¹ Yesu kalawiti hekaluni na kugenda zakuyi. wafundwa wakuyi wamgendeleliti na kumlangazia majengu ga hekalu. ² Viraa kawankula na kuwagambila, “Je, mugaona ndiri mambu aga goseli? nakaka niwagambila, kwahela libuhi lalisigala kumpindi mwa lamonga bila kulopolwa.”

³ Na pakalivagiti palugongu pa mizeituni, wafundwa wakuyi wamgendela kwa faragha na kutakula,” Gutugambili, mambu aga agalawili ndi? Shintu ga ashiweli dalili ya kwiza kwakuyi na kumwishu kwa ulimwengu?”

⁴ Yesu kawankula na kuwagambila, 'Mweli makini nakiza muntu kuwapolola. ⁵ Kwa kuwela wavua kwa litau langu. awatakuli, 'Neni ni na Kristo, na awaponazii wavua. ⁶ Ampikanila vita na taarifa za vita. Mlili namwiza kuwela na wasi kwakuwela mambu aga kwahela budi kulawila; viraa uli wa kumwishu badu. ⁷ Kwakuwela maisi aligoloki zidi ya liisi limonga, na ufalme zidi ya ufalme. akuweli na njala na mitetemu ya ardhi mu maeneu gatangala. ⁸ Viraa mambu aga goseli ni mwanzu tu gwa lusungu kwa kulifungula.

⁹ Su awalavii kwa ndambu ya matesu na kuwalaga. Amkalalilwi na maisi goseli kwa ndambu ya litau langu. ¹⁰ Su wavua awalikwali na kusalitiana na awalikalalili weni kwa weni. ¹¹ Manabii wavua wa uwongu awalawili na kuwazyanga wavua. ¹² Kwa kuwela madoda agangeleki, ufiru wa wavua auweli bwe. ¹³ Viraa yanakavumilii mpaka kumwishu, akalopolwi. ¹⁴ Ayi injili ya ufalme aishoweli ma ulimwengu goseli gambira ushuhuda wa maisi goseli. Su gulii kumwishu agusoki.

¹⁵ Kwa ndambuayi, panamuoni chikiza la uharibifu, lalitakulitwi na muyi Danieli ligoloka mahali pananagala [yakasoma na kavimani], ¹⁶ su yawawela Yuda watugili kulugongu. ¹⁷ Na yulii yakawela pampindi paa la numba nakaweza kusuluka pasi kutora shintu shoseli kulawa mnumba mwa numba yakuyi, ¹⁸ Na yakawela kurilamba nakauya kutora nguu zakuyi. ¹⁹ Viraa oli wau yawana wana na wali yawanonazia mu masiku aga! ²⁰ Mrui kuwela kutuga kwenu naliwera lishaka la mbepu, wala lishaka la sabato. ²¹ Kwa kuwela akuweli na dhiki kuru, ambayi ayeniwahi kulawila tangu kunyawa kwa ulimwengu handa vinu, na wala apowepu kayi. ²² Gambira masiku aga agafupiziwindiri, kwahela yakawela kuokoka, viraa kwa ndambu ya wasagulwa, masiku aga agafupulizwi.

²³ Su paiwela muntu yoseli pakawagambila 'Guloli, Kristu, kapanu! ama Kristu kakuli namjimila visoweru avi. ²⁴ Kwa kuwela Makristo wa uwongu na manabii wa uwongu awizi na kulangazia ishara nkulu na maajabu, kusudi la kupotora, gam, bira paiwezekana handa na wasagulwa. ²⁵ Mloli, niwatahadharisha kumbeli kwa mambu aga kulawila. ²⁶ Kwa kuwela, paiwela pawagambira, “Kristu kakujangwa,' Mloli, kamkati mwa numba, namjimila visoweru avi. ²⁷ Gambira vili radi yaimulika mashariki na kulangazia hadi magharibi, hangu ndambu yanaiweli kwiza kwa mwana gwa Adamu. ²⁸ Poseli paiwela shisanka, aku ndo tai walikusanyika.

