1 Le azan xwin gbe Yesu lɛ le xwegbe fike enɔ kplannun le bo ve xinɔnyi le ɛxuto. Ɛmɛ susu lɛto do-e e bo sin tojihun kɔn bo xinɔnyi le ɛxuto. 2 Ɛme togun xe hadye bo ci tegaga le tɔto. 3 Yesu bo lɔ oho susu na sɔ olo dido, do ye mɛ. E bo bio " nu xwatɔ ton bo nxwanu. 4 Gankemɛ e xwanu nɔ, jinu kunye hwlɛn jɛ 0mɔ ji, oxeye bo va bo can ye ɖu. 5 Ɛjinukun gbokpo-e ye hwlɛn do ɛkpin kpo do fike okɔ susu hon le. Zɔnɖokpo ɛjinukun ye wu do ogun hɔn tito. 6 Vɔ na ohwe zɛ-ɛ, ɛjinukun ye nɔ fiɔ ɖo ɔn ɖo okyɔn ke yi ogun ni-i e bo fyɔ. 7 Ɖe-e ye bo flɛ jɛ ɛŋu ye mɛ. Ɛŋu ye xwen bo bla ye bo hu-i. 8 Ɛjinukun ɖeye flɛ jɛ ukundan nywɛn ji, bo sɛn okun hu kanweko, ɖeye kanɖeko, ɖeye ogban. 9 Mɛ ke ɖo oto ye ye ni se. 10 Nukplanvi ye va Yesu kɔn bo kinse nɔ bio: " E ni jɔ o nɔ do do olo a do lɔ oho na otogun-ɔ?" 11 Yesu ɖewu na ye bio: " Mi ye wɛ ye na mɔnukpikpɔn na mia do kpewu mɔ nu jɛ onu hwihwla jiŋkuŋsin Xɔluɖuxwe, vɔ ɔn nyi e mɔ xa. 12 Ɖo mɛ ke na ɖo wɛ ye mɔ na na deji, na do le susumɛ. Vɔ, mɛ ke hɔn ɖo, ye mɔ na yi vitu-e ke e ɖo-ɔ le esi. 13 Yi wɛ dɔn, ko nɔ do lɔxo na ye sɔ gbɔn do olo dido mɛ, ɖo, na ye kpɔn can, yɔn kpɔn, kpo na ye se can yɔn se, ye ko mɔ nɔ se onu ti we gɔn mɛ. 14 Ye tɔn wɛ nyi mɛ ke nɔ wasi do oholoɖenyin Izayi: " Mi na se vɔ mi-ɔn se, bo na kpɔn vɔ mi-ɔn yi nɔ 15 Ɖo, oji otogun ke tɔn trɔ zun onu kuku, ye we oto ye bo tri-i na onu sise, bo tu ŋkunsi ye tɔn na nyɔ na do kpɔnnu, a lo oto ye tɔn na nyɔ nɔ do senu, a lo-o oji ye tɔn na nyɔ do senu, kpo vi vo a do trɔ va na kɔn na do gɔ ɔdɔn na ye. 16 Yiyra na ŋukunsi mia tɔn ye ɖo ye nɔ kpɔn onu, kpo mia we oto ye ɖo ye nɔ se onu. 17 Ko lɔ na mi le oxo jɔ xo mɛ nɔ oxolɔɖenyi-ɔ susu kpo xo jɔ xo lilɔ susu jro na kpɔn onu ke ye ke mi nɔ kpɔn vɔ nyɔ nɔ kpɔn, bo mɔ jro na se onu ke mi nɔ se ye vɔ ye ko nɔ se. 18 Mi ɖo oto olo dido onuxwatɔ tɔn. 19 Gan ke mɛ na mɛ ɖe ɖo oto oxo xɔluɖuxwe tɔn e ko mɔ onu jɛ ewu, gan xin mɛ ɔ onu gu tɔ va bo fin onu xwiwla ke le yi we jimɛ. Yi ha wɛ ɛjinukun ke flɛ jɛ mɔto. 20 Ɛjinukun ke flɛ ɛkpɛn gbaja ji ɛmɛ ke na ɖo oto u oxo bo yi-i zɔnɖokpo kpo jijwɛ ɖaxo, 21 le ɖi otin ke na hɔn okyɔn ke hɔn Xnɔ ɖu azan susu. Gan ke mɛ didokpɔ na va alo ogu fɔn do ɛmɛ ji sɔ gbɔn oxo-ɔ mɛ, e na klɛn onu zɔnɖokpo. 