Toko 6

1 Miambena soa tsy hanao ty asa ty fahamarignanareo eo agnatreha ty ndaty nareo soa ho hisa iareo, te laha tsy zay le tsy hahazo ty valesoa bak'amy ty Babanareo ze agny an-dagnitse. 2 Noho zay lafa maneho fihantra nareo, le ko mitioke trompetra misariky ty hafa manahaky ty atao ty mpitsara velatsy agny amy ty synagoga naho egny amy ty lala, le soa mete hahazo ty tsiriry ty ndaty iareo. Talilieko aminareo, te iareo le fa nahazo ty valesoane. 3 Te lafa maneho ty fiatra nareo ko atao hay ty tagnanareo havia ze atao ty tagnanareo havana, 4 le soa homea arere ty fagnomezanareo. Bak'eo ty Babanareo zay mahisake amy ty mangiky ro hamale soa anareo.

5 Lafa mivavaky nareo, ko manao manahaky ty mpihatsaravelatsihy, te iareo tea mitsanga naho mivavake eo amy ty synagoga naho eo sisin-dala, le soa mety ho hisa ty ndaty. Talilieko marine aminareo, te iareo le fanandraby ty valesoane. 6 Te nareo, lafa moivavake, miziliha ao amy ty efi-tragnonareo. Hilio ty varavara, le mivavaha amy ty Babanareo zay ao amy ty mangiky. Bak'eo ty Babanareo zay mahisaky ao amy ty mangingiky ro hamale soa anareo. 7 Lafa mivavaky nareo, ko manao tsara maro tsy misy impaiva aze manahake ty atao ty Jentilisa, ty amy ty safirine te ho heno iareo noho ty tsara maro zay ataone. 8 Noho zay, Ko manao manahake aiereo, te ty Babanareo le fa mahay reo raraha ze mpaiavinareo miaolo ty angatahanareo Amine. 9 Noho zay mivavaha manahaky zao tihoe: 'Raenay ze agny an-dagnitsy, ho hamasigny vatany ty agnaranao.
10 Ho avy vatane ty fanjakanao. Hatao vatany ty sitra ty arofonao etoy an-tane manahaky ty agny an-dagnitsy.
11 Omeo anay amizao ty mahatanjaky sahaza ho anay.
12 Mamelà ty helokay, manahaky ty hamelanay ze meloky taminay.
13 Vaho ka manday anay amy ty fangalam-pagahy, te magnafaha anay amy ty raty.'” 1

14 Te laha mamela ty handisoa ty ndaty nareo, le hamela anareo avao kea ty Raenareo zay agny an-dagnitsy. 15 Te laha tsy mamela ty hadisoa iareo nareo le tsy hamela ty handisoanareo zao ty Raenareo.

16 Ankoatsy zay, lafa mifaly hany nareo, ko mampimboake tarehe mampalahelo manahaky ty atao ty mpiatsaravelatsihy, te manaraty tarehe iareo le soa mety ho hisa ty ndaty te vatane mifaly hane. Talilieko marine aminareo, te fa nandrambe ty valesoane iareo. 17 Te iriha, lafa mifaly hane, osoro menaky ty agnambonao vaho sasao ty tarehenao, 18 le soa tsy ho hisa ty hafa tihoe mifaly hane, te amy ty Raenao zay ao amy ty mangingiky avao; vaho ty Raenao zay mahisaky ao amy ty mangingiky, ro hamale soa anao.

19 Ko mamory ty fanaganareo etoy an-tane, zay simbay ty kandradraky naho heriky vaho hizilihny reo mpangalatse an-kerene le hangalatse. 20 Te kea, avorio ty fanagnanareo agne an-dagnitsy, zay tsy simba ty kandradraky naho hoheriky, vaho tsy hizilihany reo mpangalatse. 21 Te ze misy ty fanaganao, ro itoboha ty arofonao avao kea

22 Ty maso ro jiro ty vata. Noho zay, laha soa ty masonao, le ho feno fahazava ty vata iaby, 23 Te laha raty ty masonao, le ho feno iike ty vatanao iaby. Noho zane, laha maiky ty fahazava zay ao amponao amy zao, manao akory ty hafoloay zay iiky zay!

24 Tsy misy afake hanompo tompo roe, te hankahala ty raeke re vaho hitea ty raeke, laha tsy zay hanolo-tegna ho ahy ty raeke le halay ty raiky hafa. Iriha le tsy afake hanompo ahy ty Andragnahare naho ty fanagna.

25 Noho zay talilieko aminareo, ko misalasala mikasiky ty fiainareo, ze hotavainareo na ze hinominareo - na mikasiky ty vatanareo, ze hisikinareo. Te tsy bey noho ty mahatanjaky va ty fiay, vaho ty vata bey noho ty fisikina? 26 Jereo reo voro egny amy ty lagnitse. Iareo regny le tsy mitongy na mamokatsy na mamory ao an-trano fisia vokatsy te ty Raenareo zay agne an-dagnitsy ro mamaha azy regny. Tsy sarobidy mihoatsy regny vao nareo? 27 Ia aminareo ro afake magnampy kilometasy raiky amy ty andro hiaignany amy ty fisalasala?

28 Nanao akory nareo ro misalasala mikasiky ty fisikinareo? Safirio ty mikasiky ty ankata egny amy ty baibo, nanao akory ty fitiria iareo regny. Tsy mba miasa iareo regny, vaho tsy mamoly fisikina. 29 Taliliko aminareo, te na re Solomona kea amy ty hasiny iaby le tsy nisiky manahaky ty raiky amy regny. 30 Laha ampikiny ty Andragnahare manahaky zay ty akata agny am-baibo, ze iaby misy henanizao naho hamaray le hatorake ao am-pata, manahaky ty manao akory ro ampisikinane anareo bey bey, nareo ry kele finoa? 31 Noho zay ko misalasala le mitalily tihoe: 'Ino ro hohaninay?' na tihoe" 'Ino ro hinominay?' na tihoe: 'Ino ty fisikina ho anaovanay?' 32 Te reo Jentilisa mipay reo raraha reo, vaho ty Raenareo ze agne an-dagnitsy le mahay te mipay reo nareo. 33 Te paiavo tse ty fanjaka naho ty fahamarignany le homea anareo reo raraha reo. 34 Noho zay, ko misalasala ty hamaray, te ty hamaray hanahy ty aze. Ampe ho any ty andro tsikiraikiraky ty raty ao amine.

1[Fanamarihana: Ny dika teny taloha tsara indrindra dia manala ny hoe" “Fa Anao ny fanjakana naho ty hery vaho ty voninahitsy mandrakizay. Amen.”]