Toko 23

1 Sady Jesosy nivola tamy olo lako rey noho mpianatsiny rey. 2 Hoy Ie hozao: “Mpanora-dala noho fariseo rey ro mipetsaky amy ty fipetsaha i Mosesy eo. 3 Laha zay ndra ino ndra ino hibekoan-drozy anareo hanovy, le anovo raha reny ka le miembena androzy. Fa ka ala manahaky ty asan-drozy safe rozy ro mivola raha neca bakeo tsy manao zay. 4 Eka, fehezin-drozy ty enta-mavesatsy ze sarotsy andesy, sady bakeo le apetsakin-drozy amy ty sorokiny eo ty olo. Fa tsy hqnetsiky ty ratsan-tana raiky marina ty vatan-drozy mba handay androzy. 5 Manao ty asany ndrozy iaby mba ho hita ty olo. Fa anovin-drozy malalaky ty filakiterany, sady hitarihan-drozy ty sisy-ty salony. 6 Tean-drozy ty toera ty mana-kaja amy ty fanasa any noho ty toera ty bey amy ty synagoga ao, 7 noho ty fiarahaba miavaky am-bazary eny, sady mba ho kaihy ty olo hozao: ‘Raby.’ 8 Fa nareo tsy azo kaihy hozao: ‘Raby,’ fa raikyavao ty mpampoanatsinareo, sady mpirahalahy nareoiaby. 9 Sady ka mikaiky ty olo an-tany etoy hoebabanreo, fa raiky avao ty Babanareo, sady Ie ro an-danitsy any. 10 Nareo ka mety kaihy hozao: ‘Mpampianatsy,’ fa raiky avao ty mpampianatsinareo, le i Kristy. 11 Fa ze bey bibiky aminareo ro ho mpiasanareo. 12 Ndra ia ndra ia manondrom-bata le ajotso, sady ndra ia ndra ia mampijotso vata ro hasondrotsy.

13 Fa lozanareo, mpanora-dala noho fariseo rey, mpihatsaravelatsihy! Fa ahilinareo amy ty olo ty fanjaka ty lanitsy. Fa nareo tsy mampilitsy ty vatanareo, sady tsy enganareo ze mila hilitsy rey. 14 1

15 Lozanareo, mpanora-dala noho fariseo, mpihatsaravelatsihy, Fa mandeha mitety ty riaky noho ty tany nareo mba hampiova fa ty olo raiky, sady lafa miova ie, le anovinareo ty anaky ty helo abo mandilatsy roe noho nareo ie.

16 Lozanareo, mpitariky jiky, nareo ze mivola hozao: ‘Ndra ia ndra ia mifanta amy ty egilizy, le tsy misy dikany zay. Fa ndra ia ndra ia mifanta amy ty volamena ty egilizy, le voafehy ty fifantany ie.’ 17 Nareo jikyada. a! Ia ro bey mare, ty volamena sa ty egilizy ze manao volamena masy? 18 Sady, ‘Ndra ia ndra ia mifanta amy ty alitara le tsy misy dikany zay. Fa ndra ia ndra ia mifanta amy ty fanomeza ze anabo zay ao, le voafehy ty fifanta ie.’ 19 Nareo olo jiky! ia ro bey mare, ty fanomeza sa ty alitara ze manao ty fanomeza ho masy? 20 Laha zay, ze mifanta amy ty alitara, le mifanta amy zay noho amy ty raha iaby anabony eo. 21 Ty raiky ze mifanta amy ty egilizy, le mifanta amy zay noho amy ze mipetsaky aminy ao, 22 sady ty raiky ze mifanta amy ty lanitsy, le mifanta amy ty seza fipetsahan-Janahary noho aminy ze mipetsaky anabo zay eo.

23 Lozanareo, mpanora-dalà noho fariseo, mpihatsaravelatsihy! Fa mandoa ty fahafolo ty solifa noho ty aneta sady ty kominy nareo, fa nareo ro tsy nanenky ty raharaha mavesan-danja sandraky amy ty lala- ro ty rariny noho ty famalozam-po sady finoa. Fa rey ro tokony nanovinareo sady tsy tokony nenganareo ho tsy vita ty raiky hafa. 24 Nareo mpitariky jiky, nareo ze maniva ty lanitsy nefa mitely rameva!

25 Loza ho ahy nareo, mpanora-dalà noho fariseo, mpihatsaravelatsihy! Fa liovinareo ty ambaliky ty kapoaky noho ty lovia, nefa ty anainy ao ro atsiky faniria noho fila. 26 Nareo fariseo jiky rey! Liovo aloha ty anay ty kapoakynoho ty lovia ao, mba hanjary malio avao koa ty ambaliky.

27 Loza ho ahy nareo, mpanora-dalà noho fariseo, mpihatsaravelatsihy! Fa nareo ro manahaky ty lolo voalalotsy foty; ze soa ambaliky, fa ty anainy ao koa ro atsiky ty taolam-paty noho ty loto iaby. 28 Manahaky zay avao koa, ambaliky eto nareo miboaky ho marina amy ty olo eo, nefa ty anainareo ao ro atsiky fihatsaram-belatsihy noho heloky.

29 Loza ho ahy nareo, mpanora-dalà noho fariseo, mpihatsaravelatsihy! Fa mamboatsy ty lolo ty to-resaky nareo sady mampipozy ty lolo ty mrina. 30 Hoy nareo hozao: ‘Laha niay tamy ty andro ty razambentsika tsika, le tsy ho nandramby anjara niaraky tamin-drozy tamy ty fandatsaha ty lio ty olo to-resaky tsika.’ 31 Laha zay le mitsanga vavolombelo amy ty vatanareo nareo fa anaky ze namono ty olo to-resaky rey. 32 Nareo avao koa ro naha atsiky ty fahota razambenareo rey 33 Nareo bibilava, nareo tariha ty menara, ino ro hilaisanareo ty fanasazia ho amy ty helo any? 34 Laha zay, ingo, miaraky olo to-resaky noho olo-hendry sady mpanora-dalà ho ahy nareo Zaho. Ty ilany amin-drozy ro ho vononareo noho hahantonareo; sady ty ilany ho vangonafeo amy ty synagoganareo ao sady handroaky azy hiala an-tana ao. 35 Ty vokatsy zay le hanontany anareo ty lio marina iaby ze nalatsaky tan-tany eto, nanomboky tamy ty lio i Abela marina, ka le zisiky amy ty lio Sakaria ana i Barakia any, ze nivononareo tanivo ty fipetsaha masy rey noho ty Alitara. 36 Volaniko aminareo marina, fa ty raha iaby ro ho avy amy tariha toy.

37 Jerosalema a, Jerosalema a, iha ze mamono ty olo to-resaky noho mitoraky-vato ze hirahy ho aminao! Impiry Zaho ro maniry ty hamory ty ananao miaraky, manahaky ty akoho vavy raiky mamory ty akoho kelikely ambany elatsiny ao, nefa tsy nety nareo! 38 Ingo, ty tsanonareo ro enga ho lao ho ahy nareo. 39 Fa volaniko aminareo, zisiky amy zao, twy hahita Ahy vatany nareo zisiky-pivolananareo hozao: ‘Isaoro lahy ze baka amy ty anara ty Tompo.’”

1Fanamariha: Ty taratasy-lako taloha ro tsy ahita ty fehezan-tsafa hozao: ‘Fa lozanareo, mpanora-dalà noho ty fariseo, mpihatsaravelatsihy, Fa mandany ty tsano ty mpanday vata, sady manao vavaky lava reny nareo. Laha zay le hahazo sazy bevata nareo.’