¹ Eishitabu sheishikholo eisha Yesu Klisiti oumwana wa Daudi, oumwana wa Ibrahimu. ² Ou Ibrahimu ahali yise wa Isaka, ou Isaka ahali yise wa Yakobo, ou Yakobo ahali yise wa Yuda na bhaholo bhakwe. ³ OuYuda ahali yise wa Peresi nou Sera hwa Tamari, Peresi yise wa Hezeroni, ou Hezeroni yise wa Ramu. ⁴ Ou Ramu ahali yeise wa Aminadabu, ou Aminadabu ahali yise wa Nashoni, ou Nashoni yise wa Salimoni. ⁵ Ou Salimoni ahali yise wa Boazi hwa Rahabu, ou Boazi yise wa Obedi hwa Ruth, ou Obedi yise wa Yese, ⁶ u Yese ahali yise wa mfalume ou Daudi. Ou Daudi ahali yise wa Sulemani hwa nshi wa Uria. ⁷ Ou sulemani ahali yise wa Rehoboamu, ou Rehoboamu yise wa Abiya, ou Abiya yise wa Asa. ⁸ Ou Asa ahali yise wa Yehoshafati, ou Yehoshafati yise wa Yoramu, ou Yoramu yise wa Uzia. ⁹ Ou Uzia ahali yise wa Yothamu, ou Yothamu yise wa Ahazi, ou Ahazi yise wa Hezekia. ¹⁰ Ou Hezekia ahali yise wa Manase, ou Manase yise wa Amoni ou Amoni yise wa Yosia. ¹¹ Ou Yosia ahali yise wa Yekonia na kaka bhakwe lwebhahegwaga abhale hu Babeli.

¹² Baada ya hwegwe abhale hu Babeli, ou Yekonia ahali yise wa Shatieli, ou Shatieli ahali mwizukulu wa Zerubabeli. ¹³ Ou Zerubabeli ahali yise wa Abiudi, ou Abiudi yise wa Eliakimu, ou Eliakimu yise wa Azori. ¹⁴ Ou Azori ahali yise wa Zadoki, ou Zadoki yise wa Akimu ou Akimu yise wa Eliudi. ¹⁵ Ou Eliudi ahali yise wa Elieza, ou Elieza yise wa Matani ou Matani yise wa Yakobo. ¹⁶ Ou Yakobo ahali yise wa Yusufu oulume wa Mariamu, yehwamwene ou Yesu ahapapwilwe, yahwitwa Klisiti.

¹⁷ Impapo zyonti afume hwa Ibrahimu hadi hwa Daudi zyahali impapo kumi na nne, afume hwa Daudi hadi hwegwe abhale hwa Babeli impapo kumi na nne, na afume ahwegwe afume hu Babeli hadi hwa Klisiti impapo kumi na nne.

¹⁸ Apapwe hwa Yesu Klisiti hwahali eishi. Ounyina wakwe ou Mariamu, ahazinjiwilwe nou Yusufu, eishi shebhasili alolane ahaloleshe aje alinivyanda hwa mpepo oumfinjile. ¹⁹ Oulume wakwe ou Yusufu, ahali muntu wei lyoli saga ahanzaga hukenyensye hwabhantu. Ahamuye ahuleshe hwilu. ²⁰ Nahaseibhaga naseibhaga eisho, ouwantumi ouwa ou Daada amweinzeiye hunjozi, ahaga, “Yusufu mwana wa Daudi, ousahogope humweje ou Mariamu oushei waho pipo oulwanda lwali nalwo lufumiline nou Mpepo oumfinjile. ²¹ Abhapaape oumwana ousahala oubhahukwize itaawa lyakwe you Yesu, pepo aibhafyoula abhantu bhakwe nei mbibhi zyabho.” ²² Gounti gahafumile aje izwi lyalyayangwilwe nou Daada hwidala lya kuwe aje, ²³ “Enya, oulendu ouduvya ayibha nei vyanda aipaapa oumwana ouwishilume itaawa lyakwe bhaihukwizya you Imanueli,” --itaawa eilyo hwahuje, “ou Ngulubhi ali peeka natei.” ²⁴ Ou Yusufu adamushe mutulo na bhombe nashi shabhouleilwe nou ntumi wa Ngulubhi na ahumweje abhe shei wakwe. ²⁵ Leelo, sagagouneine nawo afishe lwahapaapa oumwana ouweishilume ahakwizya itaawa lyakwe you Yesu.