²⁹ Viraa mara baada ya ddiki kulu la masiku galia, mshenji agutwali giza, mwezi agulavii mwanga gwakuyi, nyota azituruki kulawa angani, na makakala ga kumpindi agalitikisi. ³⁰ Su ishara ya mwana gwa Adamu aiyoneki kuanga, na makabila goseli ga duniani agaombolezi. Awamwoni mwana gwa Adamu pakiza mu mawingu ga anga kwa makakala na ukwisa mkulu. ³¹ Akawalagalili wamahoka wakuyio kwa sauti nkulu ya tarumbeta, nawombeli awawakusanyi pamuhela wateule wakuyi kulawa pande za msheshi za dunia. Kulawa mwishu gumu gwa mbingu handa gwamonga.

³² Mulifundi somu kulawila na mtera mtini. Mra tu ntambi pazilawila na kulavia mihamba muvimana kuwela shiangazi sha pakwegela. ³³ Hangu viraa, pamuona mambu aga goseli, iwapasa kuvimana kuwela kapakwegela, pakwegela na myangu. ³⁴ Nakak niwagambira, shizazi ashi hakitapita, hadi mambu yoseri haya yakawela yalawila. ³⁵ Mbingu na nchi zitapita, viiraa visowelu vyangu havitapita kamwe.

³⁶ Viraa kuhusu lishaka lili na saa kwahela muntu yakavimana, hata lihoka la kumbingu, wala mwana bali, Tati gweka yakuyi. ³⁷ Gambila ndambu ya iweliti masiku ga Nuhu, hangu ndo aiweli kwiza kwa mwana gwa Adamu. ³⁸ Kwa kuwela mumasiku aga kumbeli kwa gharika wantu waweliti pawalia na kulanda, pawavuga na kuyugwa handa lishaka lilia ambali Nuhu kungiliti mu safina. ³⁹ Nawavimaniti ndiri shintu shoseli handa gharika paliziti na kuwasomba woseli -hangu aiweli kwiza kwa mwana gwa Adamu ⁴⁰ SU wantu wawili awaweli mulilambu - yumu akatolwi, na yumu akalekwi kumbeli. ⁴¹ Su wadala wawili awaweli wankukunda pamba - yumu akatolwi, na yumu akasigali. ⁴² Kwa ndambu ayi, muweli masu kwa kuwela muvimana ndiri lisiku gaa ambayi akizi Mtua gwenu. ⁴³ Viraa muvimani kuwela, paiwela mtua gwa numba pakavimana ni saa shoshi ambayi mwizi ekizi, ekashenjeli epekaluhusu numba yakuyi waivamili. ⁴⁴ Kwa ndambu ayi, viraa iwapasa kuwera tayari, kwa kuwela mwana gwa Adamu akizi mu saa yamtarajia ndiri.

⁴⁵ Hangu su gaa yakawela mwaminika, ndumindumi yakawela mahala, ambayi mtua gwakuyi kampanana madaraka kumbindi mwa yawawela mu numba mwakuyi, ili kawapanani shiboga kwa waki gufaa? ⁴⁶ Kabarikiwa ndumindumi ayu, ambayi mtua gwakuyi akamwoni pakatenda hangu mulishaka la kiza. ⁴⁷ Nakaka niwagambira kuwela mtua akamturi pampindi pa kila shintu shashiwera shiheri. ⁴⁸ Viraa gambira ndumindumi mwovu pakazumba kumoyu kwakuyi, 'Mtua gwangu kakawa,' ⁴⁹ na kwanja kuwakoma wandumindumi wakuyi, na pakalia na kulewa ujimbi, ⁵⁰ Mtua gwa ndumindumi ayu akizi mu lishaka ambali litalajiwa ndiri, na mulisaa ambali kalimanandiri. ⁵¹ Mtua gwakuyi akamdumuli vipandi viwili na kumtula mu nafasi yimu sawa na wanafiki, ambaku akuweli na kuguta na kukunda menu.