¹ Pahapaapwa ou Yesu Mubethelehem eiya Huuyahudi hu nsiku eizya mweine ou Herode, abhantu abhaazi afume humashariki eiya patali bhahafishile hu Yerusalemu bhahaga, ² “Ali hwoushi yapapilwe oumweine wabhayahudi? Tahayilolile einzota ya humashariki natei teinzeile ahupuute.”

³ Oumweinei ou Herode na whounvwa eiga azugumiye nei Yerusalemu younti peka nou mweene. ⁴ Ou Herode ahabhabhungeinye agousi abheshibhanza bhounti na asiimbi bha bhantu, ahabhabhuzya, “ou Klisiti aipaapwa hwii?” ⁵ Bhahabhuula “Huje aipaapwa hu Bethelehemu eiya Huyahudi, neishi shashasimbilwe nou kuwe, ⁶ Nawee Bethelehemu, munsi eiya Yuda, seiga ouli dodoo peka na alongozi bha hu Yuda, peipo afume huliwe abhahweinze oumweinei yahayibhadima abhantu bhanei abha Israeli.”

⁷ Eisho ou Herode abhakwizizye bhala abhaazi ouhwiilu na bhabhuuzye aje einzota eila yabhunishe ndii ⁸ Abhasontelezya hu Bethelehemu, ahaga, “Bhalaji na hwenyelezye mumwanze oumwana ya papilwe. Nkamwalola mundeetele inyaganyo zyakwe aje nanei nkeineinze humpuute.”

⁹ Pahabhounvwa einoongwa zya mweinei bhahendeliye ashule, nei nzota eila yebhayilolile humashariki yabhalongoye yahimelila paala pa mwanya pahali oumwana yapeipwe pansi yakwe. ¹⁰ Lwe bhahayilola einzota bhahashiye hani. ¹¹ Bhahinjiye munyumba nahulole oumwana yapapilwe nou Mariamu ounyina wakwe. Bhamwinamiye na humpuute. Bhahiguye eivintu vyabho nahumfumizye einsuumbo zyabho ei zahaabu neivinunshilo. ¹² Ou Ngoulubhi abhakhajiye hunjozi aje bhasahasheele aweele hwa Herode, bhajende idala elyeinjei.

¹³ Nabhasogola abhantu bhala antumi bha Ngoulubhi bhabhuula ou Yusufu hunjozi aje bhouha noumwana, nounyina mubhale hu Misri. Mukhale hwouhwo paka nanaibhabhuzya, peipo ou Herode ahwanza hugoje oumwana. ¹⁴ Nousiku ou Yusufu ahadamuha na humweje oumwana nou nyina wakwe asheimbeileiye hu Misri. ¹⁵ Ahakhiye ouhwo paka ou Herode nahafwa. Eizi zyahafishiye shila ou Ngoulubhi shahayanjile ashilile hwa kuwe, “Afume hu Misri eihakwizya mwana wanei.” ¹⁶ Ou Herode, lwa hamanya aje atoniilwe amatona na bhantu abhaazi ahavitilwe hani. Ahalajizizye agoje abhana bhounti abheishilume bhabhahali hu Bethelehemu na bhounti bhabhali pala ahwandile amaha gabheili nahwishe pansi afume shabhayanjile abhaazi. ¹⁷ Eisho shalyafishile izwi lila lyalyayangwilwe nou kuwe ou Yeremia, ¹⁹ Ou Herode nawafwa ountumi wamweinei amweinzeiye ou Yusufu hutulo ouhwo hu Misri na yanje. ²⁰ “Bhuuha oumweje oumwana nou nyina wakwe mubhale hunsi eiya hu Israeli peipo bhabhahanzaga ouwoumi wa mwana aje bhafwiye.” ²¹ Ou Yusufu aheimeileiye, amweijile oumwana nou nyina wakwe, aheinza munsi eiya hu Israeli.

²² Nawounvwa aje Arikelau ahali mweinei wa hu Yuda pala pa yise wakwe ou Herode, ahougoupe abhale ouhwo. Eishi ou Ngoulubhi wasunda hutulo, asougoye abhale humukoa ougwa hu Galilaya, ²³ ahabhalile akhale munsi yeihweitwa Nazareti. Eili lyafishile hu zila zyazyayangwilwe hwi dala lya kuwe aje bhaihukwizya Mnazareti.