¹ Yezu kamongi koti mu bwatu, wele ku mavula mabawu. ² Kunima bisa natina kikata wukala wunimba hana ntangi, Yezu ha kamwene kundima kubawu; kan'kambaka, " Sia kikesa, mwanama, masumu maku maloluki; ³ Kikuma kibwabuna, balongi ba nsiku bahika bayandiki kudihoyila na mutu wu keke vwesa." ⁴ Yezu, kazeye ngindu zibawu zakulu, kabahiulaka, nki kikuma lwene ye ngindu zimbi mu mbundu zeno? ⁵ Samu na wene wu lungila holo kahoya ne, masumu maku maloluki, holo telema, ndonda. ⁶ Kasi mukusia ne luzaya ne mwana mutu ha kene ha nsi ntoto kene ye nswa wu kulolula masumu; telema, kakambaka kikata, monga ntangiaku ndonda, kamongi wele ku nzwandi." ⁷ Kunima mutu katelemi wele ku nzwandi. ⁸ Ntangu bamwene bwabuna kibuka kikikala ho, ban'kumisi mfumu Nzambi wuhana kimfumu ki mbandu yayina kwe batu. ⁹ Yezu ha kahioki hakana, mwene mutu wubatediki Matiasi, kakala zakadi muna nzo yi bafutisi paku kan'kambaka ne: "Ndanda mene " kamongi telemi pe n'landi. ¹⁰ Bwoso Yezu kakala ha mesa mu nzo, tala batu bingi ba nsi ntoto ti batu bambundu mbi bisi ha mesa hakakala Yezu ye balonguki ¹¹ bandi. Bamfwadisi bamwene bima bina, bahoya ku balonguki ba YEZU: sAMU DI NKI MFUMU BENU kadidi mesa mamosi ti batu baluzingu lummbi? ¹² Yezu bu kawidi bwabuna kahoyaka, keku batu babene tototo bakalaka ye mfunu n'ganga, kasi babe babela. ¹³ Lwenda luzaya ntendula. yikala ye kiesi ku babene mu kiadi, kasi keku ku bimenga. Mudiambu mene yisoko kikuma ki batu bamasonga, kasi basumuki. ¹⁴ Kumanima, Balonguki ba Za bisi belebe ye Yezu, bahoyaka samu dinki betu ti bamfwadisi ntuvukana mu ntangu bisambu bi kudikala, kinga babangeyi balonguki bavukanaku? ¹⁵ Yeézu kabakabusilaka ne, bandku bayakala bafweneko basalana mbi buna bene ye yandiene yakala? Hene ye kilumbu bakwisa n'yiba yakala, kuna nsukandi bavukana mu bisambu. ¹⁶ Ha nkatu mutu fwene kasia piesu yi n'lele wupa mu n'lele wu nkulu, samu bafweneko balonda n'lele nkulu ye n'lele pa na lowa kanata ndambu yingi yi n'lele nkulu, puta yikala ¹⁷ Kafweneko basia ata bunke malafu mapa mu nkalu yinkulu, holowa nkalu yibudika malafu matiakani, pe mana zinkalu zilala. Kasi bafweti sia malafu mapa mu nkalu zipa keku, ye malafu ti zi nkalu zibeboko, zisalako kima. ¹⁸ Ntangu yikabakambiki mambu mana, tala mfumu mosi tudi, teelemi kuntwala yandi kan'kambak. ¹⁹ Mwana mene wu nketu fidi buntwene bwabubu, kasi zosa wun'sia moko mangeyi kazinga diaka. Yezu telemi n', andi ti balonguki bandi. ²⁰ Lutala nketu mosi lubuka menga yandika mvula kumi ye zole, wisi belebele ye Yezu ku manima ma Yezu, simbi nsongi n'lele Yezu. ²¹ Mudiambu kadihoyidi yandiene na yisimba ata n'lele yandi, yihuluka. ²² Yezu balumuki n'tadi, kahoya ha kamwene, Kola siama mwanama, lukwikilu lwaku lukuhulusi, nketu wuna kodi muna ntangu yene. ²³ Muntangu kakumi Yezu ku nzo mfumu, mwene basiki pungi ye kibuka ki batu diaka. ²⁴ Kabakambaka, lukatuka benu samu mwana nketu wandu keku wufwa, kasi keke nimba, bamongi bayandiki n'kunseya. ²⁵ Mu ntangu yikikatuki kibuka, Yezu koti mongi koko di mwana nketu mbala mosi mwana nketu vumbuki, telemi. ²⁶ Nsangu zimwangani ndambu ye ndambu. ²⁷ Hakakatuki hakana, Yezu ban'landi ku bifwa mesu biole, bakwe hoyi ne ntuwila kiadi mwana Davidi. Mu ntangu yikakumi ku nzo, bifwa mesu biele belebele ye ²⁸ Yezu, Yezu kabakambaka,"Lutambusi na mfwene yisala bwabuna? Eheh mfumu bikabulaka bifwa mesu." ²⁹ Muna ntangu yayina Yezu basimbi mesu kabakambaka, Masalama malukani mu pila yi lukwikilu lwenu. ³⁰ Mbala mosi mesu mabakanguki, Yezu bansiki matu lukambiku ata mutu mosi mamalusalamani. ³¹ Kasi buna balubuki bamwangi nsangu nsi yakulu. ³² Bwoso bayeleke, tala bisa natina ngutu wukala ye kinsusu kwe Yezu. ³³ Yezu buna kakudi kinsusu mutu wuna hoyi, kibuka ki batu kikala hakana kiyituki, bahoyaka ntumonieku diambu di mbandu yayi disalama ku Yizalayele. ³⁴ Kasi bamfwadisi bahoyaka, mu ngolo zi binsusu kakwe kudidi binsusu. ³⁵ Yezu kaye kangadi ndambu zakulu zi nsi ye mahata, kaye longi mu zinzo zinzambi nsangu zibunkete zi kimfumu kimazulu, kaye belusi baimbefu biakulu ye bikata biakulu. ³⁶ Mu kutala kibuka kiye n'landi kiadi kin'kwete samu dibawu, samu bakala bazongi yabana bameme bakonda naatisi. wuna kwe banatisi. ³⁷ Yezu kakambaka ku balonguki bandi. Kilanga kiene kingi mana bansadi bankeke. ³⁸ Lun'kamba nkwa kilanga kahitika bansadi bisa sala kisalu kiaki.