¹ Exe okunkɛn trolo ɔ ovɔsanu xwlemawutɔ ga lɛ tɛtɛ gɔ do tomɛ xo lɛ bɔ mɔ ɖe gbeta tɛn fan mi la hu yesu. ² Ebla yesu mɛ kplɛn ɛ la na pilati. ³ Exe judasi ee sa yesu mɔ fan e ɖo ikuhwɛ na yesu e mɔ fan eyɛ bayi inu nyinyla e mɔ vɛ ni e mɔ yi oganxwa ogban (30) lɔ la na ovɔsanuxwlemawutɔ ga lɛ gɔ do ito mɛxolɛ. ⁴ Mɔ lɔ fan ihu ehwɛ dahwe ee isa na mi ɔ odɔmɛ kinkɔn nɔ nɛ emɔ yigbe ni fan amɔ ekan mi ɖe mɛ eyɔ ee nɛ kan. ⁵ Judasi mɔ bɛ oganxwa ogban (30) lɔ lɛɛ mɔ dwin lo xlan cɔcixɔmɛ mɔ bɛ mɔ e nɛ e godo ɔ e mɔ do okan kɔ mɔ ku. ⁶ Ovɔsanu xwleMawutɔ ga lɛ mɔ can ihwa lɔ lɛɛ mɔ lo fan de myɛ esɛn mɛ ɔ e go kpego wayi ixwa exe ido cɔcixɔ mɛ xwa lɛ ji e do ixwa ee na fan nɛ lo hu emɛ nɛ. ⁷ Ee egbejie kaka ɔ e we ɖo gbekpɔ mɔ yi ixwa lɔ lo xɔ ezɛnmɛtɔ ɖehwlɛn egle mɔ yi lo bayi bɛnigla na e mɛ ee go nyi jwifu lɛ e. ⁸ Nu e wutu elo ylɔ xwanglo e nɛ fan ehwungle kaka wa jɛ egbe ɔ nɛ. ⁹ Inu jɔ etɔ nɛ nɛ ixo exe Mawu lɔ ɖ'awan zɔn gbeyilɔtɔ je le mi ji ɔ ni lo jɛ e ye nyi fan e gbɛ oganxwa ogban (30) lɛɛ ixwa ee nɛ ji eyɔ izlayɛlivi ɖe wlɛn lɛ gbodo lo xɔ yesu. ¹⁰ E yi ixwa lɔ lo xɔ ezɛnmɛtɔ dehwlɛn egle kɛn aklunɔ mɔ lɔ na mi mɔ ɖe. ¹¹ E e yesu wa tokpɔnga pilati ee owunkɔn ɔ tokpɔnga lɔ kanse wi fan oyɔ enyi jwifu lɛ ɛe kɔsu lɔ yesu mɔ yi gbe ni fan oyɔ elwɛ. ¹² Vɔ ɔ gan ee mɛ ovɔ sanuxwu lemawutɔga lɛɛ fe gɔ do ito mɛxo lɛ nɔ ɖo ehwɛ na yesu ɖe pilati e unkɔn ɔ yesu go kɛbɛ e. ¹³ Pilati mɔ lɔ ni fan ose ehwɛ gbogbo ee en do e amu omɔ de go. ¹⁴ Yesu ɔ kɛbɛ do ixo ee e lɔ lɛ ti go e e mɔ kpaca tokpɔn ga lɔ tawun. ¹⁵ Tintɔnwe nya exwe gan mɛ tɛgbɛ ɔ tokpɔnga hlɔma tɔn ɖe e mɛ exe ito lɔ lɔ tɛn ɖe gan kpa mɛ. ¹⁶ Gan e nɛ mɛ ogantɔ lokpo ɖe gan kpamɛ e mɔ ylɔ ɛ fan yesu balabasi ogantɔ ee nɛ ɔ mɛ ɛtɛ bi eye nyɛɛ. ¹⁷ Ee ogun lɔ we bɔ ɔ pilati kanxo