¹ Paulus kenarena Rasul Yesus Kristus Mang Walri nei dereburare erikukona nenei wari atung Yesus Kristus kena burune. ² Timotius tena, kena bise te danarena yei. Poiture kenabise, nepere kena teme Mang kenare, Memai pere Yesus Kristus, yei Tuhan. ³ Derei poi a te nemenamote Mang Walri te sanare derei kembari kena mro mro ne mekarena yansina derei sese kemeng mekoyain mane, de wetena mendo derei a mendo burune dene daite. ⁴ De wena doubu mendo te mekombiyarena, dena kenarena derei dadou terwna wete teteupone derei kena kari te tuwatenere. ⁵ Wena nouterena tereperene dete oyomane mepukare memeterena wei kemeng Lois kena burune nekeyouna, nepere wei nameng Eunike, netena ye derei tereperena mendo te tepare menaya wena burune dwrati ke nekewe. ⁶ Da karotena, de wete a tiyeite senaware we nemena mote Mang Walri nei dere wena euburuna derei me wenaburune tapepukarena tena a kuraye sanenure. ⁷ Netenate, Mang Walri ne endikitiperena yambu e katena ipai, nepere eu waketena, kenabise nepere eu suwe tena te ikemere. ⁸ Netenate, Tuhan kena a karo te elrouna tena nepere dere eu tena pere neneite keroukemere wei kembari tenate poite burutena tuwaipainya. ⁹ Nena te nimei na da'atung detlro poi mo tena ambai ne atung detlro pekote mekaina, detlro a klri-klri daina neplre detlro peko detlro mlro-mlro ambainya, anende, mai nameng te tut yaina nepelre detlro plre tutyaina. ¹⁰ Detlro pekote mekai nate, detlro tetutaina, apeu-peu, tlreplre ambai neplre poi kalrote simiyai, poi kalro tena nimei pai. ¹¹ Nenape asna walri, Mang Walri kenalre, ne nimi kalro, neplre nenat'e dete tlre plre erai peko. ¹² De nete poi ate senanare ne date wakete yatute, nepe walri yei dekayei, dalrei walri, nemane draiti dete nimeyupuka demena kembalri detlro dete tutpuko da walri kembalri nerone. ¹³ Ne mane yansinape de pekote mekoyaina, detlrote tutuyaine, dedetlro armate walri yarna, de mende poi mekoipai sate pekote mekoyaine ne dete kena bisete dilri youne. ¹⁴ Mang Walri dete yambu poite kasoplre yatutlre, nembei telre plre kenabise walri yei deka yei kenabulrune. ¹⁵ Da a walri tlreplrena a walri yei da yo bulrate mandena, detlro si pekote mekoyaiye depe, kaso plre mekoyalre. ¹⁶ Da a kalrote dete kena bise te di yote neperna dena eu bulruna detlro peko walri yei kena teme te doku miyouwe eiye nete tau mame yansite walri sena te yatemalre. ¹⁷ Andoafi tana nalre meyowe da yo pote neplre nema ne mote, neplre tekaipai, Mang Walri pe nembeimo, nei delre buralre nembeimote kapemani tlre plre. ¹⁸ Da a wete nepe yeta walre, Timotius, delrei yei, a yeko sasukuna wete ini melrna, nepelre da yekobulrana wake siwina bnou tena wake te siwe. ¹⁹ Nepelre tlre plrete tapewe nepelre kena teme bulralre nena poiterna. Detelro moslrei ne kembalrite baite serainate nena telreplre oto tena ipai. ²⁰ Ne nelrolrena Himenius plre Alexander, nena masekena bulrate salrupukalre, nini menailre a peko tena elri painya.