¹ Baada ya Jeso kuvyalwa kahiza Bethelehemu ya uyahudi kahiza tsiku za mufalume Herode, atalamu a nyenyezi kula masharikiya kure afika Jerusalemu achaamba, ² "yulavhi ye adziye vyalwa mufalume wa Ayahudi? Hayona nyenyezi mashariki naswi hudzikudza humwabudu."

³ Chipindi mufalume Herode arivho sikira gaga washononeka, na Jerusalemu yosi vhamwenga naye. ⁴ Herode achiakusanya abomu na makuhani osini na andishi a Atu, naye achiuza "Krisito yundavyalwa vhi?" ⁵ Achimujibu," kahiza bethelehemu ya Uyahudi, kwa kukala vivi ndivyo irivyo andikwa ni Nabii, ⁶ Nawe Bethelehemu, kahiza ntsi ya Yuda si nde mutite kahiza vilongozi a Yuda, kwa kukala kula kwako yundakudza mutawali andiye atsunga Atu kulahangu Israeli."

⁷ Ndo Herode achi aiha arahu asomi anyenyezi kwa siri na kuauza ni muda wani haswa nyenyezi irivhoonekana. ⁸ Achiahuma Bethelehemu, achiamba, "enendani kwa dzuvhi mukamuyeye mwana ariye vyalwa muda mundivhomona, nirehera habari ili pia nami niweze kudza na kumwabudu."

⁹ Baada ya kukala amusikira mufalume, aenderera na safari yao, na nyenyezi irahu ariyokala adziyona na mashariki ichiatangulia muhadi irivho ima dzulu ya vhatu mwana ariye vyalwa arivhokala. ¹⁰ Muda arivhoyona nyenyezi, afurahi kwa furaha bomu muno. ¹¹ Ainjira nyumbani na achimuona ariye vyalwa ni Mariamu ameye. Amuvundamira na kumuabudu. Afulugula hazina zao na kumuombozera zawadi za dhahabu, uvumba, na manemane. ¹² Mulungu waaonya kahiza ndoso asiuye kwa Herode, vivyo, auka kuuya kahiza ntsi yao kwa kuchirira njira injine.

¹³ Baada ya kukala adziuka, Malaika wa Bwana wamomborera Yusufu Yusufu kahiza ndoso na achimwamba, "unuka, muhale mwana na Ameye na muchimbirire Misiri. Salani kuko muhadi nindivhomwambira, kwa kukala Herode yuna muyeya Mwana ili amwangamize." ¹⁴ Usiku uo Yusufu achilamuka na kunuhala mwana na ameye na kuchimbirira misiri. ¹⁵ Wasala kuko muhadi Herode arivhofa. Ii yatimiza chirahu Bwana arichokala wanena kuchirira nabii, "kula misiri nidzimwiha mwanangu." ¹⁶ Kisha, arivhoona kukala yudzidhihakiwa ni Mamajusi, watsikirwa sana. Walagiza kuulagwa kwa ahoho osini kahiza lalo ambaro akala na umuri wa miaka miri na tsiniye, karakara na wakati arioksla yudzithibitisha kamare kula kwa arahu mamajusi. ¹⁷ Ndivho ririvhotimizwa rira neno ririronenwa kwa mulomo wa nabii Yeremia, ¹⁸ "sauti ya yasikirika Rama, chiriro na maombolezo mabomu, Rahelia achiaririra anae, na achikahala kufarijiwa, kwa kukala kaako kahiri."

¹⁹ Herode arivhofa, lola malaika wa Bwana achimomborera Yusufu kahiza ndoso kuko Misiri achaamba, ²⁰ "unuka na muhale mwana na Ameye, na mwenende ntsi ya Israeli kwa kukala ariokala anayeya uhai wa mwana aafa." ²¹ Yusufu waunuka, achimuhala mwana na Ameye, na achidza kahiza ntsi ya Israeli.

²² Ela arivho sikira kukala Arikeleu were yuna tawala Yudea vhatu vha Abaye Herode, achiogovha kwenda kuko. Baada ya Mulungu kumuonya kahiza ndoso, wauka kwenda mukowa wa Galilaya. ²³ Na waenenda na achiishi kahiza mudzi uihiwao Nazareti, Riri richitimiza chirahu chiricho nenwa kuchirira njira ya manabii, vya kwamba yundaihiwa.