22 Ke na jɛ ɛŋu ye mɛ wɛ nyi a ɖo oto oxo-ɔ, vɔ tamɛ bubu ɛgbɛ mɛ tɔn ye kpo ŋukunsin ɖiɖo dɔkun ye ma kpɔn nɔ tu gbigbɔ na oxo-ɔ, a bo sɛn okun nyinyla. 23 Ɛjinukun ke flɛ jɛ unkundan onywɛn ji wɛ nyi ɛmɛ ke nɔ ɖo oto oxo-ɔ a bo mɔ onu jɛ e u, wɛ nyi le oxojɔxo mɛ ɔ sin okun a bo wa odan, mɛ ɖe do onu vovo-e kanɖeko jɛ eji, ɖeye kanɖe ko, kpo ɖe ye ogban a bo wleobio na". 24 Yesu bo nɔ do olo ɖe na ye bio: " Jiŋkunsi xɔluɖuxwe le ɖi gbɛtɔ ha ke na xwa ɛjinukun onywɛ do ogle i tɔn mɛ. 25 Kpo gan ke mɛ na ɛmɛ ye odɔ ɔwlɔn nɔ, kɛntɔ e tɔn cite bo ve xwa ejinɔnkun nyinyla do mɛ ni bo sɔn. 26 Gan ke mɛ na ejinɔnkun ye wu ɔ bo sɛn okun ye ɔ gan xlɔn mɛ wɛ ogbe nyinyla ye can wu. 27 Gletɔ we odan watɔ ye yi ogle ɔ gbe bo lo bio: " xwetɔ ɛjinɔnkun onyɛ hwɛn mi xwa do ogle-ɔ gbe wɛ? E ni jɔ mi do kpɔn ogbe nyinyla ye nɔ?" 28 E bo, lɔ na ye bio: " kɛntɔ we odan wiwa wɛ. Odan sɔvi ye bo ɖe wu ni " ojro na mia yi a bo ve hɔn ye wɛ? 29 Xwetɔ ɖe ewu: " o-o, mi ko na do ve hɔn ejinɔnkun ye. 30 Mi jo ye do na ye a hwɛn kpɔkpɔ gun do jɛ ɖiɖe we ganmɛ. Gan ke mɛ ye ta ɛjinunkun ɖiɖe, ko na lo na ɛjinunkun ɖetɔ ye: " Mi hɔn ogbe nyinyla gbɔ xwe a bo bla ye a bo bɔ ye na ye a tɔ ozo wu ye a bo bɛ ejinukun do ava mɛ na." 31 Yesu bo nɔ do olo bu na ye bio: " Jiŋukunsin xɔluɖuxwe le ɖi ahwakun ke na dahwe ɖe xwa do ogle itɔn gbe. 32 Ɛjinukun xin wɛ nyi ɛjinukun vitwe le ɛjinukun bi mɛ, vɔ na e hwɛn, trɔ zun otin ɖaxo le ɛjikpamɛ na oxe ye nɔ va a bo ɖo ɔdɔ do ɔlɔ-ɛ etɔn ye mɛ." 33 Yesu mɔ do olo bu na ye bio: " Jiŋkunsin xɔluɖuxwe leɖi dokɔtinkɛn ke nyɔnusi ɖe sɔ, bo hlu kpo owɔ agan ɔtɔn gun ama bo fɔn." 34 Yesu kplan onu wu otogun bo lɔ onu xin ye na ye nɔ gbɔn olo dido mɛ, olo dido wɛ e nɔ do lɔ oxo na ye. 35 Sɔ gbɔn e xin mɛ wɛ e na va cicɛmɛ ganke mɛ na oxolɔɖenyitɔ lɔ bio: " Ko na hun onu tɛ ye sɔ gbɔn olo dido ye mɛ, ko na lɔ onu ke le hwihwla sɔ ɛgbɛ wɛ titwɛji." 36 Gan ke mɛ na Yesu trɔ kɔ na otogun ɔ bo sɔn yi oxwegbe. Ganxin mɛ wɛ onukplanvi ye tɛkpɔ* wi bo lɔ ni nɔ bio:" Ɖe emɛ na mi olo ogbe nyinyla ke wu do ogleɔgbe." 37 E bo ɖe wu: " Mɛ ke na xwa onu nywɛ wɛ yin Egbɛ tɔ we ovi." 38 Ogle ɔ wɛ nyi ɛgbɛ ɔ mɛ. Ɛjinɔkun nywɛ ɔ wɛ nyi xɔluɖuxwe we ovi ye. Ogbe nyinyla ye wɛ nyi ɛyɛmɛnuwatɔ we vikpɛ ye. 39 Kɛntɔ ke na xwa ogbe nyinyla wɛ nyi legba. 