¹ Otcha Jesus kaba papia es palavras tusu, i fala si disipulu. ² Bo sibi kuma li ku dus dias i Paskua, fidju di omi na n-tergadu pa i krusifikadu.

³ Prisipal di saserdoti ku garandis di povu runi na palasiu du sumu saseroti ku tchomadu Kaifas. ⁴ Na sigridu e fasi djanfa pa prindi Jesus pa matal. ⁵ Ma e fala: i kana sedu na festa pa ka barudju lanta na metadi di povu.

⁶ Ma Jesus sta ba na kasa di Simon leprosu, ⁷ tementi i m'pina ma mesa un mindjer bin pa el i tisi un vasu di alabartru ku purfumi di garandi balur i darmal na si kabesa. ⁸ Otcha disipulu odja kila e panha raiba e fala: Pabia di ke ki na dana es kusa? ⁹ E purfumi pudi ba bindidu pa bon dinheru i ta dadu pa pobris.

¹⁰ Ma Jesus pirsibi ki kusa, i fala elis: pabia ku bo na purtuba e mindjer.. I fasi bon ason kumi. ¹¹ Bo na tene pobris ku bos pa tudu tempu ma bo kana tenen pa sempri. ¹² Otcha i darma purfumu riba di nha kurpu i fasil pa nha n'teru. ¹³ Na bardadi na konta bosn nunde ku e bon noba na kontaduna tudu mundu, ke ku e mindjr fasi i na kontadu pa lembra del.

¹⁴ Un di ki dozi ku tchomadu Judas Iskariotis bai pa prinsipal di saserdoti ¹⁵ i fala elis: Ke kubo na dan si n'terga bos el.. E pesa trinta mueda di prata pa el. ¹⁶ Apartir di kil mumentu, i na buska opurtunidadi pa n'tergal.

¹⁷ Na dia dia di ponsin formenti, disipulus e bin pa Jesus e fala: Nunde ku bu misti pa no purpara sia di Paskua.

¹⁸ I fala: Bo bai pa sidadi, na un omi bo falal: Mestri kuma nha ora pertu dja. Na selebra Paskua na bu kasa ku nha disipulus. ¹⁹ Disipulus fasi suma ku Jesus mandae purpara sia di Paskua.

²⁰ Otcha noiti tchiga, i sinta pa kume ku si dozi disipulu. ²¹ Tementi e na kume, i fala elis: na bardadi no konta bos un di bos na falsian.

²² E fika trsti, kada kin na punta ku sertesa i ka ami Sinhor..

²³ I ruspundi: Kil ku pui mon ku mi na pratu, el ku na falsian. ²⁴ Fidju di omi na muri suma ki sta skritu sobri el. Ma ai di kil ku na falsia fidju di omi. I ta bon ba pa i ka padidu.

²⁵ Judas ku na falsial fala: I ami rabi.. I ruspundil: Abo ku fala.

²⁶ Tementi e na kume, Jesus toma un pon i abensual, i kebra i raparti si disipulus, i fala: Bo toma, bo kume. Es i nha kurpu. ²⁷ I toma kalis i fala Deus obrigadu i da elis i fala: Bo bibi abos tudu. ²⁸ Pabia es i nha sangi, sangi di aliansa ku darmadu pa manga di djintis pa purdon di pekadu. ²⁹ Ma na fala bos n'kana bibi mas fruta di uva te na dia kun na bibi ku bos utru bias na reinu di nha pape.

³⁰ Dipus ke kanta un inu, e sai pa monti di Oliveira. ³¹ Jesus fala elis: Esnoiti abos tudu bo na skandalisa pabia di mi, pabia i sta skritu: Na molesta pastor karnel na padjiga. ³² Ma dipus kun lnta di mortu, na bai bo dianti pa Galileia.

³³ Pedru fala: Nin si tudu djinti skandalisa pabia di bo ami n'kana skandalisa.

³⁴ Na bardadi na kontau e noiti li, antis ku galu kanta bu na negan tris bias.

³⁵ Pedru falal: Mesmu si pan muri ku bo n'kana negau. Utrus disipulus fala mesmu kusa.

