1 Lafa nahisake reo vahoake Jesosy, le niankatse teo ambone vohitse. lafa tafatoboke Reke, le namonje Aze reo mpianane. 2 nanokatse ty vavane Reke vaho nampianatse aiereo, manao tihoe:
13 Nareo ro sira ty tane. Te laha ty sira ro tonga matsatso, amy ty fomba manao akory ro ampasira zan ndraiky? Tsy ho soa na amy ty ino na amy ty ino sasy zane te haria naho ho lia ty tmbo ty ndaty sisa. 14 Nareo ro fahazava zao tontolo zao. Ty tagna miory eo amy ty kaboa le tsy azo havony sase. 15 Tsy misy ndaty mandrehitsy jiro mametraky zay agne ambe haro, te eo amy ty fitobohan-jiro, le magnazava ty iaby ao an-tragno zane. 16 Lonike hazava eo agnoloa ty ndaty manahake zane fomba zane ty fahazavanareo soa ahisaha iareo ty asa soa ataonareo vaho ankalazane ty Babanareo zay agne an-dagnitse.
17 Ko mifasiry tihoe avy handrava ty lalàgna na reo mpitoky Raho. Tsy avy hamotike reo Raho, te hagnatanterake aiereo. 18 Te talilieko marine aminarei te mandra-paharava ty lagnitse nho ty tane, le tsy ho rava amy ty lalàgna na ty litera raiky naho tendron-tsoratse raike kea, mandra-pahatanterake ty raraha iaby. 19 Noho zay na ia na ia mandika na ty kele loatse amy reo lily reo naho mampianatse ty hafa anao manahake zane ho kaihe tihoe kele loatse ao amy ty fanjaka ty lagnitse. Te na ia na ia magnina naho mampianatse reo le kaihy tihoe bey ao amy ty fanjaka ty lagnitse. 20 Te talilieko aminareo te laha tsy mihoatse noho ty ahy ty mpanora-dalàgna naho ty fariseo ty fahamarignanareo, le tsy hizilike ao amy ty fanjaka ty lagnitse zao nareo.
21 Fa henonareo te voatalily tamy iareo ntaolo tihoe: 'Ko mamono ndaty,' vaho 'Na ia na ia mamono ndaty le helofa agne amy ty fitsara.' 22 Te talilieko aminareo te zay iaby meloky amy ty rahalahine le maeva ty ho hasia agne amy ty fitsara; vaho na ia na ia mirehaky ty rahalahine tihoe: 'Riha le ndaty tsy misy dikane!' le ho helofa agne amy ty filan-kevitse; vaho na ia na ia mitalily tihoe: 'Adala riha!' le maeva ty ho agne amy ty lavake mirehitsy afo. 23 Noho zay laha magnomey ty fagnatitsao eo amy ty alitara iriha le tiaronao teo te manana alahelo aminao ty rahalahinao, 24 le apoho eo agnoloa ty alitara ty fagnatitsao, le mandehana ndehana amy ty lalanao. Milongoa aloha amy ty rahalahinao, vaho bak'eo mimpolia le omeo ty fagnatitsao 25 Milongoa malaky amy ty mpitanjake anao laha mboe miara-dia amine agne amy ty fitsara riha, sao ty mpitanjake anao hagnomey anao amy ty mpitsara, vaho ty mpitsara mety hagnomey anao amy ty manan-kasy, le hatao ao an-tragno maiky riha. 26 Talilieko mariny aminareo, te tsy ho afake miboake ao sase riha mandra-pandoavanao ty vola farany ty kele loatse amy ty trosanao.
27 Fa henonareo te voatalily tihoe: Ko mandrato.' 28 Te lazaiko aminareo te ze iaby magnety ampela le magniry aze le fa mandrato tao agn'arofone avao. 29 Laha mandavo anao ty masonao ankavana, le afaho zane vaho atoraho lavitsy anao. Te soa vatane ho anao laha ilany raike amy ty vatanao ro tokone simbay te tsy ty vatanao iaby ro atorake agne amy ty helo. 30 Laha mandavo anao ty tagnanao ankavana, le tapaho vaho atoraho lavitse hiala aminao. Te soa vatane ho anao laha ty ilane raike amy ty vatanao ro tokone ho very te tsy ty vatanao iaby ro atorake agne amy ty helo.
31 Vaho fa voatalily avao kea tihoe: 'Na ia na ia misaraky amy ty valine, le lonike re hagnome aze ty taratsy fisaraham-panambalia.' 32 Te Raho kea mitalily aminarei te ze iaby misarake amy ty valine, ankoatsy noho ty fandratova, le mampijangajanga aze. Na ia na ia manambaly aze afara ty fisarahane le mijangajanga.
33 Vaho kea, henonareo te voatalily tamy ty ntaolo tihoe: 'Ko mifanta fifanta diso, te andeso agnatreha ty Tompo ty fantanao.' 34 Te Raho kea mitalily aminareo, ko mifanta amy ty raraha iaby, na amy ty lagnitsy kea, te seza fitoboha ty Andragnahare zay;
35 na amy ty tane, te fitoboha ty tombone zane; na kea amy ty Jerosalema, te tanà ty mpanjaka bey zane.
36 Ko mifanta amy ty agnambonao, te tsy afaky magnafoty na magnamaity ty singam-bolo raike riha. 37 Te lonike ty tsaranao ho, 'Eka, eka,' na Aha, aha.' ze mihoatsy zay le bak'amy ty iaze raty.
38 Henonareo te voatalily tihoe: 'Maso solo ty maso, vaho nify solo ty nify.' 39 Te Raho kea mitalily aminareo tihoe, ko manohitse ze raty. Te kea, na ia na ia mamofoke ty fifinao ankavana omeo aze kea ty ilane. 40 vaho laha misy ndaty magniry ty hiarake aminao ho agny amy ty fitsara le magnafaky ty akanjonao, le ampoho ho aze avao kea ty lamabanao. 41 Na ia na ia maery anao andeha kilometatsy raike, mandeha miarake amine amy ty kilometatse roe. 42 Omeo ze mangatake aminao, vaho ko mandietse na ia na ia magniry ty hindra aminao.
43 Fa henonareo te voatalily tihoe: 'Tsy maintse mitea ty mpiara-belo aminao riha vaho malaigna ty fahavalonao.' 44 Te talilieko aminareoi, tiavo ty fahavalonareo vaho miavavaha ho ahy zay magnenjiky anareo, 1 45 soa ho avy anaky ty Babanareo ze agne an-dagnitse nareo. Te Reke le mampiposake ty masoandrone amy ty raty fagnahy naho ty soa vaho mampilatsake ty ora amy ty mary naho ty tsy mary. 46 Te laha reo ze tea anareo ro tiavinareo, ino ro valesoa azonareo? Nao na le ty mpitaky haba aza tsy mba manao manahaky zay kea? 47 Laha ty rahalahinareo arere avao ro salamainareo, ino ro mba ataonareo mihoatse ty hafa? Nao na ty Jentilisa kea tsy mba manao manahake zay kea? 48 Noho zane le tsy maintse tanterake nareo, manahake ty fahatanteraha ty Babanreo zay agny an-dagnitsy