¹ Ne ora que Jesús ne ca discípulo xti yendaca gaxha de Jerusalén ne bedacabe Betfagé, lu Daani xti Olivo, ne ora que Jesús bisenda chupa discípulo, ² ne gudxibe laca: "Lachee ndani xti guidxi nu gaxha de latu ne sadxe la catu ti chupa burru huini'. Laa guxhague lacame ne latane lacame ra nua. ³ Ne pa nu tu gabi latu xhixhá de ni cayuni tu di la?, latu la gabi lacabe, "Señor caquiñeni", ne binni ca oracaca suzenda be lacame ne latu"

⁴ Ma bedanda dxi gaca ni guni xha profeta que. Ne na: ⁵ "GUDXI XHIIÑI XTI SION: BIIYA, XHAIQUELU SEDA RA NU LU, NACHAHUI' NE DXIBA' LU TI BURRU, NE TI BURRI HUINI', XHIIÑI BURRU QUE"

⁶ Ne ora que la? ca discípulo guyeca ne binica modo Jesús gudxi laca'be guni cabe. ⁷ Bedane cabe burru que ne xhiiñi burru que, ne gulu chahui' cabe asientu luguia' came, ne ora que la? Jesús gudxibabe. ⁸ Ne casi guira binni que la? bichia' cabe lari xticabe lu neza' que, ne xtudxi cugaca tindaa yaga ne cuchia' ca ni lu neza' que. ⁹ Ne guira binni que la? seda deche Jesús ne ca ni nanda labe que la? si guhuaca' ridxi, ne naca: "¡LA GUSISACA XHIIÑI DAVID!, ¡SICARÚ CHE NI SEDA LU LÁ XTI SEÑOR. LA GUSISACA LABE RA' NASOO!"

¹⁰ Ne ora Jesús guyú ndani guidxi Jerusalén, guidubiu naca guidxi que la? bihua' cabe ridxi ne naca: "¿Tu hombre di pue?"

¹¹ Ne guira binni sinanda labe que la? bicabi cabe: "Ndinga Jesús profeta, de guidxi xti Nazaret ni nuu Galilea"

¹² Ne ora que Jesús guyú ndani yu'du xti Diuxi. Ne labe gulebe guira xhixhé ca ni cazi' ne cani cuto' ca ndani yu'du que. Ne bitixhi be jmexa ca ni cucha' bidxichi' ne bangu xti ca ni cuto' paloma. ¹³ Ne labe gudxibe laca: "Ca lu guichi, 'LIDXE SAREELANI YOO RA RINII NE CABE DIUXI; PERU LATU MA BINITUNI LIDXI GUBAANA"

¹⁴ Ne ora que guira ca ni que ruya' ne ca ni que riza' beda cabe ra nu be ndani yu'du que la? ne Labe bisiandabe laca.

¹⁵ Peru ora xhaique ca sacerdote ne escriba biiya cabe guira ca guenda nandxo' ni labe bini be que la?, lacabe binadiaga cabe ca xcuidi' que cuhua' ca be ridxi ndani yu'du que ne naca: "La gusisaca xhiiñi David", ne laca'be bidxa cabe de xhiana'.

¹⁶ Ne gudxi cabe labe: "¿Ñee cuca diagalu ni ca ni ca binni di la?" Jesús bicabi laca'be ne na: "¡Ya!" ¿Peru que guayundatu' ra na: 'DE RUA' CA NI NAHUINI NE CA DE NI RADXI XHIDXI ÑA MA BISIDI LU LACA'BE XHIMODO GUSISACABE LII"

¹⁷ Ne Jesús bisana laca'be ne guyé ndani guidxi xti Betania ne gusibe ra que.

¹⁸ Ora bira gueela, laaga cabigueta be ndani guidxi que la?, labe bindana be. ¹⁹ Ne biiya be ti yaga duga suhua' guria neza' que; guyebe ra nuni, peru que nidxela dibe jma que bandaga si, Ne ora gudxibe laca: "Que sarerú cuananaxhi de lii." Ne oraqueca yaga duga que bibidxi ni.

²⁰ Ne ora ca discípulo biiya cabe ndi la?, bidxagaya'cabe ne gudxi cabe labe: "¿Xhimodo nga yaga duga ca bibidxi ora que ca bibidxini?

²¹ Ne Jesús bicabi laca'be: "De dxandi Naa gabeatu, pa latu guni cree tu sin guini iquetu pa biasi ni cayuni tu la?, ca di sunisitu ni naa ma bine nia' yaga duga di, sinu que sabitu dani' ca, Biaxha de raca' ne guyé ndani nisa'dó ca, ne zaca' sacani. ²² Ne guira ni li guinabalu Diuxi ora ma canineu la ne guni cree lu la?, sacalu ni.

²³ Ne ora Jesus guye ndani yu'du, ca xaique sacerdote ne ca binni gola de guidxi que la? beda cabe ra nube ora cusidi be que ne naaca: "Ne xhi guenda' li runni lu ca ndi?¿Ne tu bidi li guenda' di?"