se wy fan e mɛ mi din fan na ɖetɛn na mi ɖe ogantɔ lɛ mɛ yesu balabasi nɛ alo yesu klisu. ¹⁸ Ɖo enyɔ ganji fan e mɛ nu vɛɖe emɛgo eye wanu e lo wli yesu klisu lo wa na eyɛ. ¹⁹ Ehwɛ lɔ pilazti nɔ lɔ e si mɔ ɖo ewɛn lo xlin fan nuti ni ma kɛn ɖe dahwe ee nɛ exo mɛ e odɔmɛ kinkɔnnɔ nɛ ɖo ozan exe mɛ ɔ iku drɔ nyinylan le hwlɛ de go i mɔ se vivɛ tawun ɖe owlɔnmɛ. ²⁰ OvɔsanuxwleMawuga lɛ gɔ do toga lɛ bayi kaka ogun mɔ yi gbe do exoji mɔ byɔ fan nɛ jo balabasi do mɔ hu jesu. ²¹ Tokpɔn ga mɔ gɔ yi xo mɔ kɛn ɛ se fan ɖe emɛ owe etɔ lɛ mɛ mi din fan na ɖe tɛn na mi e mɔ yi gbe ni fan balabasi. ²² Pilati mɔ kanse wi fan yesu exe eylɔ fan klisi ɔ amu wa wa eyɔ edɔn ɖo e mɔ yi gbe fan kɛɛ do atisogaji. ²³ Pilati mɔ kɛn ɛ se fan inu nyinyla lo un kɔ ewa e mɔ do aboba gangan fan kɛ ɛ do atisogaji. ²⁴ E e pilati mɔ fan ixo lo go nɔ kpa eyɛ e le zigidi ahwan lɔ etɔ fe mɔ hugan ɔ eyi esin mɔ klɔ ofo ɖe eyɛ mɛ tɛtɛ e okun mɛ mɔ lɔ fan igo mɔkunnu jɛ nu tigo ɖe dahwe ee tɔ etu xo go e myɛ lɛ eye kan. ²⁵ Ahwanvi mɔ yi gbe fan dahwe ee tɔ eku ni nɔ

kɔ na myɛ lɛ fegɔ do ni vikpɛ lɛ kpoun.

²⁶ Gan e nɛ mɛ ɔ pilati mɔ ɖe balabasi tɛn nɛ ɖe gan kpamɛ mɔ na emɔ xo jesu gɔdo oba e nɛ egodo ɔ e mɔ jwe na sɔja lɛ fan nɛ lɛ kɛɛ ɖo atisogaji. ²⁷ Tokpɔnga lɔ e sɔja lɛ mɔ kplan yesu losɔn hɔnmɛ mɔ kpli ahwankpa lɔ tɛtɛ de go. ²⁸ Eɖe awu exe do lɛ ɖe kɔ ni mɔ yi amɔ fɛfɛyi gbegban dehwɛn mɔ do kɔ ni. ²⁹ E yi ewun lo lɔn igagba lokpo mɔ jɔn ni e mɔ din aflatin lokpo do e lɔ ɖisu mɛ mɔ jɛ klo ɖee ee okɔn mɛ mɔ nɔ ko e fan mi kan osin tase lo jwifu lɛ e ga. ³⁰ E tun otan ɖe go mɔ ɔ yi aflatin lɔ ɖe si mɔ do takun ni. ³¹ Exe eko e etɔ nɛ ɔ yɔɔ e we ɖe awu fɛfɛ yi gbo lɔ ɖe kɔ ni mɔ we yi ey tete awu yi do ni e mɔ kplɛn ɛ na kɛɛ do atisogaji. ³² Ee etɔn ɖo to lɔ mɛ ɔ e kpe si