¹ ke yesu sɔ onu kplan ɛmɛ itɔn ye sɔ na iwe onukplan vi weve ye vɔ, elɛ le blɛɔ, ado va yi kplan onu a mɔ jla Mawu we oxoɔ dogbɔn toxo yetɔn ye mɛ le yewe tomɛ: ² Jan le ogankpamɛ, bo se Klisu we dan ke ewasinɔ ye we oxo. Ebo dɔn iwe onukplan viye ɖodan dokan oxo u Yesu se nɔ gbɔn ye ji bio: ³ ɛmɛ ke ba va nɔɔ, yiwɛ? alo minan kpɔ omɔ na ɛmɛ bu wɛ?

yesu ɖewu na onukplanvi Jan tɔn ye biɔ:

⁴ yesu ɖewu na onukplanvi Jan tɔn ye biɔ " miva yi ɖo ogbe na Jan, onu ke mise nɔ, kpo ke mi ɔ kpɔn nɔ: ⁵ ŋunvaŋɔye okpɔn onu nɔ, tɛkunɔ ye, zɔn zɔn ni nɔ, gudu nɔ ye kpɔn ɔdɔn gigɔ nɔ, oto ku nɔ ye, ose onu nɔ, ɛmɛ kuku ye, fɔn sɔn okutomɛ nɔ; kpo do, ɛwɛn ŋywɛɔ yi nɔ nywɛɖe dodan wamɛnɔye. ⁶ ŋyɔ nan, ɔ Wɛ nyi, ɛmɛ ke kɔ bava nyi onyijijɛ ni na e na bu xɔse itɔn." ⁷ ke jan we onu kplan viye yi vɔɔ, Yesu ta Jan we oxo lilo na otogun ke lɛ to do-e bo bio: " ŋuni mi va yi bo kpɔ le zogbeji? Okɔn ke jɛhɔn nɔ do owe na nɔ wɛɛ? ⁸ Vɔ, ŋuni lɛ mi ve kpɔ? ɖahwe ɖe ke jlado nywɛ ɖe wɛɛ? Ɛmɛ ke nɔ do cigan we ovo wɛ nɔ nɔ xɔlu ye we xwegbe ⁹ Mɛ lɛ mi va yi kpɔn? Mawu we ogbe ɖotɔ de wɛ? ¹⁰ Do, yi wu wɛ ye wlan do bio: "' kpɔn, ko ba sɔ ɛwɛn dotɔ tɛye sɔ ɖodan, eba jɛ ŋukɔn na we" ¹¹ Le oxo jɔxo mɛ, ko bo lɔ-ɛ na mi nɔ, le ɛmɛ ke ye nyɔnusi gbɛ ji ye mɛ, ɛmɛ ti hɔn le bo hu gan Jan, Mawu we ɛsin lɛ na ɛmɛ tɔo. Vɔ, ɛmɛ ke ŋyi ɛmɛ vito-e le xɔlu ɖu xwɛ ɛsɛxwɛ tomɛtɔn mɛɔ bo hu gan wi. ¹² Sɔn Jan, Mawu we ɛsin lɛ na ɛmɛ tɔ we gan mɛ gun va do va syɛ-ɔ, xolu ɖuxwe ɛsɛxwe tomɛ tɔn nyi ɛmɛ ji zinzin, yi wɛ, ɛmɛ ji zin tɔ ye wɛ yii kpo do hɔnhlɔn kpo. ¹³ Ɖo-ɔ, Mawu we ɛwɛn do tɔ ye xeɖeɖe kpo do Mawu we osɛn kpo olo oxo ɖe ŋyi gbun do va jɛ Jan ji. ¹⁴ Na enyibio, mi jlo nan yi, yi wɛ yi Eli, ¹⁵ ɛmɛ ke ɖo na va Na ɛmɛ ke ɖo oto ye ado se onu, ni se. ¹⁶ Ŋuni wu ko ba sɔ jiji mɛ ke sɔ jrɛ do? Ele ɖi ovi kpɛ ye dɛ ɛgbɛ nɔ le dogbaji alo oxi mɛnɔ ye, xinnɔnyi a mɔ yɔ ye nɔnɔ ye, a mɔ lo nɔ bio;: " ¹⁷ mi kun okpɛn na mi, kpo