Meterena Detelro te nate Mendo Karo ne ¹ Memeterete de wete atiete mete tiyamalre, mendo kalro, didi kalrone, burate diyemembe, mendo tiki karone nepere eine detelro tena apoi plre. ² Raja-raja tena nepelre pemerintah karone mekaina detero metre eine tena, nepelre ena yereu te temeye dou malre, nepelre terepere eine, nepere ena derei eine. ³ Da karone poi terete Mang Walri eyei Juruslamat kena, Juruslamat kena bukoune. ⁴ Nena kenare meterena detero te poi kalro te nepelre noruterna mendo karone. ⁵ Nepelre Mang Walri beiska tere, nepelre Mang Walri plre detelro yei kena kalro ne Yesus Kristus detelro yei mane. ⁶ Nenei mote, nenei eu te metere eine detelro te poi tu tena te kimre, nenei ya sasikainane, da kembarite kiyambonde. ⁷ Netenate de te kembari detelro tena mane tiyei kuko, nepelre rasul mane, de terepere na a, aupew-pewna ambai nepelre kri-kri eine serai sisi tena noruna eine. ⁸ Netnate dena kenarena, do meterena nou na, mendo karo tena nenei me mro-mro burate kenaimpone, a arma ambai, nepelre sangku ambai. ⁹ Nemane derati dena kenare na, milre norna mayong te, yeko tepa-tepa te, busi-busi tena, emas, mutiara mbai mayong bu poi tena mekoipai. ¹⁰ Nenatena wei yeko poi, terepere na milre nekaina mane. ¹¹ Milre nekouna teme eine nepelre dekoi-ekoi karo ne nekende. ¹² Netenate, milre ye nei dere te do te kirindena, de ne karo tena eripai. Nena tena, milre nenei eute nemen bonde nekende. ¹³ Da karo Adam memete mekombuko, wande Hawa meto sure. ¹⁴ Nepelre Adam aupeu karo memete ambai, milre memete aupeu burane sate dereke. ¹⁵ Nemena milre ye, yei karone poi tute kimire nena ne yereu terepere eine bise nepelre mro-mro eine nepelre tepa-tepa kalrone.