¹ Yezu buna kakulungu ku mongo, batu bingi bayisa nlandi. ² Hakana n'kwa bwasi mosi wisi ku n"twala yandi,"Kan"kambaka na mfumu ho zodi nkodisa lutu lunkabuka lukitoko, bwasi buhua." ³ Yezu kankambaka "eh, nzodi bwo, kola, siama." muna ntangu yene pe bwasi bwakulu bu, ladi, kabuki pelele. ⁴ Kunima Yezu kankambaka na samuniku kwe mutu, kasi yikulombi, nde disongila kwe batambiki, wubaheka makabu makasonika Moyiza mukusia na kikala kitemu kingeyi." ⁵ Bwoso kakala kota Yezu mu Kafelunu, mfutisi paku mosi wisa mona, ⁶ Kan"didila na ah mfumu, nsadi mene wubwotumuka, katelemaku, buna kanimba kuna nzo, keke bela bwingi." ⁷ Yezu kan'kambaka na yikwenda, yin'kodisa." ⁸ Kasi mfutisi paku kan'kambaka na, ah mfumu mfweneko yikuyamba mu nzo mene, kasi hoya kaka ndinga mosi mukusia ne nsadiama kakola. ⁹ Samu mene wu yene ye bamfumu kuntwala bantumaka, mene pe yitumaka bilandi biama, dikadi kwe nsadiama yin'tuma pe wele, yinkamba sala bwabu sadi. ¹⁰ Kunima di kuwa mutu wene, Yezu kayituki bwingi samu kamonieku mutu wumbandu yayi mu n'lambu nsi wene ye lukwikilu lu bwabuna hakati di Yizalayele. ¹¹ Bwabuna, kahoyaka, bingi batuka ndambu ye ndambu, ku mbata ye ku pindi, bakala ha mesa ye Yakobo, Yizaki ye Balami mu kimfumu kimazulu. ¹² Kasi bingi ba kimfumu kintoto babalosa ku nzila mu nsi piba, nkwetisa zi menu ye bidilu bikala bingi. ¹³ Kunima kankamba mfutisi paku na ndonda, busalama buna zodi mudiambu di lukwikilu lwaku, pe muna ntangu yene nsadiandi wene kodi pe. ¹⁴ Kunima Yezu kenda ku nzo Piele, ha kakumi we wana buko bwandi nimbiki kakala wubela. ¹⁵ Buna kas'imbi mu koko, kodi pe vumbuki, telemi we lamba pe ns'ididi ha mesa kadia. ¹⁶ Ku masika banete batu ba mipepe mimbi bingi ti babakala babela, kakudi mipepe mina ku ndinga pe kakodisi bambefu bakulu ¹⁷ babanatini. Mukusia na malungila ma kahoya Polofeti Ezayi, na kakula mipepe mimbi pe kakodisa babakala bakubela ¹⁸ Yezu ha kamwene batu bisi bingi kuna kakala, hene n'swa na balabuka ku simu dina dihika di Galilea. ¹⁹ Mbuta nsiku mosi wisi kan'kambaka na: Mfumu mene yikulanda mwakulu muna kwenda". ²⁰ Yezu kahoyaka na bambisi banseke bene ye mabulu benda timi banimbaka, banuni pe kuzulu bene ti mazamba, kasi mwana mutu keko ye hana kasia ntwa". ²¹ Mosi hakati di balonguki badi kan'kambaka na, mfumu, mene nzodi ye zika tata ntete". ²² Kasi Yezu kan'kambaka na, yambula bamvumbi bazikana bawu ye bawu". ²³ Kamongi mete mu bwatu pebalonguki badi ban"'landi ²⁴ pe. HA BAKUMI HAKATI, mfunzi yingolo ngolo yiyandi kuningisa mamba, yandi kakala wu nimba, ²⁵ Balonguki ha bamwene buna bisa mvumbula bahoya: mfumu, ntuhulusa wolo bwatu bumioka". ²⁶ Kabakambaka na, batu lukwikilu lunkeke, boma bunki, bima biabi biakulu, mfunzi ye mamba ku na bilemvuka? Buna katelemi mfunzi yakulu pe yilepami. ²⁷ Batu bakulu bayituki, na wanduwu, mamba ye mfunzi bieke n'wila? ²⁸ Buna kalabuki ku simu di Gadarenes, bitsutsu biole bilubuki muna bikala swamaka, bisi ye nkabu zakulu bisa telema kuntwala bawu mupila na ata mutu kafweneko kahiokila hakana bakala bawu. ²⁹ Bisi kuntwala yandi ban'hiulaka na, nki ngeyi ye betu mwana Nzambi?, Wukana kuyangisa betu haka mana ntangu yifwanieku? ³⁰ Hakala ti kibuka ki bangulu bakala kwe hioki mu nkala bawu. ³¹ Bitsutsu biyandiki kum'bondilana, ho tukula, ntusia mukati di bangulu babakwe hioki, ³² Kabakambaka lukatuka lwenda, lulubuka, muna ntangu yene be kota mu bangulu, babulumuki be bwa kuna mbenga, bawululuki muna nzadi baladi kimakulu. ³³ Babakala kwe badisi bamongi batini, bele beta pandi kuna mavula mana bamwene makulu buna bikoti bitsutsu bina bikoti mu bangulu, ye mana mahioki makulu. ³⁴ Hakana mavula makulu buna bawidi nsangu zene bisi mbondila Yezu kasisa nsi bawu kenda kuhika.