¹ Su ufalmi wa kumbingu, aulifani na wanawalai kumi yawatoriti taa zau na kuwaka na kugenda kumwanka bwana harusi. ² Watano muwamu mwamu waweliti wazigizigi na watanu wamonga waweliti welevu. ³ Wanawali wazigizigi pawatoriti taa zau, watoriti ndiri mafuta goseli galii. ⁴ Bali wanawali welevu watoriti vyombu vyanamafuta pamuhela na taa zau. ⁵ Vinu lishaka bwana harusi pakakawiti kusoka, woseli mbota ziwabatiti na kugonja.

⁶ Viraa lishaka la pashiru la manane kaweliti na yowe, 'Guloli, bwana harusi! mlawi kunja mwankamwanki.' ⁷ Su walia wanawali wimukiti woseli na kuwasha taa zau.

⁸ Walii wazigizigi wawagambira welevu,' Mutupi sehemu ya mafuta genu kwa kuwela taa zetu zankudozika.' ⁹ Viraa walii welevu wawankula na kuwagambazia,' Kwa kuwela apegatoshi mwenga na twenga, badala yakuyi mgendi kwa wauza mulihemeli shiasi kwa ajili yenu.' ¹⁰ Lishaka pawagenditi aku kuhemela, bwana harusi kasokiti, na woseli ya waweliti tayali wagenditi nayi mu msambu gwa harusi na mlyangu gutatitwi.

¹¹ Badayi wali wanawali wamonga viraa wasokiti na kuzumba,' Mtua, mtua gutuvugulili.' ¹² Viraa kankula na kutakula,' Nakaka niwagambila, neni niwamanandiri.”

¹³ Kwa ndambu ayi mloli, kwa kuwela mvimanandiri masiku ama masaa.

¹⁴ Kwa kuwela ni sawa na muntu yakaweliti na mwanja kugenda mu nchi yamonga. Kawashemiti wandumindumi wakuyi na kuwapanana ulunda wakuyi. ¹⁵ Yumu gwau kampiti talanta tano, yamonga kampiti talanta mbili, na uliya yuamonga kampiti talanta yimu. Kila yumu kamnkiti kulinganila na uwezu wakuyi, na uli muntu kaukiti na kugenda zakuyi. ¹⁶ Karongola ulii yakankiti talanta tanu kagenditi kuziwekeza, na kazalika talanta zamonga tano. ¹⁷ Vilavilii yuili kankuriti taranta mbili, kazalikiti zamonga mbili. ¹⁸ Viraa ndumindumi kankuriti taranta yimu, kagenda zakuyi, kabawiti lilindi mu ardhi. Na kufifa senti za mtua gwakuyi.

¹⁹ Baada ya muda kutalipa, mutua gwa wandumindumi awa kauyiti na kunyawa kuwalanga nawa. ²⁰ yulii ndumindumi yakankiti talanta tanu na kiziti kujega talanta zamonga tanu, pakazumba, 'Mtua, gunupiti talanta tano. Guloli mpata faida ya talanta zamonga tano.'

²¹ Mtua gwakuyi kamgambiliti,' Itongela, ndumindumi guherepa na mwaminika! Guwela gwa mwaminika kwa vintu vididini. Anikupi madaraka kumpindi kwa vintu vivua. Gwingili mu furaha ya mtua gwaku.'

²² Ndumindumi yakankuriti talanta mbili kiziti na kuzumba,' Mtua, gunupiti talanta mbili. Guloli, mpata faida ya talanta zamonga mbili,'

²³ Mtua gwakuyi kamgambiliti, Hongera, ndumindumi guherepa na mwaminika! kwa vintu vididini. Anikupi madaraka kumpindi kwa vintu vivua. Gwingili mu furaha ya mtua gwaku.'

