¹ le azan kye mɛ, Jan Batisi va yi jla ɛwɛn le Juda we zogbeji bo lɔ nɔ bio: ² "mi trɔ ji mɛ ɖo Yesu we viva sɔn jiŋkunsin kpɔ " ³ Do, mi kpɔn mɛ ke xo xolɔɖenyitɔ Izayi lɔ, lɔ bio: " mɛ ke we ogbe ɖi le zogbeji " ojra omɔ ɖo na xwetɔ nɔ, mi jra o mɔ ɖo nywɛ ɖe" ⁴ Mi kpɔn Jan ke do olan gbaza we awu kpo akpa kan ke ɖo ninɔmɛ kpo-e I we onu ɖuɖu wɛ nyi kpaxwle kpo oŋwisin. ⁵ Kpo Jeluzalɛmu, juda kpo oto ke lɛ do-e gun do yi judɛn we otɔ to gun do yi e kɔn. ⁶ E bo do ɛsin ota na yee le judɛn we otɔmɛ ɖi ke yee o hun yee onuvwɛn we gɔnmɛ nɔ. ⁷ Vo, gan ke mɛ na e kpɔn falizutɔ yee susu kpo sudusotɔ yee gbɔn ɛsin dota nɔ, e lɔ na yee bio:" zakpata we okunkan yee, mɛ lɛ lɔ na mi bio mi mɔ si na Mawu we kojoɖiɖo ke o gbɔnnɔ? ⁸ I wɛ dɔn mi ɖexlɛ do gbɔn jijɔ mia tɔn yee mɛ bio ɛgbɛ miatɔn ye mɔ trɔ. ⁹ Mi ka lɔ le mia ɖe mɛ bio: " Ablahamu wɛ niy mia dagbo." Do ko lɔ na mi nɔ bio, Mawu hɛn e na sɔ ɛkpɛn ke yee a do wasi vikpɛ yee na Ablahamu. ¹⁰ Yee o jra ovie ɔ a do gbo okyɔn yee na otin yee. Otin ɖesiaɖe ke hɔn sin okun nywɛ nɔ, ye na gbo-e a bo sɔ do zo. ¹¹ Ko do ɛsin ota na mi na jimɛ titrɔ, vo mɛ ke va do ŋkɔn na ɖo hɔnhlɔn wu blɔ ko ko jɛ na do ɔfɔ fokpa itɔn ye mɛ. E na do ɛsin ota na mi so gbɔn gbigbɔ kinkwɛn kpo o zo. ¹² kpo mɛ. Sasrado ke le ogbe siso a do sra ɛji nu kun ŋyinɖe a bo bɛ yee do ava mɛ. Ko na bi owɔ le ozo ke hɔn na ci kpɔ mɛ." ¹³ Yesu va Galilu le juda tɔ mɛ na Jan do vɛ dɛ ɛsin ta ni. ¹⁴ Vɔ jan sin ota le ŋkɔn mɛ do xɛmɔni bo lɔ bio: "Ko ɖo ojro na dɛsin ota sɔ gbɔn mɛ we, omɔ va kɔn ye?" ¹⁵ Yesu ɖehuni bo lo bio:" Mi ɖe gbe ni syɛ trolo; ɖo e le kinkɔn a bo do wa gbeji ni nɔ we dan." Zrɔn kpa Ja boɖe gbeni. ¹⁶ Le ɛsi do ota we godoɔ; Yesu bo Zrɔn kpo le tɔmɛ, kpon ji ŋkunsi le nuvo. Ekpɔn Mawu dɔla jɛte ɖi hɔnnɛ we do e ji. ¹⁷ Mi kpɔn ogbe fan le jiŋkunsi bo lɔ bio:" Mi kpɔn vye wan nyinɔ. E nɔ do jijɛwɛ na."