¹ Yesu kazumbiti kayi na wombeli kwa mifanu, pakazumba, ² “Ufalme wa kumbingu ulifana na mfalme yakagenditi mu msambu gwa harusi ya mwanagwakuyi. ³ Kawalagalila wandumindumi wakuyi kuwakalibisha yawaelitwi wawakalibishwa kwiza mu msambu gwa harusi, viraa wafiritindiri. ⁴ Mfalme kawalagalila kayi wandumindumi wamonga, pakazumba, “Muwagambili woseli yatuwaalika, mloli, niwatanda shiboga. Fahari na ndama gwangu yakanona wawashinja, na mambu goseli gatayuali, mwizi mu msambu gwa harusi.” ⁵ Viraa wantu awa apowazingatii kwa dhati mwaliku gwaku. Muwamu mu lilambu gau, na wamonga wayiti mu maeneu gau ga biashara. ⁶ Wamonga wagorokiti wandumindumi wa mfalme na kuwadhalalisha na kuwalaga. ⁷ Viraa mfalme kakalaliti. Kalagaliliti lijeshi lakuyi, kuwalagawali yawalagiti na kugwagamizia muji gwau kwa motu. ⁸ Su kawagambazia wandumindumi wakuyi, “Msambu gwa tayari, viraa yawalikiti apa wastahili. ⁹ Kwa hangu mgendi mu makutanu ga njira nkulu, muwaaliki wantu wavua ndambu ya iwezekana wizi mu msambu gwa harusi.” ¹⁰ Wandumindumi wagenditi njira nkulu na kuwaklalibisha wantu woseli yawawaoniti, waheri na wadoda. Hangu ukumbi gwa harusi wamemiti wahenga. ¹¹ Viraa mfalme pakingiliti kuwalola wahenga, kamwoniti muntubyumu yakawela kavalandiri livazi rasmi la harusi! ¹² Mfalme kamkosiiti,' Ganja, gupatitiashi kusoka panu mnumba bila la vazi la harusi? Na muntu ayu kankulitindiri shoseli. ¹³ Su mfalme pakawagambiliti wandumindumi wakuyi, “Mumtawi muntu ayu mumawoku na mumagulu na mumwasili kunja muligiza, aku ambaku akuweli na kuguta na kusaga menu. ¹⁴ Kwa kuwela wantu wavua wawashema. viraa wasagulwa ni wadidini.”

¹⁵ Su Mafarisayo waukiti na kupanga ndambu ya kumbata Yesu mu manenu gakuyi mweni. ¹⁶ Su pawawalagaliliti wafunda wau pamuhela na Maherode. Na wamgambila Yesu,” Mfunda, tuvimana kuwela gwenga ni muntu gwa nakaka, na kuwela gufunda shakafira Mlungu mu unakaka. Apo gujali maonyu ga muntu yamonga na kulangazia upendereu kwa wantu. ¹⁷ Kwa ndambu ayi gutugambiri, gurihola shishi? Je, ni sawa kilagilu kulipa kodi kwa kaisari ama kwahera?”

¹⁸ Yesu kavimaniti maovu gau na kuzumba,” Kwa ndambu gaa munjera mwenga mnwa wanafiki? ¹⁹ Munangazii senti yaitumika kulipa kodi.” Su wamjegeriti dinari. ²⁰ Yesu kawakosia, “Sheni na litau ali ni lagaa?”

²¹ Wamwankula,” Vya kaisari.” su Yesu kawagambila, “Mumpi Kisari vintu vyaviwela vya Kaisari na vya Mlungu mumpanani Mlungu.” ²² Pawapikaniliti hangu washangaiti. Su wamrekiti na kugenda zau.

²³ Lishaka ali muwamu wa Masadukayo wiziti kwa Yesu, walii yawazumba kuwela kwahela ufufuo gwa wafu. Wamkosiiti, ²⁴ pawazumba,” Mfunda, Musa kazumbiti. paiwela muntu kasokela bila kulela wana, mronga gwakuyi na kumrithi ayu mdara na kumpatila wana kwa ajili ya mrongo gwakuyi. ²⁵ Waweliti walongu saba. Gwa kwanja kayugiti na su pakahoiti bila kulela wana. Kamrekela mdara mlongu gwakuyi. ²⁶ Su mlongu gwakuyi wapili na yomberi katenditi viraa hangu su ali gwa tatu, kaweliti hangu adi uli gwa saba. ²⁷ Baada ya kutenda hangu woseli, ulimdara nayomberi kasokiti. ²⁸ Vinu mu uvugulu ayu mdala akaweli mdara gwa gani muwalongu awa saba? kwa kuwela woseli wamyugiti.”

²⁹ Viraa Yesu kawankuliti na kuwagambila,” Mkosea, kwa ndambu ya mvimanandiri maandiku wala makakala ga Mlungu. ³⁰ Kwa kuwela mu uvugulu, wantu wayugandiri wala kuwayuga. Badala yakuyi wantu awgambila mahoka aku kumbingu. ³¹ Viraa kuwela uvugulu wa wafu, amweni wahi kusoma shirii shashiwera Mlungu kashitakuti kwa mwenga, pakazumba, ³² Neni ni Mlungu wa Ibrahimu, Mlungu wa Isaka, na Mlungu wa Yakobo? Mlungu si Mlungu wa gwa wafu, bali ni Mlungu gwa yawawela na ukomu.”

³³ Lishaka kusanyiku pawapikaniliti ali, washangaiti na mafundu gakuyi.

³⁴ Viraa Mafarisayo pawapikaniliti kuwela Yesu kawanyamazia Masadukayo, walikusanya wau wenu kwa pamuhera. ³⁵ Yumu gwau, pakawela mwanasheria, kamkosiiti swali kwa kumjela. ³⁶ “Mfunda, ni lagiru lipi laliwela kulu kuliku zoseri mu lagiru?”

³⁷ Yesu kankuriti,” Viraa gumfiri Mtua gwaku kwa moyu gwaku goseli, kwa rohu yaku yoseli, na kwa mahala gaku goseli. ³⁸ Ayi ndo lagiru yaiwela kulu na ya kwanja. ³⁹ Na ya pili ilifana na ayi- ni lazima kumfira jirani gwaku gambira ndambu ya gulifira mweni. ⁴⁰ Lagiru zoseli na manabii utegemela lagiru azi mbili.”

⁴¹ Na Mafarisayo pawaweliti badu walikusanya pamuhela, Yesu kawakosiiti liswali. ⁴² Patakula, “Je! Mulihora shishi kumpindi kwa Kristo? Yombeli ni mwana gwa gani"? Na wombeli wamwankuliti, “NImwana gwa Daudi.”

⁴³ Yesu kawankuliti, “Ni kwa namna gaa Daudi mu Rohu kamshema Mtua, pakazumba, ⁴⁴ 'Mtua kamgambiliti Mtua gwangu, “Gukali mu liwoku langu la kuume, hadi paniwatenda maadai zaku waturwi pasi pamagulu gaku.”'?” ⁴⁵ Gambira Daudi kamshema Kristo" Mtua,” ndambu gaa kaweza kuwela mwana gwakuyi?” ⁴⁶ Kwahela yakaweza kumwankula shisoweru kayi, na kwahela yakadhubutu kayi kumkosia maswali zaidi tangu lishaka iliya na kwendelea.