do ohan jiji ye kpo, vɔ mi ɔn ɖu owɛ nɔ. Mi wasi ɛmɛ ke ocɔ ku, bo ji ocɔ we ohan ye nɔ, vɔ, mi ɔ viavi nɔ." ¹⁸ Ɖo ke Jan va ɔ, ɔn hɔn ɖu kpɔnnɔn, eko nu ahan, ye bo lɔ bio:; " ɖo gbigbɔ nyannyla. " ¹⁹ Ovi gbɛtɔtɔ va bo ɖu bo nu, ye bio: "mi kpɔn, ɔdɔ nɔ kpo do ahan nu mu nɔ wɛ nyi, ɛmɛ xo ɖu tɔ ye kpo do onu nyi nyla wa tɔ ye we oxlɔn wɛ e nyi!" Vɔ, a ɖaŋun ɖiɖo ado wa onu nywɛ nɔ yi ɖiɖe xlɛ gbɔn odan wiwa etɔ ye mɛ. ²⁰ I wɛ le oto ɖaxo ke mɛ ye susu Mawu we odan ɖaxo i tɔ ye nyi wiwa leɔ, Yesu ta onu gbigbɛ na ye, a mɔ jɔ ye do omɔ nywɛ ji, dɔ ye xɔ ɖoli jijɔ. ²¹ " babaa na mi, kolaziatɔ ye! Babaa na mi Bɛtesaida tɔ ye! Ɖo, edo nyi bio ŋu dan do nu ke ye jɔ le mia we dodo min nɔ ye, do jo le Tilu kpo do Sidɔn ye we oto ye me wɛ ɔ, bo nyi sɔ xoxo gun wɛ oto vi xi ye o nan ɖɔli jijɔ a bo sɔ dɔkpo ye so do, a bo lɛ ofin. ²² Vɔ le kojo do zan gbe ɔ, oxa ke ba va xo mi nɔ, na xu gan Tilutɔ kpo do Sidɔ tɔ ye tɔ. ²³ Lɔ Kapɛnawumu, obu-i nɔ bio oba nyi dido do jihwe nɔ wɛ? oo, ye na ɖe we do odo gun do jɛ oku tomin. Ɖo, e nyi bio ŋudan do nu ke ye jɔ le kɔ we ye do jɔ le Sodomu we toxomin wɛ ɔ, toxo hlɔn nan mɔ le gun do va jɛ egbe. ²⁴ Vɔ ko lo nan mi nɔ bio, e na nɔ bɔbwɛ ɖe na nyixo Sodɔmu tɔ le kojo ɖiɖo we azan gbe, hu tɔ we. ²⁵ Le ogan hlɔn mɛɔ, Yesu lo bio: "Otɔ jiunkun si kpo unkundan ɖo tɔ, ko do gigo na mi nɔ, do mi sɔ onu ke ye sɔ wla do aɖaun ɖotɔ ye kpo zinzin to ye kpo, bo va so hlɛ min ke hɔ nyin onu kplan ɛmɛ ti ɖi vikpɛ vi ye ha. ²⁶ O o Didaye, ɖo enyi o nu ke jro we le unkunsita. ²⁷ Didaye so onu kɛ ye xeɖeɖe so do ɔlo mɛ na. Emɛ ti ɔn ŋyɔ Otɔɔ bo ŋyi ovi kpo do ɛmɛ ke oviɔ jlo na sɔ ɖe xlɛ/ ²⁸ Mi va kɔn ye, ɛmɛ ye xe ɖeɖe ke wa odan nɔ kpo do ɛmɛ ke agban okpin nɔ ye, na ma na mi gbɔ jɔɛ. ²⁹ Mi ɖiɖa agban kpinkpɛn tɛ ye sɔ hɛn a bo kplan onu sɔn kɔnye, ɖo ko nyi ɛmɛ onywɛ bo nɔ sɔ ɖie sɔ hwe sɔ jimɛ, mi na kpɔn gbɔjɔɛ le miawe okla ye mɛ. ³⁰ Do bo we agban ewoɖo e ko syɛn wu."