(Gadarana detelro te, alru peko-peko baite Nunsuku) 1 Neyo bu disunasute yaye, neyo kena yo, nena eudo Gadara. 2 Walriwai ei bulrane ate osuku, teyowe, detelro mbei burerena alru peko-peko kerokunure. Ne meyowe, walriwai te tupeyekenere. 3 Ne detelro kena nou nekeyowena, bureburane nekeyowe. Ne yona detelro, nete saye bekenaipondena, betemedaymbeko. 4 Nena otote saye bekipiyayena, baite durapiyowe. Nepena detelro, nena wakeperena erikopainya. 5 Denete-daisyetem bure burane, mekoburane, ara mote seyowe wareyowe, nemanelati nenei eute olruye timbereyowe, kekoute yateyowe. 6 Ne detelro, walriwai te baite tembuko, nepe tenuyowe, walriwai kena bukoune tepeyowe. Neperena walriwaite simiyounu. 7 Nepelre, arate seyowena kaye, ateereyowe. Dembere wembere, mai Mang Walri, nau yarene nekeyena, beyasa ate erare. De mai Walriwai kena eudone senawarena, detena pekotena mekoipainya. 8 Walriwai nedetelrote saneyounu. Alru peko-peko dadetelro kena eu burure haite berembe. 9 Nepelre Walriwai nedetelrote simiyounu. Wena eudo sing. Nedetelro ate sauku. Dena eudo Legion. 10 Ne detelro, Walriwaite saneyounu, netena neyore baitena sekipainya. 11 Nepena opo derone mekoburane wariyaye sateaniyaye. 12 Nepelre alru peko-peko. Walriwaite saniyainye. Dete sanemuponde opo kena eu burute malre. 13 Walriwai nena ate beromupuko. Nepelre, aru peko-peko senoyaye, opo kena euburuteyaye. Opo kena delro tenoyowena, meterena dua ribu serei. Nepe tenuyaye mekoburate ate nou weyte seiyaiye, nepe nauweinyye sowupuko. 14 Opo semapere nikiyayena detelro, yotetenuyaye, neate yona detelro saniyaime. 15 Neyona detelro miyaye doutetiyaye. Nedetelro mayo poitetitipuko, anenekeyowe. Nepere, nenepe poiye dupuko. Nepere neyona detelro enintedekoyaye. 16 Walriwai kena kembari mekoyowenate, tiyayena detelro neate detelro site saniyaime, beyamane netupere kiripuko. 17 Nemena kaye, nepena detelro Walriwaite saniyainye, warebaite nepelreende. 18 Nepere Walriwai ei burate sakonenerenate, detelro alru peko-peko pere dokuna, meyowe walriwaite saneyounu. Nelati walriwai pere nembeiye warenaye. 19 Walriwai ate deyounu, nepere nedetelrote saneyounu. Dite wei yote, wei dokeka nerote diteewe. Da akeyate douwe detelro eukunamane sanumure. Walriwai kena kembari mekopukona, nena walriwai, wete kenabisete deyounu. 20 Nepelre, ne detelro diteyowe, neate Dekapolis na detelrote saneyoumu, nepena detelro emukunamane kembengte bitiyaiye. (Yairus kena yeite deyembuko, nepelre milre nikite mekoyowena lati poye mekombuko) 21 Walriwai eire bekaipeko, disuteyaye, nepena detelro dopelre nikiyaye. 22 Nepena detelro berenkamane ongkomiene nekeyowena, nena eudo Yairus. Ne Walriwaite tekenere, nepe meyowe Walriwai kena oto toune nekeyowe. 23 Nepelre, ne Walriwai te kenaterere diyiyounu- Nena yeo milre buso newei newei diteosindenamane. Walriwate Saneyounu, mende mete eu burane kerombonde, nepelre nena yei poiyeolumbonde, neperenaye deyembonde. 24 Nemena kaye Walriwai pere Yairus pelre yoye. Nepena lati detelro dopelre Walriwaite taukai nere yaye, Nete antunaingkeko. 25 Nepelre milre beisika nikite mekoyowe, menamai mebebepere. 26 Ne pekote daye-daye mekoyowe. Detelro mendonakote wareyowe, nemane lati, nena sabupoi-sabupoi medekone nikiyayena, baite bareyowe. Eumena sasipai. Ne poiyena bete duipai, ne pekotelrete tumayounu. 27 Walriwai tena atebetopuko, nemilre walriwai kena metosure meyowe, detelro delronerore Walriwai kena, nena mayotute meye kerouku. Nemilre ateereyouwe. 28 De Walriwai kena mayotute menedou terena, nepe de poyduteponde. 29 Ne yalati, niki tuteketepuko, nena eu tumayonuna nepe poiye dupuko. 30 Walriwai nena eu ne tuwayonuna, nena delre euburure baiteyowe. Neburusuku, nedetelro tippiyayenate simiyaumu. Dena mayongtu sime kerouku. 31 Nepere, nena ototouna, nete saniyainye, damena detelro derooburure tiyemena, sime wena mayotute kerouku. 32 Nemenakaye, walriwai doute diterate teyowe, sime nena mayotute kerouku. Nepere nepenimeyembuko. 33 Nemilre endikite dekokuko, nemeye titeyounu. Nemilre meyowe nena otottoune, yengkengte dusukuko, nena eupoite dokunate, walriwaite saneyounu. 34 Nepelre, walriwai nemilrete saneyounu. Yei, wei terepere wete paiye mekowupuko. Ditepouye ewe, nepelre wena satuwayenena nepe poiye dupuke. 35 Walriwai pere ateneme ariyaye nakaye, ongkomiena berengka, nena mierena yomiyaye nete saniyainye, wena yei nepetetepuko. Beyamena potenate walriwaite wepaunu. 36 Nepelre, neyokena ate baite saremupuko, burusuku Ne detelrote saneyounu, endikitena dekoipainya, wei tereperete noune titauponde. 37 Nemenakaye, walriwai detelro terengte baite saremupuko, mbeiskana netena tawipainya. Ne eripukona : Petrus, Yakobus, Yohanes, nenei dokeka Yakobus, nemopelre naye. 38 Ne berengkawai kena mieye te yaye, nepelre ate suruyainena detelrote teyoumu, nemanelari detelro dimite arematere dimiyayenate teyoumu. 39 Beyamenapote we atesuranu, nepere dimitedimauwe. Ne yei titipai, nemeye kutetenowe. Ne yei titipai, nemeye kutetenowe. 40 Nepena detelro walriwaite deye diyainya. Walriwai sanemupuko muku diyasuteyaye. Walriwai neyei nenei-nemang pere nenang perete sanepupuko, nepelre detelro nete tau kainere yayengate sanemupuko esuteyaye, neyei pere tenowena nouteyaye. 41 Nepelre, Walriwai neyei kena mete douku nete saneyounu "Talita Kum", waro sinenekewena, yei milre busonewei, dewete senaware. Esuye emiwe. 42 Nepelre neyeimilre esuemi kenakaye, otote wareyowe nenawoi mebe bepere. Nepena detelro kembengtebitiyaya. 43 Nepelre, walriwai nemang pere nenang perete aseteretamupuko, nena kembari mekopukona, detelro si betoipainya. Nemane lati Walriwai nemang pere nenang perete saneyoupe, neyeite sate ineinyere.