¹ Yesu yɔ onukplanvi itɔn wevɛ ye bo na ɛcɛ wu ye do gbigbɔ nynylan ye ji; a bo do nya ye a bo gɔ ɔdɔn na ɔdɔnɔn ɖekpokpo-e kpodo ɛmɛ ɖekpokpo-e ke we lanmɛ ɔn le e ji ye. ² ɛmɛ didɔn wevɛ we ŋukɔ xɛn: Tantyɛn, Simɔn ke ye mɔn nɔn yɔ bio Pyɛ, kpodo Andre ke na nyi Simɔ nɔnviɔ kpodo Jake Zebede we ovi, kpo Jaan kpo. ³ Filipu; Batremi, Jaki ke nyi Alufe we vi-ɔ, kpodo Tade. ⁴ Simɔ ɛvun xodotana oto tɔ ve kpe Juda ke zan Yesu. ⁵ Yesu dɔn ye mɛ weve ye ena gbeta ke wu ye: " mi ka mɔ yi ofi ke na ma yise nɔ ye le a bo ka mɔ ɖyɛ Samalitɔye we oto ti mɛ. ⁶ Vɔ mi yi lɛngbɔvi ke bu le Izrayɛli xwegbe ye kɔn. ⁷ Na, mi lɔ Mawu we oxo-ɔ na ye nɔ, mi lɔ na ye bio xɔluɖuxwe Mawu tɔn ekpɔ." ⁸ Mi gɔ ɔdɔn na ɔdɔnnɔ ye, mi fɔn ɛmɛ kuku ye, mi kɔn okpo nɔ ye wu, abo nya gbigbɔ nyinyla ye. Vovo mi yi, mi na vovo. ⁹ Mi ka mɔ sɔ sika, oho, alo ohogan tete do ogomɛ, alo fɔkpa, alo okpo. ¹⁰ Ɖo odanwatɔ na yi ɔxɔ tu itɔn. ¹¹ Toxo alo gletaxwe ɖekpokpwe ke mɛ mi na ɖyɛ, mi kan ɛmɛ ke jɛ na yi mi ye a bo nɔ ikɔn gun do jɛ gan ke mɛ mi na lɛ. ¹² Na mi ɖyɛ oxwe ɖegbe mi do ogbe. ¹³ Na ye yi mi-ɔ fifa mia tɔn ni nɔ oxwe-ɔ ji. Vɔ na ye-ɔn yi mi-ɔn fifa mia tɔn ni mɔ trɔ va na mi. ¹⁴ Na ɛmɛ kena gbɛ mi yiyi-ɔ alo bo gbɛ oxo mia tɔn ye sise, na mi tɔn le oxwe xin gbe alo oto xin mɛ, mi hunhun finfin zo ke le ɔfɔ na mi ye. ¹⁵ Le oxojɔxo mɛ-ɔ ko lɔ na mi nɔ, le kojo ɖiɖo we azan gbe-ɔ Sodomu kpo Gomɔɔn we oto we kojo ɖiɖo na ɖedrɔn wu ye tɔn. ¹⁶ Mikpɔn, ko dɔn-ɔn mi dodan ohla ye mɛ nɔ ɖi lɛngbɔvi ha, mi nɔ aceji le ɖi lanvi ye ha, abo nyi onu nyinyla ma wa tɔ ɖi hɔnnɛ ye ha. ¹⁷ Mi cɔ mia ɖe le gbɛtɔ ye wu, ɖo ye na sɔ mi a sɔ na le kojoɖoxwe ye, ye bo na xo mi le okplityɔn ye tɔn ye. ¹⁸ Ye na dɔn mi gbɔn ɛcɛkpikpa kpo xɔlu ye kɔn do blɔ wutu a do ɖe kunnu na ye kpo ye kpo mayise nɔ ye. mɛ ¹⁹ Na ye sɔ mi sɔ na, mi ko mɔ caka do onu ke mi na lɔ wu, ɖo onu ke mi na lɔ ye na sɔ na mi le gan xlɔn mɛ. ²⁰ Ɖo ɔn nyi mi ye hwɛn va lɔ oxo-ɔ nɔ;, vɔ Gbigbɔ mia tɔ tɔn wɛ na lɔ oxo do mia nu. ²¹ Nɔvi ɖe na hu nɔvi ɖyɔ, otɔ mɔ hu ovi, vikpɛ ye mɔ fɔn ogu do ye ajitɔ ye wu gun a bo hu ye. ²² Mɛ bi na gbɛ owan na mi do bo we unkɔ wu. Vɔ ɛmɛ ɖe kpokpwe ke na do vivɛ nun gun do yi vivɔ nu