le nɛɛ nu lokpo e mɔ ylɔ ɛ fan sinmɔɔ sɔja lɛɛ xadi mɔ ɖiɖa atisoga yesu etɔn wi. ³³ Eye ejɛ tɛnxwe exe eyɔ fan gɔlugɔta do eble gbemɛ ɔ gɔlugɔta e tin mɛ enyi fan takago etɛnxwe. ³⁴ Edin vɛɛn mɔ kɔn nuvivɛɖehwlɛn d'emɛ ɛ mɔ na yesu fan ni nu e xe edo nugbɛn emɔ gbɛ nunu. ³⁵ Sɔja lɛɛ ka yesu do atisogaji e dakɔ na ee amu lɛ mɔ ma. ³⁶ Ee nɛ godo ɔ sɔja lɛ mɔ sin na wan mɔ nɔ kpɔn ɛ. ³⁷ Nɛ lo ɖe nu ee eku hwɛ e ɖo ni xlɛ ɔ wlan nu etɔ mɔ kado atisoga lɔ ɔ go ɖe ee ta kun fan yesu jwifu lɛɛ e ga we. ³⁸ E ka ajotɔ dakaxotɔ owe bɔ de go ɖɖo atisoga lɔ ji mɛ lokpo ɖe ee aɖisi mɛ mɛ lokpo mɔ ɖe ee o myɔ mɛ. ³⁹ E mɛ exe nɔ nya lɛ ɔ takun n jɛn enɔ hunhun mɔ nɔ zun i. ⁴⁰ Mɔ lɔ fan oyɔ mɛ exe lɔ fan eyɛ la gba Mawu e sinsɛn xɔ mɔ yi azɔntɔn do te lo vɔ bu tun we ɔ hwlɛn iɖee gan o enyi Mawuvi jɛn onyi xonugbe ɔ jɛte ɖe atisogaji. ⁴¹ Kɛn ovɔ sanuxwle Mawutɔ ga lɛ fegɔdo esɛnkplɔn emɛ tɔ lɛ gɔdo tomɛxo lɛ fe nɔ do vlo wi ɖo we nɛ mɔ lɔ fan. ⁴² E hwlɛn mɛ ɖe tɔ lɛ gan gbɛ ego kpe go wa hwlɛn eɖee gan se izlayɛli kɔsu go nɛ enyi mɔ lɔ ni bo jɛ te ɖe atisagaji o enɛ ɔ mi ɖi nu ni. ⁴³ E ɖeji do Mawu go nɛ Mawu lɔ nyi wanni xo nu gbo ɔ ni bo hwlɛngan ami kpɔn ɖɖo e lɔ fan eyɛ nyi Mawuvi. ⁴⁴ Kɛn ajotɔ ee aka do adamɛ ni lɛ fe nɔ zun i ɖo we nɛ. ⁴⁵ Bɛ ɖe gan wi owe mɛ kaka lo jɛ agan otɔn mɛ ɔ zuvlo do mɔ cɔn to lɛ to lɛ tɛtɛ bi. ⁴⁶ Exe ewe jɛ hwe lɛ kɔ ɔ yesu dabobo gbekpan lehwlɛn ɛ mɔ lɔ fan eli eli lama sabakitani (owogɔnmɛ enyi fan) un Mawu un Mawu amutu oo jodo. ⁴⁷ E mɛ exe ɖe xinɛ lɛ ɛ se exi exe yesu lɔɔ mɔ lɔ fan e nɔ ylɔ eli. ⁴⁸ Tlolo ɔ mɛ lokpo do wezun mɔ yi lotinwɔ do vɛɛn hinhwan mɛ mɔ yi slɛ aflatin za ɖe hwlɛn nugbɛn mɔ dlɛ do yesu fan ni nu. ⁴⁹ Mɛ ɖe hwlɛn lɛɛ mɔ lɔ na e mɛ exe na na vɛɛn wi fan ami kpɔn fan eli la we hwlɛn gan ja. ⁵⁰ Jesu mɔ gɔ dabobo gbo lehwlɛn m bɔnu. ⁵¹ Jlokpe ɔ ovɔ exe ɖe sinsɛn xɔ lɔ ɔ mɔ do owé ɖe jihwle gbɔn lo wa do xwanglo mɔ hunhun ekpin lɛ mɔ zɛ. ⁵² Yɔ do lɛ mɔ hun keun emɛ ɖedovo Mawu e tɔn mɔ ku lɛ susu mɔ fɔn. ⁵³ Mɔ tɔn ɖe yɔdo lɛ mɛ ee yesu fɔn egodo ɔ e byɛ jeluzalɛmu to kinkɔn lɔ mɛ e mɛ susu mɔ mɔ ɛ. ⁵⁴ Ese sɔja kanwekoga lɔ fegɔ sɔga ee nɔ cɔ yesu gɔdi lɛɛ mɔ inu exe jɔ enɛ lɛ kɛn xwanglo hunhun ɖo ɔ cicwɔ hui emɔ lɔ fan dahwe exe tɔɔ ɔ Mawuvi enyi xonugbo. ⁵⁵ Nyɔsi exe do alɔ wu yesu lɛ susu xwedi ɖe galilée lo wa xinɛ e ɖete mɔ nɔ mɔ inu exe nɔ jɛ lɛ. ⁵⁶ Mali magadalanu lɔ Mali ee nyi jaki fegɔ jozɛfu e nɔ ɔ gɔdo. zebeɖee evikpɛ lɛ e nɔ fe ɖe e mɛ. ⁵⁷ Feto ihwe la lo sɔn xɔ ɔ dahwe xwatɔ nɔ lehwlɛn wa dahwe alima tenunɛ e mɔ ylɛ ɔ fan jozɛfu yesu eɖevi ke eyɔ fe nyi. ⁵⁸ E la mɔ tokpɔnga pilati mɔ byɔ yesu e cwɔ wi pilati mɔ lɔ na sɔja lɛ fan nɛ ze cwɔ lɔ nii. ⁵⁹ Jozɛfu mɔ ɖe cwɔ ɖe atisogaji mɔ li lɛ ixwa sunvɔn do cwɔ lɔ. ⁶⁰ Mɔ la ɖii do yɔdo yɔyɔ ee kun do osodɔmɛ ɖ'awan na eyɛ tete lɛ mɛ e mɔ ekpɛn gbo do yɔdo lɔ nugbɛn mɔ yi. ⁶¹ Mali magidalanu gɔdo mali ɖe tɔ lɔ isinawan ɖe yi nɛ e mɔ kpan unkɔn yɔdo lɔ. ⁶² E okunkɛngbe exe jɛ do jwifu lɛ e gbɔjwɛzan gbe ɔ ovɔsan xwle Mawu tɔga lɛɛ gɔdo falizyɛn lɛɛ zɔn lo sɔn tokpɔnga pilati kɛ. ⁶³ E mɔ lɔ ni fan aklunɔ fin fan gan e mɛ dahwe e mɛ klɔ nu tɔ ee nɛ ɖe egbɛ ɔ efan azɔntɔn gɔ gbe eyɛ la fɔn ɖe ku lo wa egbɛ. ⁶⁴ E nɛwutu nagbe sɔja lɛɛ nɛ cɔ yɔ ƥdo lɔ ganji kaka l; o azɔntɔn gɔgbe ewa etɔ nɛ e l: e ɔ edevi lɛ la sɔn la sɔn mɔ sa fin e cwɔ lo lɛ e we lɔ na ito lɔ fan e mɔ fɔn ɖe ku xosu enɛ exe ewa ɖo ɔ ewaɖo la nylan wugan wu tantɛn lɔ. ⁶⁵ Pilati mɔ lɔ nɛ fan sɔja lɛɛɛ we mi kplɛnɛ losɔn nɛ la cɔ yɔdo lɔ kɛn mi din ɖo ɔ. ⁶⁶ E mɔ su yɔdo lɔ gangan lo ɖo jɛsido ego mɔ yi sɔja lɛɛ iɖo xinɛ.