka be slrei, taumbuko. 39 Ne kaye Walri yei nete sane yowe, di sepo bulrane nembei-nembei nekembe. 40 Ne detlro doplre nembei-nembei nekaye, neplrena si do misi bulra nekaye, si dobe me be plrena nikiyaye. 41 Ne plrena ne piyeu mesi slrei plre ka beslrei Walri yei doukuna, manote teyowe, a mendo te mekoyowe, neplrena, ne piyeu te bai te tekayowe, ne detlro doplre te yateyowe aneyaye. Neplrena, ne ka beslrei lati detlro mukunamane, yateyowe. 42 Neplrena mukunaman aniyaye, aslre te mekaipeko. 43 Ne plrena, me be plrena bulra ne kekalri yene oulrai peko kemeu puko. 44 Neplrena, ne lima ribu slrey na do piyeu te aniyaye. (Yesus Nau Bulra Ne Oto Te Walre Yowe) 45 Neplrena Walri yei nei yau-yau te sane puko ei bulra te sakombe, Betesda sute memete embe neplrena, neplrena Walri yei neyote ssanemepuko. 46 Neplrena, meko bulra te yowe, mendone ate sanemupuko Walri yei kalro te mekoyowe. 47 Dene te yowe, ei nau nelrone yowe, Walri yei nei mote dalri ne tepeyowe. 48 Neplrena ne dou te teyouna, nenei yau-yau se doplre deng te tapi yaina, ne plrena alru sepro youna, nete besekai-Nya. Neplrena, nedaine ya beseyowe, su klrimbei te yowe, Walri yei ne kote myowe, nau bulralre walri yowe. Neplrena, ne memte nete nesensuku. 49 Ne kaye tiyaina Walri yei na bilralre Walri yowe, ne opasiki molri-molri mnyou taye a te seyaye. 50 Neplrena Walri Yei te tayne endiki te dekaikeko, dana Walri yei malre. 51 Ne kaye, nemblre ei bulrate sakoyaye, neplrena alru nemupuko. 52 Nena kena alrma te tapiyaina sate, piyeu poi na nimei pai. (Walri yei Detlro Detlre Teye Mekoyomu) 53 Neplrena, Walri yei nei yau-yau plre di siu jaye, Genesaret kani ne balriyaye, nepene yayoina. 54 Ei bulralre ate osiyaipekona olra bete detlro Walri yei te nimeyaimbeko. 55 Aula bulra ne detlro sa na te doukaye, oto te tenuyaye, menou na Walri yei nekeuna a betaina. 56 Ne kaye Walri yei yo-yo esu te yowe, nekaye kota-kota, nekaye, kanlre kanlre ne detlro sana te doukaye, detlro nlrone dukuntikaye, nete a te sani yaye, nenea mayong tu te tapenaina. Sime nenei mayong tu ta tapendana, poi te dumbone.