²⁴ Badayi ndimindumi yakankuriti talanta yimu kiziti na kuzumba, 'Mtua, nivimana kuwela gwenga ni muntu mkalipa. Gwapa mahali pa guyalandiri, na gubenanga mahali pa gusiandiri. ²⁵ Neni ntiriti, ng'enditi zangu na kuififa yaku mu udongu. Guloli, gwanayi panu ali yaiwela yaku.'

²⁶ Viraa ntua wakuyikamkuliti na kuzumba,' Gwenga ndumindumi mwovu na mleli, guvimaniti kuwela anapi mahali payalitondiri na kubenanga mahari pa siandiri. ²⁷ Kwa ndambu ayi ikupasiti kuwapanana senti yangu wantu wa benki, na lishaka la kuuzia kwangu empatiti yangu pamuhela na faida. ²⁸ Kwa ndambu ayi mumpoki ayi talanta na mumopi uli yakawela na talanta kumi. ²⁹ kila muntu yakawela nashi, akaongelewi zaidi-hata kwa kulongelwa sana. vilaa kwa yoseli yakawela ndili na shintu, ata shakawela nashi akapokwi. ³⁰ Mumwasi kunja kuligiza ayu ndumindumi yakafaandiri, amakua kuweli na viliu na kumkunda menu.

³¹ Lishaka mwana gwa Adamu pakiza mu ukwisa wakuyi, na mahoka woseli pamuhela na yombeli, su pakalikala kumpindi mwa shiti shakuyio sha ukwisa. ³² Wamaisi woseli awalikusanyi palongolu pakuyi, na yombeli akawabaguli wantu, gambiala vilii mchungaji ndambu ya kawabagula kondoru na mbuzi. ³³ Akawatuli kondoru liwokun lakuyio la kuume, bali mbuzi kawatuli liwoku lakuyi la kushotu.

³⁴ Su mfalme akawagambili walii yawawela mu liwoku la kulia, mwizi, yambarikiwa na Tati gwangu, muurithi ufalme yawatanda kwa ajili ya mwenga tangu kuturwa misingi ya ulimwengu. ³⁵ Kwa kuwela weliti na najal; a na mupanana shiboga; Weliti muhenga na munkalibisha.' ³⁶ Weliti shivula, na mumviiti nguu; Weliti niliwala na mloliti; Weliti mushifungu na mwenga mwiziti.'

³⁷ Su wana haki awamwankuli na nkumgambazia, 'Mtaa, lini tukuoniti paguwela na njala, na kukulisha? ama gwana kiu na kukupanana mashi? ³⁸ Na ndii tukuwoniti pakuwela muhenga, na kukwanka? Ama pagwela shivula na kukuvalazia nguu? ³⁹ Na ndii tukuoniti paguwela mgonju, ama mushifungu, na kukwizila?

⁴⁰ Na mfalme akawankuli na kuwagambila, shamtenditi panu kwa yumu gwa mlongu gwangu mdidini mtenditi kwa neni.'

⁴¹ Su pakawagambila awa yawawela mu liwoku lakuyi la kushotu, muwuki kwa neni, yamlaaniwa, mgendi mu motu gwa milele yaatanditwi kwa ajili ya shetani na mahoku wakuyi, ⁴² kwa kuwela na njala munupitindiri shiboga; Weliti na njala munupitindiri shiboga; Weliti na kiu munupiti ndiri mashi; ⁴³ Weliti muhenga viraa munankandiri; Weliti niliwala na kushifungu, viraa muntuzitindiri.

⁴⁴ Su womberi viraav awamwankuli na kuzumba,” Mtua, ndii tukuoniti paguwela na njal; a, ama gwa kiu, ama gwa muhenga, ama paguwela shivula, ama paguweliti gulwala, ama paguweliti mu shifumgui, na kukuhudumilandiri?

⁴⁵ Su akawankuli na kuzumba,' Nakaka niwagambila, shilii ambashiu shamtenderandiri kwa awa wadidini, mtenderiti neni ndiri.'

⁴⁶ Awa awagendi mu adhabu ya milele bali yawana mu ukomu wa milele.