¹ Le gan hɛn mɛ, oga elodu xé yesu we oxe. ² Elodu bo lɔ nɔ i we odansɔviye: « jan Batisi wɛ, e fɔn sɔn oku, i wɛ dɔn hɔnhlɔn itɔn do wadan le emɛ. » ³ Ɖanhin mɛ Elodu wlé jan bo blé bo sɔ-ɛ do ogankpa-mɛ Elodasi wu, ke nyi filipu o si-ɔ. ⁴ Ɖo jan lɔ nii bio « osɛn ɔn na ogbe bio o na sɔ Elodiasi do wasi nyɔnnu. » ⁵ Elodu kan nɔ bio he a mɔn hu jan, vɔ e vo na otogun-ɔ nɔ, ɖo ye nɔ sɔ jan ɖi oxo lɔɖonyitɔ ha. ⁶ Ke jigbezan Elodu tɔn va, Elodiasi we nyɔnnusivi ɖu oxwé le ɛmɛ ke va azan ɖuɖu wetinxo, e bo jɛŋ na Elodu. ⁷ A do ɖo nuke nyɔnsivi-ɔ wa wu, Elodu do akpagbe bo taŋu, bio hé mɔn na sɔ onu ɖekpo-kpoe ke ovi-ɔ mɔ na bi-ɔ sɔ nü. ⁸ Ke ovi-ɔ sé o nɔwe ogbe do asiye vɔ, e bio « Sɔ jan batisi we otá do agban mɛ na le bwɛ. » ⁹ Onu ke ovi-ɔ vio caka wu oga Elodu, vɔ ke na etaŋu, kpo ɛmɛ ke va hwedo we onuɖuɖu gbe kpoe wu tu. E na ogbe, bio ni mɔn jɔ. ¹⁰ Elodu dɔn ɛmɛ do gankpa mɛ, ye mɔn ve gbo jan we ota do va. ¹¹ Ye bo sɔ jan we ota do va le agban mɛ na ovi-ɔ e bo sɔ-e na onɔ. Bɔdo e u ɔ, i we onukplavi ye va sɔ i we ocɔ bo ve ɖi. Iwe godo, ye yi bo ve lɔ na Yesu. ^{12 13} Ke yesu sé onu ke jɔ, e tɔn le otɔji hun-ɔ mɛ bo sin ofi ke ɛmɛ ti ɔn lé. Ke otogun sé emɔn, ɛmɛ ye sɔn toxo ye mɛ bo xo doe kpo ɔfɔ. ¹⁴ Yesu bo tɔn do hunkɔn na ye, bo kpɔn otogun ɖaxo ɖe. E bo kpɔn dɔŋuɖunu na ye bo gɔ ɔdɔn na ye. ¹⁵ Ke xwedo do-ɔ, onu kplanviye va yi yesu kɔn bo lɔ nü bio: « bwe-ɔ zogbejiwe, ozan bo do nɔ, nyan togun na ye a vé kan onu ɖe a bo xó le gletaxwe ye a bo ɖu. » ¹⁶ Vɔ yesu bolɔ na ye bio « Ɔn hian bio ye na sɔn. Miye tété mi kan onu ɖe na ye aɖu. » ¹⁷ Onukplanviye bo lɔ nü bio: « kpɔnnɔ atun kpo oxwé ɔwe wɛ le bwɛ. » ¹⁸ Yesu lɔ bio: « Mi sɔ ye do va na. » ¹⁹ Yesu lɔ na otogun bio ye mɔn hinɛnyi do ogbéyeji. Yesu sɔ kpɔnnɔ atun ye kpo oxwé ɔwe. Ke yesu kɔ unkunsin bo kpɔn jiŋukusin, bo yla kpɔnye bo mi. Bo sɔ-ɛ sɔn na onukplanvi ye bo ye mɔn man na otogun ɔ. ²⁰ Ɛmɛ ye bi ɖu onu bo gɔ gomi. Ye bo bɛ kpɔnnɔ gbokpoe ye - jahwi wevé-wɛ gɔ. ²¹ Ɛmɛ ke ɖu onu na yi akpo atun e mɔn ha, ke na ye ɔn xlé vikpeye kpo nyɔnusiye. ²² Zɔnɖokpo-zɔnɖokpo, yesu lɔ na onukplanviye, bio ye mɔn ɖiɛ otɔjihun ɔ mɛ caca mɔn zɔn sinü otɔ we ago ɖi-ɔ ji, hé téte a mɔn nyan otógun-na ye a sin oxwegbe. ²³ Ke yesu trɔ okɔ na otógun vɔ, yesu ɖoɖio sin otó-ɔ ji a do xo ɛdɛ. Yesu ɖoɖio wɛ le otó-ɔ ji gbun xwedo bo do. ²⁴ Vɔ-ɔ le otɔ ji, jɛhɔn o do han nu na onukplanviye-nɔ, le gan ke mɛ na ye vé le dodo mɛ na ɛhu-ɔ, jɛhɔn bo kpé tɔjihun-ɔ nɔ. ²⁵ Yesu bo zɔn zɔn ni le ɛhu-ɔ ji nɔ do gbɔn-nɔ ye kɔn le ganke mɛ na exo zangan ɔtɔn do yi ɛnɛ nɔ e mɔn ha. ²⁶ Ke onu kplanviye kpɔn yesu ozɔn-zɔn ni-nɔ gbɔn otɔji nɔ, vivo jɛ ye ji bo ta lilɔ na ye ɖé bio « Onu kpi-kpé hin, » ye bo ta vivo we axwa dido. ²⁷ Yesu bo lɔ na ye bio: « Mi do oji bo wɛ! Mi ka mɔn vo. » ²⁸ Pyɛ bo ɖo ehu na yesu bio: « xwetɔ, na ye wɛ-ɔ, bo ɖe ogbé na ma va kɔnwe. » ²⁹ Yesu bo ɖo ehu nü: « va. » Pyɛ bo tɔn le otɔjihun mɛ, bo ta zɔnni zizɔn le ɛsin-ɔ ji do yi yesu kɔn nɔ. ³⁰ Ke Pyɛ kpɔn ke jɛhɔn o xo ɖo nɔ, e ta vivo. Pyɛ bo ta sisi-ɔ, bo ta axwa dido: « xwetɔ, wlinnɔ gan! » ³¹ Zɔnɖokpo yesu bo ɖrin ɔlɔ bo xlé Pyɛ bo lɔ nü bio « hanjé xosé vitue nɔ, un ni jɔ o xo onu kpɔn? » ³² Ke yesu kpo Pyɛ trɔ ɖiɛ otɔ jihun mɛ vɔ, jɛhon bo ɖo té. ³³ Onukplanvi ke le otɔjihun-ɔ mɛ ye ta yesu ki kafu bo lɔ nɔ bio: « le oxo jɔ oxo mɛ, yi wɛ nyi Mawu we ovi! » ³⁴ Ke ye bgo otɔ vɔ, ye jɛ ago le jenézalɛti we kansinmɛ. ³⁵ Ɛmɛ ke le blɛ ye do josi yesu, bo ta lilɔ na ɛmɛ ke le kansin blɛ yé bi bio ye mɔn sɔ ɔdɔn nɔ ye tɔn ye bi mɔn do va na yesu. ³⁶ Ɛmɛye bo ɖe kuku na yesu nɔ bio nü mɔn ɖemɔn na ɔdɔn ye agbɛ ɖo ɔlɔ ahu itɔn wu vovo, ye mɛ bi ke gbɛ ɖo ɔlɔ awu yesu tɔn wu ye kpɔn ɔdɔngigɔ.