ɔ na kpɔn hlwɛngan. ²³ Na ye ci ɛtɛ na mi-ɔn le oto ke mɛ, mi si a bo sɔn yi oto bu mɛ. Ɖo ko lɔ na mi nɔ le oxo jɔ xo mɛ: "mi ɔn va gbɔn Izrayɛli we oto-ɔ bi mɛ nɔ keŋu gbɔxwe gbɛtɔ wevi-ɔ na va. ²⁴ Onukplan vi hɔn hu gan xwetɔ itɔn, odan sɔvi can ko hu gan oga itɔn. ²⁵ Le ɖi ke ye na hɛn xwetɔ ɖo ha e mɔ ha, e mɔ ha ke wɛ ye na hɛn onukplanvi-ɔ ɖo, ke wɛ ye hɛn oga ɖo-ɔ e mɔ ke wɛ ye na hɛn odansɔvi-ɔ ɖo. Na ye yɔ xwetɔ bi Bɛlizebulu, Ɛmɛ ke le oxwe-ɔ gbe ye-ɔ ye na yɔ nyi kɔ ke na nyla hu e mɔ na ye. ²⁶ Emɔ xa, mi ka mɔ vo do onu ti hɔn le wiwla ke hɔn na va jɛ agban hun gba bɔ do ehu-ɔ nuti hɔn le wiwla ke ye hɔn na yɔn. ²⁷ Nuke ko lɔ na mi le vuvlu mɛɔ, mi luwɛ le oklo bɔdo ehu ɔ okpa ke ye ɖe do tomɛ na miɔ, mi luwɛ, le oxɔ ye ta ²⁸ Mi ko mɔ vo na ɛmɛ ke nɔ hu gbaza ye ko nɔ kpe wu nɔ hu okla. Hugan mi vo na ɛmɛ ke na crɔn okla kpo gbaza kpɔkpɔ do ozo mavɔmɛ. ²⁹ Na ye na sa wewlezin ɔwe kpɔn oho ke e na nyi? Ganke na ɖe na flɛ jɛ nyixomɛ miatɔ nɔ nyɛ. ³⁰ Ɛmɔ ha-a, oɖa ke le ota na mi-ɔ hihlɛ wɛ ye nyi. ³¹ Mi ko mɔ vo. Mi nyi onu hu wewlezi susu. ³² Ɛmɔ ha ɛmɛ ɖe kpokpwe ke na hun blɔ mɛ le ɛmɛ ye we unkɔn, bo can ko na hu ican mɛ le didɛ ye ke na le jiŋukunsi we unkɔn. ³³ Vɔ ɛmɛ ke na gbyo le gbɛtɔ ye we unkɔn, bo can na gbɛ le didɛ ye ke na le jiŋukunsi we unkɔn. ³⁴ Mi ko mɔ bwi bi-ɔ fifa mɛ ko mɔ hɛn va nyixoji. Kɔn hɛn fifa do va vɔ ohwi wɛ kohɛn do va. ³⁵ Ko va fɔn dahwe ɖe do oto wu, nyɔnuvi do onɔ wu, ovisi do sunɔ wu. ³⁶ Mɛ ke na le hwɛndo ɛmɛ te te tɔn mɛ ye-ɔ wɛ na nyi kɛntɔ itɔn ye. ³⁷ Mɛ ke na nya na otɔ alo onɔ hu gan blɔ hɔn jɛ na blɔ bɔde wu-ɔ ɛmɛ ke nyi wan na ovi-ɔ unsuglo alo nyɔnnusivi hu gan blɔ hɔn jɛ na. ³⁸ Ɛmɛ ke hɔn kɔ tisoga gban itɔn a do xodo-ɔ hɔn jɛ na. ³⁹ Ɛme ke na kpɔn ɛgbɛ itɔn e na bwi vɔ ɛmɛ ke na bu ɛgbɛ itɔn do blɔ utu e na kpɔn-ɛn. ⁴⁰ Ɛmɛ ke na yi mi e yi blɔ, ɛmɛ ke na yi blɔ e yi mɛ sɔ dodan. ⁴¹ Ɛmɛ ke na yi oxolɔɖenyitɔ le ɖi oxolɔɖenyitɔ ha, ena yi oxolɔɖenyitɔ we ɔxɔtu. Ɛmɛ ke na yi ɛmɛ jijɔ, ɖo e le jijɔ, e na yi ɛmɛ jijɔ we ɔxɔtu. ⁴² Mɛ ɖe kpokpwe kena na ɛsin fifa kɔkpo ɖokpo wu vikpɛvi klɛ ye ɖokpo ha le ɖi onukplanvi tɛ ye ha, Le oxojɔxo mɛ ko lɔ na mi nɔ, ɔn na bu ɔxɔtu iton ɖokpo tete.