³⁶ Jesus bai ku elis na un lugar ku tchoma Jetesemani i fala disipulu: Bo sinta li tementi na bai li pa ora. ³⁷ I leba Pedru ku dus fidjus di Zebedeu ku el, i kumsa na sinti tristesa ku angustia. ³⁸ I fala elis: Nha alma na sinti tristesa fundu pa mortu. Bo fika li bo bisia ku mi. ³⁹ I tchiga un bokadu, i m'borka rostu na tchon, i ora. I fala: Nha pape si pusivel pasanta e kalis di mi. Ma pa i ka sedu suma kun misti, ma suma ku bu disdja. ⁴⁰ I bin pa disipulus i odja e na durmi, i fala pedru bo ka pudi bisia ku mipa un ora? ⁴¹ Bo bisia i bo ora pa bo ka kai na tentason. Spiritu i sta purparadu, ma karni i fraku. ⁴² I afasta pa sugundu bias pa ora i fala: Nha pape i ka pusivel pasanta e kalis, sin ka bibil. Ma pa i fasidu bu vontadi. ⁴³ I riba mas n bias i odja e na durmi, pabia se udjus sta pisadu di sonu. ⁴⁴ I disa elis, i afasta i ora terseru bias, i fala mesmus palavras. ⁴⁵ Dipus, Jesus bi pa si disipulus i fala elis: Bo na durmi, bo na diskansa.. Bo odja, ora tchiga dja, ku fidju di omi na n'tergadu na mon di pekaduris. ⁴⁶ Bo lanta no bai kil ku na falsian i tchiga dja.

⁴⁷ Tementi i na papia inda, Judas iun di kil dozi, i kumpanha du pa manga di djintis, ku bin di parti di prinsipal di saserdoti ku garandis di povu, e bin ku spadas ku manduku. ⁴⁸ Omi ku na falsia Jesus e da elis sinal i fala: Kil kunda beju e el. Bo prindil. ⁴⁹ I bai djana pa Jesus i fala: Ola Mestri i dal beju.

⁵⁰ Jesus falal: Amigu fasi ke ku bu bin pa fasi. E tchiga e panha Jesus e prindil. ⁵¹ Un di kilis ku sta ba ku Jesus distindi mon, i djunda spada, i molostra un servu di sumu saserdoti, i kortal un oredja. ⁵² Ma Jeus falal: Pui spada na si lugar, pabia tudu kil ku pega spada, i ta muri pa spada. ⁵³ Ka bu pensa n'ka pudi pidi nha pape, pa I mandan dozi lijions di andjus? ⁵⁴ Ma pa kumpri skritura ku fala i pirsis pa es kontisi.. ⁵⁵ Na kil ora, Jesus fala pa ki manga du djintis: Bo bin pa mi ku spada ku manduku pa bin prindinsuma un ladron.. N'ta sinta ba na templu tudu dia na bn'sina bo ka prindin. ⁵⁶ Ma estudu na kontisi pa ke ku prufeta skirbi pa i kumpridu. Dipus disipulus e fusi tudu.

⁵⁷ Kilis ku prindi Jesus e lebal pa Kaifas, sumu saserdoti, nunde ku skribas ku garandis djunta ba nel. ⁵⁸ Ma Pedru na sigi ba elis a distansia te na patiu di sumu saserdoti. I yentra i sinta ku guardas pa odja fin ⁵⁹ Prinsipal di saserdoti ku tudu garandis e na buska un falsu tustumunhu pa pudi kondenal pa mortu. ⁶⁰ E ka otcha nin un son, na tantu falsu tustumunhu ke pursenta. Mas tardi dus dus bin dianti e fala: ⁶¹ e omi fala: N'pudi dana templu pan kumpul di nobu na tris dias.

⁶² Sumu saserdoti lanta i fala: Bu ka tene rasposta.. Es i kal akusason ke na fasi kontra bo? ⁶³ Ma Jesus kala son. Sumu saserdoti fala: Na dau ordi pa Deus bibu, kontanu abo i Kristu fidju di Deus.

⁶⁴ Jesus ruspundil: Abo ku fala ku bu boka. Ma na kontau di gosi pa dianti bu na odja fidju di omi sintadu na ladu direitu Kin ku tene Tudu Puder, na bin na nuven di seu.

⁶⁵ Sumu saserdoti rumpi si ropa i fala: I na papia ofensa. Pabia ku no pirsisa di tustumunhu.. Bo obi ofensa. ⁶⁶ Ke ku bo pensa.. E fala es mersi mortu. ⁶⁷ E na kuspil na rostu, e na sutale na dal bofotada, ⁶⁸ e na fala: Kontanu kinku sutau.

⁶⁹ Pedru sinta fora, na patiu, un tarbadjadur bai pa el i fala: Abo tambi bu sta ku Jesus di Galileia.

⁷⁰ Ma i nega dianti di tudi djintis i fala: N'ka sibi ke ku bu na fala.

⁷¹ Otcha i sai pa porton, utru tarbadjadur odjal i fala kilis ku sta ba la: E omi staba ku Jesus di Nazare.

⁷² I nega utru bias ku djuramentu: N'ka kunsi e omi.

⁷³ Puku dipus, kilis ku staba la e bin e fala Pedru> Sertamenti, abo tambi i un delis, pabia bu manera di papia ta mostra abo i kin.

⁷⁴ I kumsa na maldisua i na jura: Ami n'ka kunsi e omi, kil ora galu kanta.

⁷⁵ Pedru lembra di palavras di Jesus ki fala: Antis di galu kanta tris bias bu na negan. I sai pa fora i tchora ku dur.