¹ Obuko bwa Yesu kristu, mwene Daudi, mwene Abrahamu.

² Abrahamu aburha Isaki; Isaki aburha Yakobo; Yakobo aburha Yuda n'abalumuna; ³ Yuda anaciburha Peresi na zera oku Tamari; Peresi aburha Hesromu; Hesromu aburha Aramu; ⁴ Aramu anaciburha Aminadabu; Aminadabu aburha Nashoni; Nashoni aburha Salomoni; ⁵ Salomoni aburha Boazi kulirhabu; Boazi aburha Obedi kuli Ruti; ⁶ Obedi aburha Yese; Yese aburha mwami Daudi. Mwami Daudi aburha Sulemani oku mukà Uria; ⁷ Sulemani aburha Roboami; Roboami aburha Abiya; Abiya naye aburha Asa; ⁸ Asa aburha Yosafati; Yosafati aburha Yordami; Yordami aburha Oziyasi; ⁹ Oziyasi aburha Yowatami; Yowatami aburha Ahazi; na Ahazi aburha Hezekia; ¹⁰ Hezekia aburha Manasi; Manasi aburha Amani; Amani aburha Yosia; ¹¹ Yosia aburha Yekoniya; n'abalumuna, erhi bali omubuja bw'ébabiloni, Erhi barheng'omubuja bw'ébabiloni, ¹² N'enyuma yo lw'olubaga yekonia aburha Salatiyeli; Salatiyeli anaciburha Zorubabeli; ¹³ Zorubabeli aburha Abiyudi, abiyudi aburha Heliyakimi; heliyakimi aburha Azori; ¹⁴ Azori aburha Sadoki; sadoki aburha Ashime, Ashime aburha Eliyudi; ¹⁵ Eliyudi aburha Eliyazari; Eliyazari aburha matani; matani aburha yakobo; ¹⁶ yakobo aburha yozefu iba wa Maria, ye waburhaga yesu oderhwa kristu.

¹⁷ Amaburhwa goshi kurhenga Abrahamu kuhika kuli Daudi, gali ikumi na gani kurhenga kuli Daudi kuhika oku buja bw'ébabiloni, gali maburhwa ikumi na gani gali na gandi ikumi na gani kurhenga okubuja bw'ébabiloni kuhika kuli kristu.

¹⁸ Alaga oku kuburhwa kwa Yesu Kristu kwayishaga. Maria, nnina erhiashebirwe n'omulume oderhwa Yozefu, abonekana akola alizimi oku buhashe bwa muka ocire, omu mango barhalicija haguma. ¹⁹ Yozefu walimushebire okuba ali muntu mushinganyanya arhalonzagya amuyalagazè; cikwone alonza okumuleka okw'ihwe. ²⁰ Okuaciri arhanya kuli byo, sinza malaika wa Nyakasane anamuhonokera omu bilorho, amubwira: Yozefu, mwene Daudi, orhayobohaga okurhola Maria, mukawe, bulya izimi ali liyishire omu buhashe bwa Mûka Mwimana; ²¹ Ayishi burha omwanarhabana, wayishi muyirika izino lya Yesu; ye wayishiciza olubaga lwage n'ébyaha byalwo. ²² Ebyo byoshi bya hikirire mpu lyo akanwa Nnamahanga abwirag'omulebi Kahika erhi: ²³ ala, omubikira ahek'izimi, anayishiburha omwanarhabana, anayishi yirikwa izino lya Emanueli, kwo kuderha oku Nnamahanga haguma na nirhu. ²⁴ Yozefu acirhenga omu liro ajira nk'oku malaika wa Nnamahanga anamubwiraga, arhola mukage. ²⁵ Cikwone arhamumanyaga kuhika alinda aburha omugala, oyoayirikaga izino lya Yesu.