Pasal 10
Yesus Gembala wari yei Poi
1
Yesus, nena oto touna mebe ye bepere simme poku. nete wake te ikemelre alru peko-peko te baite sekenaimelre poi te yai te nai, nena sa nena eu serai poi dunai ye.
2
Da eido nena akiana mebe ye suna bepere: memetena, Simon Petrus eido simaine, Andreas nena dokeka, Yakobus Zebedeus tenayei, nepelrna Yohanes nenei dokeka,
3
Filipus, Bartolomeus, Tomas, nepelrna Matius sa kopri-kopri na, Yakobus Alfeus kena yei, nepelrna Tadeus ,
4
Simon mai Zelot detelro, Yudas Iskariot Yesus te naitemokopuko.
5
Yesus nena a keyana te sanumupuko, nete ate ikemere, ''Detelro sikena nipi tena ipaiya Samaria yote embe,
6
domba-domba norote embe ne sere-sere mekaime Isreal nerolrna.
7
Ya embena, ate damane sanembe, 'Nou Mero-Mero Nopiyepuko'.
8
Sana detero te poi te nepe taime, tete detero te nepe yereu te taime, siso detero te poi te taime, arupeko te baite sekaime. We nemeiyatembe, nete nemei imembe.
9
We Emas, tena doipai waripai perak, si nekona tembaga wenasepai ere bekupukena yene douwaro,
10
netenate tangke tena doipaina, si nekeuna mayong beserei, oto ere, neperna otena kembalri detelro nena bisene anewe.
11
Yo yote, esute embena, poitre tembe sing detero terperna esune nekaye nepene nekembe wande nousite embe.
12
Mie esute embe na poi a te sanembe.
13
Ne mie, wete kenane elrenaipona mai kena poi , nena burate ende, ambainya, wena poi wenabulrate datemende.
14
Detero sing wotena kenadipai, neperna wena a tena betoipai, we nenamere neperna neyore baitemembe otobase te tekrebombe.
15
De telprena a te nepe senamare neiya dondumendena, Sodom Gomora pernamane ne yo wake nepe suwepuko.''
Se Pena-Pena Nena Akiana Tuwanainere.
16
'' Tembe, de wete nepe sanumupukare domba mane yokuseraina nero te embe. Natenate, waremane dumbombe kena aweyakro tenamana dumbombe.
17
Detero si tena, tiyeine sema te nekembe wete Sanhedrin kena burate sarnaipone neperna wete penenaiwere nenei sinagoge-sinagoge ne.
18
Wete nepe yatenaimelre yo berengka kena bukoute andowapi kena bukoute dena eudo tante, dakembalri netebrunemere tou sisi late tenaye.
19
Wete, detero sikenaburate salronaipone, mendo tereng-terengtena mikoipaina beya a te elrupone nesuslreine mendokiyanaipone a te elrewena.
20
Newarotena we a eripai, nena Mai kena Alru Melro-Melro wena emblruburane ate elrewe.
21
Dokeka-dokeka te sarembone teteburate ende, memai yei te sarembone yei nining, burnaisine nenei nemang-nenang te a te dete denanlre tutunaimelre.
22
Wete detero peko te elrenaipone denaeudo tante, netenate sing denaeudote mesuwesuwe keronde tapende tutenaya derlati poi te dowende.
23
Yo besikane wetetutuyaime sembombe yo delre site embe de telperna a te wete senamalre, we nekotena Israel nekaina yo tena ipai nemeye Yesus datemende.
24
Oto touna nena guru te na ana titawipainya, newalro delrati kembalri detelro nenei tuamai tena atena titawipainya.
25
Newalro tena nepe oto touna guru mane ewedupiyowe nena sute malre temalre kembalri detelro tuamai mane ewe dupiyowe Beelzelbul, mie detero nenei miedeko peko mane nekaye.''
Mai Mang Walri Te Endiki Te Tekomanere Detelro Yei Tena Endiki Tena DikoiPaina.
26
Ne tena te, we netena endiki tena dikoi painya beya sa te dinenaipone meterna baite tuwunaisine, mbai nalrepukonate nepelre nimeipainya
27
De wete nekoburu beya a te saniyamalre , nena te kiane a te sanembe. Beya sa wena buntukei ne betopukena, nenate mieyang bulralre sanumulre.
28
Ena eu te tutunaimerena endiki tena dikoi painya, nena ena Walri tena tutipai, nepelrna Mai Mang Walri te endiki te dekomanere Ne nekena ena Walri pelre ena da eu kanipo pelre neraka ne baite tutumbonde.
29
Awe beyamane beserei naite mekoyaye doi mbei mote dounaye? besikamena kanibura tena diripai Memai Nenei a bulrane eke nekeye.
30
Nemelati delrati, belrengka bulrana nyua metelrenamene benaipone,
31
netenate, edikitena de koipaina, we me dopre te beiye di awe bisi-bisi yei prena yerikoipai.''
Yesus Telrepelre Te Detelro Si Kena Bukoune Elremapone
32
Netenate, detelro sime Dena eidote detelro kena bukoune sawendena, Delrei Memai Walri Diana delrati netena sawende.
33
Nemane delrati sime Dete detelro yei kena bekoune baite sa lrendena De delrati netena Delrei Memai Walri Diana kena bakouna a sawipai.''
Walri Yei mel mendo da Yoburate me Yowe
34
"Wena mendone mekauna De miyalrena teme akulrung te dayoburate dokalre miyalre, De miyalrena teme a kulrung tena ambai, nekalrotena meteka yemomane.
35
Netenate , de miyalrena yeidote memai kena eu yelre moye-moye wasetelre, nepelre yei milre te nenei neneng kene eu yelre, yei milre te nenamutu kena eu yelre,
36
nepelre, kilri yembe detelro nenei mie dekolrena.
37
Sime nenei nenang pelre nemang plre kena bise kasote denenelrena, Dena kenalrena ambai. Nepelre, nenei do te mbai yei milrete kenabise kasopelre denenerlena nepelrena De tena amabai, Dena kenalrena netena ambai.
38
Neplre, sime Dena O se elritipainya nepelre dete tawipainya netena Dena kenalrena ambai.
39
Sime Eunulrute eune singkrimbonde tapendena yambei delrati eunulru nalrembonde, nepelre sime de tante eunulru nalrembona yambei delrati nekoute donduna.
Nyare Mang Walri Knalre
40
"Sime wete yatenemelre, Dete dokutelre, nepelre sime Dete dokutelrena. Dete dayobulrate tiyekuko miyalrenate dokunalre.
41
Sime walri akyano te walri akyana eidone douwunelre, nepelre walri akyana tena nyalrete dowende nepelre, sime telpelre detelro te, telpelre detelro kena eudone douwunelre telpelre detelro tena nyalre douwende.
42
Nepelre sime nemenya detelro te bute inenelre anensinde bu bilring kenteu beimo walri akyana kena eudone, De noulrena ate senawalre, netena nyalre sa nenalrena nalripai."