²⁴ Jesús bicabi lacabe ne rabi laca: "Naa laca chi' ginaba'didxa laatu. Pa gabi tu naa la, naa laca záca'ca sabe latu ne xhi guenda' rune nia ca ndi. ²⁵ Ora biu nissa Juan, ¿De pade seda be de guibaa la' o de ca binni?" Lacabe guni liza cabe, ne naaca" Pa lannu guininu, de guiba laabe la, sabibe lannu, '¿Xhi ñee que ñunni cree tu labe yá?' ²⁶ Peru pa guininu, 'De biini la' naapanu xtale binni, purti lacabe ruyabe Juan casi ti ni rini ni chi gaca. ²⁷ Lanna lacabe bicabi caabe Jesús ne rabi cabe laa, "Ladu que ganna didu." Labe bicabi be laaca: "Ninca naa que zabe dia laatu xhi pur guenda rune nia ca ndi.

²⁸ Peru, ¿xhi rabi tu? tobi hombre gupabe chupa xhiñi be. Labe guyebe ra nu niru do que ne gudxi be la: 'Xhiiñe, guye ne bini dxiiña layú ra rudxiba cabe uva'.

²⁹ Ne xhiiñibe que bicabi laabe ne na: 'Que siadia' ne gudisi ti ratu la? bichabe ni guni iqué be que ne guyebe.

³⁰ Ne ora que la? hombre que guye ra nu guiropa xhiiñibe que, ne gudxibe laa laca ca didxa que. Ne xhiiñi be dia bicabi laabe ne na: 'Ya Señor, na sia' peru que ñedi. ³¹ ¿Tu de ca xhiiñi be di bini ni na bixhose? Ne laca'be naacabe: 'nirú que' "Jesús gudxi laca'be, "De dxandi naa cayabe latu, de que cani ni ruquixhe ca impuestu ne ca gunna dxaba' siu' ca nirudo' ndani guenda runi mandar xti Diuxi ante que latu. ³² Pue Juan beda ra nutu lu neza' guenda' nachahui, peru latu que ñu ni cree di tu laabe; laaga ca ni ruquixhe impuestu ne ca gunna dxaba' bini cree cabe labe. Ne latu, ora biiya tu ni guca di, ne bi' satu de lu guenda ruche xtitu ti ñanda ñu ni cree tu labe.

³³ La gucadiaga xti ejemplu di. Guyú tobi hombre, ni gupa ti layú naroba'. Ne bidxiba uva ne gulube bindi' guidubi nacani, ne bini be ti pila ra rutu ñee cabe uva, bini be ti yoo soonpara quiba ni gapa', ne biquixhe be cani cadxi rudxiba uva. Ne ora que labe guyebe xti guidxi. ³⁴ Ora beda nda dxi ma chica' uva lá', labe bisenda be ca ni runi xiña be cheeca ra nu ca ni rudxiba uva que ne chee ca chiyubi ca cadxi. ³⁵ Peru ca ni rudxiba uva que la ucuaca ca ni runi xiñabe que la, tobi gudiñecabe laa, xtobi que bitica be, ne xtobi que bicha cabe guie' laa. ³⁶ Xti bieque, xaique xti layuu que bisenda xcadxi ni runi xhiña be, ne jma xtale que niru que', peru cxa ni rudxiba uva que zaca'ca bini ca ne laacabe. ³⁷ Gudi di si ndi, xaique xti layuu que bisenda xhiñi ra nu cabe, ne naa: Lacabe zuuna cabe xhiñe.'

³⁸ Peru ora ca ni rudxiba uva que viya ca xhiñi xaique que la, guni liza ca: ndinga ni chiguiana ne ca ndi; lata gutinu labe ne guiana neenu ni chi gusana ne xaique xtinu labe. ³⁹ Zaca yene cabe labe, ne gule cabe labe de lu layuu ra ca uva que, ne biti cabe labe. ⁴⁰ Yanna, ora gueda xhaique xti layuu ra caa ca uva ca ya', ¿Xhi zunibe ca ni rudxiba uva ca ya'?"

⁴¹ Ca binni que cayabi labe: "labe sunduxhe be ca binni ni iquiñe que ne zuni be ni jma nanna para laaca ne zudibe layuu uva que xcadxi binni, hombre ni quixhe cabe la pur ca uva ca ora jma guirugu ca ni."

⁴² Gudidi si nge Jesus rabi laca be: Ñee que huyunda tu lu ca xquichi Diuxi:' GUIE CA NI CUCUI YOO QUE BISA' BICA, BEDA GACA NI GUIE NI NASE INTERU NACA' YOO QUE. NDI GUCA NDI XTI SEÑOR, NE NACANI GUENDA RIDXAGAYA PARA GUIE LUUNU'?

⁴³ Pur ndinga na cayabe latu, ra runi mandar Diuxi ziaxhabe ni ne zudibe ni xti guidxi ni gudi cuana naxhi. ⁴⁴ Tuticasi la guiaba lu guie di la' saruxhe bigu huini. ne tuticasi la guiaba guie' que luguia lá zatadxi'.

⁴⁵ Ne ca ni jma rizaca lade ca sacerdote ne ca fariseu bica diaga ca' ejemplu di, laca biya ca de que de laca nga cani' ni. ⁴⁶ Peru ora gaca ladxica cuaqui nacá luguiabe la', laca bidxibi ca ca binni ni nú raque', purti ca binni que ruya ca labe casi ti ni rini xhi chiga ca'.