40 Ɖi ke ye bla ogbe nyinyla bo bɛ ye ve tɔ ozo wu ye, emɔ xa wɛ e na nyi le azan kpotwi ɔ gbe. 41 Gbɛtɔ we vyɔ na sɔ ɛwɛndotɔ itɔn ye do dan ye bo na va ɖetɛ le iwe xɔluɖuxwe nu ke nɔ gbɛ wa onu nyinyla, kpo ɔgɔjijɛ eji eji ye, 42 a bo da ye do ozo kpo ɖaxo mɛ, blɛ wɛ avi ye na ɖi nɔ, aɖu kunkun ye na ɖi nɔ. 43 Blɛ mɛ wɛ ɛmɛ jijɔ ye na klɛn nɔ ɖi ohwe xɔluɖuxwe ye otɔ tɔn ha. Na ɛmɛ ke ɖo oto ye ɔ ye ni se onu. 44 Jiŋkunsi xɔluɖuxwe mɔ le ɖi dɔkun xwixwla le glegbe. Daxwe ɖokpo kpɔn ɛn bo ve sɔ hwla. E gɔ kpo jijwɛ kpo, e bo ve sa nu ke le e si ye, e bo va xɔ ogle ɔ. 45 Do yi e ji ɔ, Jiŋkunsi xɔluɖuxwe le ɖi ɔjɔtɔ ke na kan jɛnu ke jɛŋu. 46 Gan ke mɛ e na kpɔn jɛnu ke ɖo kpɛnkpɛn ɖaxo ɖe, e trɔ yi bo ve sa onu ke e ɖɔ ye bi bo va xwɛ. 47 Jiŋkunsi xɔluɖuxwe ye na jlɛdo oɖɔ ke ye ɖado ɛxumɛ, a bo bɛ oxwe hamɛ hamɛ ha; vivɛ ɖe kpo ke hɔn le vivɛ ɖe kpo. Zɔn ɖokpo ke oɖɔ gɔ, oɖɔtɔ ye nɔ jɛte le otɔji. 48 Bɔ de wu ɔ ye xinnɔnyi bo bɔ akpa onywɛ do xijaye mɛ, vɔ ohwe gugu ye ye bo bɛ ye bo sɔ flin. 49 E mɔ Xa wɛ ɛgbɛ ɔ we vivɔnu na le. Mawu we ɛwɛndotɔ ye na va fi ke na Mawu na ɖo kojo na ɛmɛ ye a do ɖe okun nyinylatɔ ye le ɛmɛ jijɔ ye mɛ. 50 E na bɛ ye do ozo ɖaxo mɛ, blɛ wɛ avi vivi ye, aɖu kun ɖuɖu ye na bɛ. 51 Mi mɔ onu jɛ onu xin ye mɛ?" Onupklanvi itɔn ye ɖewu ni: " 52 ɛ-ɛ mi mɔ onu jɛ ewu." Yesu bo mɔ lɔ na ye bio: blɛ mɛ wɛ osɛn kplan ɛmɛtɔ bi ke ye kplan onu wu do jiŋukunsi xɔluɖuxwe ji le ɖi daxwe ke na ɖo owxe bo ɖe onu xixo le onu yoyo ye mɛ dɔkun itɔn ye. 53 Ke na *Yesu kplan onu wu ye vɔ, e lɛ le tɛnxo ɔ mɛ. 54 Do yi eji ɔ Yesu ɖyɛ kansin itɔn mɛ bo ta onu kpinkplan le kplɔngbasa. Mɛ ke ɖo oto yi nɔ ekpaca wu ye ye bo lɔ bio: " fye onu nywɛ zinzin kpo undandonu dahwe ke ye sɔn? 55 Dahwe ke hɔn nyi otin kpatɔ we vi wɛ? Mali hwɛn nyi onɔ? Jaki, Jozɛfu, Simɔ kpo Juda hɔn nyi nɔ vyɔ ye wɛ? 56 Kpo do nɔvyɔ nyɔnusi ye can hɔn le mia mɛ? Fye dahwe nɔ kpɔn onu klɛ ye sɔn?" 57 Ye okpɔn nɔ bio e mɔ jɔgɔ do hi ye, vɔ Yesu lɔ na ye bio: "ɔn nyi itete we otomɛ kpo itete xwe gbe hwɛn ye nɔ do bubu na oxolɔɖenyitɔ le." 58 Do ye we ma yise wu ɔ, ɔn kpewu wasi undandonu susu le blɛ.