¹ Ti guenda runi mandar xtii ca' guiba' nacani casi xpixuana ti layú ni biree telayúru xtii siado' que si yúbitu gúni dxiña layúuva xtii ² Ne bitagu de didxa ne sibe cani runi dxiña' que quixhe be laaca ti denariu ti dxi' la? bise'nda' laaca lu layú uva xtiibe. ³ Xti tiru bireebe zee biá ga xigaaba ne biiyabe dxi xcaadxi ni runi dxiiña nuuca luguiaa ne gaxti cayúnicá. ⁴ Ne candiila? gudxibe laaca laatu la'ca la che'lu layú uva xtinne' ne zaguixhe' laatu biási. Ngue runi ze' cacá zigúnica dxiña. ⁵ Ne bireebe xti' tiru ze' bia' galaa dxii, ne xti' tiru lú chonna xigaba huadxi' ne zaque'ca biinibe ne xcadxi'. ⁶ Ne xti tiru bireebe maya'ca gudii gáyu xigaba huadxi no bidxélabe xca'dxi gasti cayúnica, rabibe laaca: ¿ xiñee guidubi dxi nuuzitu ra ri' qui gúni tu xiixa pue'.

⁷ Laca ra'bica laabe ti guiruti ñanna laadu. Laabe rabibe laaca laatu laca lu che' lu layú uva xtinne'.

⁸ Ne casipe bixinni, xpixhua'na layú uva que' gúdxibe ni rapa xpidxi'chibe, gulídxi' cani ni biini dxiiña ca’ ne gudiixe laacabe bia' ma nexe'; Ne bizulúne cani de'ru biuuca de chinda' lú ne cani guza' nirú; ⁹ Ne ora beeda cani biini dxiña cani gunnabe ma gúyu xigaba que, tobi tobi gucuaaca ti denariu. ¹⁰ Ra beedanda' ca ni guzá niru biini dxiñaque, guni iquecá ziaxaca jmá, laga laaca la'ca ti denariu gúcua to'bicá. ¹¹ Ne ora gucaabe ni biaxha cabeque la? gunii xatane'ca xpixhuana layú que.

¹² Rabicabe laa: cani deru biuu bini dxiiña di ti xigaba si dxi biini cabe dxiiña, na lee gidixhu' laaca biaca laabe, laandadu biinidu xtipa guidubi dxi ne lú gubi'dxa bixhuidú.

¹³ Ne ni xti raque bicabi, na' rabi tobi de laaca be: Xamigua' na qui zuziguiee lii. ¿ñee cadi biaana nu ti denariu la? ¹⁴ Gucua bia' ma nexhe guicou, ne biaaba neeza xtiu: naa ridxa' ladxidua gudiee cani gúnná guni dxiiña, ma huadxidi biado'si casi bidiee lii.

¹⁵ ¿Ñee cadi jneeza gunenia ca xtinne ni ná guluii laadxe la? o ca guie' lu'lu cayúya guenda na dxaaba ti naa nacháhue la? ¹⁶ Nga runi cani beeda de atra' zaca cá ni'ru neca ni zá ni'ru la? zeeda ca' de atra'."

¹⁷ Ne ra Jesús zee jerusalén, gulee chúbe chii ne chu'pa que neeza ne raabibe laaca, ¹⁸ Lagúya chuunu Jerusalén, ne zudiicabe xiiñi hombre ca xhaique xti' ca Sacerdote ne ca Escriba, ne laaca zudxiba caá dónda iquebe ti gáti. ¹⁹ Ne zidiica laabe cani cadi judiu ti gusituicá lú be, quiñeca laabe ne charrión ne gúcaaca Laabe lu cruz, uaxa ra guio'nna gubidxa zia'sabe."

²⁰ Ne raque jñaa ca xiiñi zebedeu beeda ra nu' Jesus neca xiiñi, laabe bizuxibi be xañee ne gunaba be laa gúni xixa para laabe. ²¹ Jesus rabi laabe: "¿hi racaladxu?" Gunaa que rabi laabe: "gunii bidi xtidxalu de que ca xiiñe di cui' cabe, tobi neza ndiga xtilu ne xtobi neza biga xtilu ra lii gúnu mandar.

²² Ne Jesus bicabi laabe na': "Laatu qui ganna ti xi canaba tu. ¿ñe zanda gue' tu rua vasu ni ma yaca chi guee di la?" Laaca rabi ca laabe: "Zanda laadu."

²³ Laabe rabi be laaca: "Dxandipe, zee'tu rua vasu xtine. huaxa cui' tu ladu ndiga naya ne neza biga naya la? cadi de naa nuu gudie ni. Laga ma nuuni paraca ni ma gulaqui cui' ca ni.

²⁴ Ne ora xti xii de ca discipulu binadiaga ca ndi la? izá bidxichi necabe guiropa biichi que'. ²⁵ Huaxa Jesus bica ridxi laacabe gueeda cabe ra nuu ne na': "Laatu nana tu de que ca xhaique guidxi xti guidxilayu ranina ca binni neca xpini ca ni jma risaca, laaca nga runi mandar ca ca binni que. ²⁶ Ne laade tu cadi naquiñe gcani saca. jma neza, ni gacaladxi guisaca lade tu la? naquiiñe gunibe xhiiña tu, ²⁷ ne ni racaladxi saa niru lade tu la? naquiñe guni xhiiña tu. ²⁸ Saca casi ca xhiiñi binni guidxilayu cadi beeda para gunitu dxiña para laa, laga beeda guni dxiiña para laatu, ne beeda gudi guenda nabani xti ti guila xtale."

²⁹ Laga zire cabe Jerico, xtale binni zinanda laabe. ³⁰ Ne biiya cabe chupa ni nache'pa lu zuba guria neza, ra binadiaga ca Jesus ngue sidiidi neza que' bigua' ca ridxi ba' ca: "Xixhuanadu, xhiiñi david gupa xhilase de laadu." ³¹ Laga gudindene ca binni que laaca, rabica laacabe igaani cabe. Laga laaca bigua cabe ridxi jma nadipa, na' ca: "Xpixhuana du xhiiñi David gupa xhilase de laadu."

³² Oraque Jesus bizuhuadxi ne bisendaca' laacabe ne na': "Xhi racaladxitu gune nia' laatu?" ³³ Laaca rabi ca laabe: "Xpixhuanadu, ca gie' lu du guixale." ³⁴ Ne raquerú biniibi ladxido' Jesus ne ba' laacabe, guda'naca guie' lu cabe. Oraqueca gucuaacabe guenda rúya xtii cabe ne zinanda cabe Jesus.