¹ Yaomborera vharahu Jeso anivhomarigiza maneno gago, achiuka Galilaya, na achenenda mivhakani mwa Yudea mbere ya muho wa Yordani. ² Lukwili luboma lwa atu luchimutuwa, na kuko achiavhoza.

³ Mafarisayo amukudzira achimujeza, achimwamba, “Je nikarakara kwa mutu kumuricha muchewe kwa sababu yoyosi?”

⁴ Jesu achi-ajibu na achiamba, “kamusomere, vyakukala iye ariye aumba mwanzo waumba mulume na muche? ⁵ Achiamba kahiri, kwa utu uo mwanalume yundumuricha abaye na ameye na kulunganyika na muchewe, na ao airi andakala mwiri mumwenga.' ⁶ Kwa vivyo si airi kahiri, ela mwiri mumwenga. Be chirahu Mulungu adzichochilunganya, mutu yoyosi asichitenganishe.”

⁷ Achimwamba, “Hikara kwa utuwani Musa wahulagiza hulavye cheti cha talaka na kumuricha?”

⁸ Achi-amba, “Kwa ufu wa mioyo yenu Musa achimuruhusu kuaricha ache enu, ela kulahangu mwanzo kavikarire vivyo. ⁹ Ninamwambira vya kukala yoyosi andiyemuricha muchewe, isivhokala kwa sababu ya uzinzi, na kumuhala muche munjine, yunazinga. Na mwanalume andiye muhala muche ariye richwa yunazinga.

¹⁰ Anafunzi achimwamba Jeso, “Ichikala ndivyo virivyo kwa mulume na muchewe, si vidzo kuhala!

¹¹ Ela Jesu achi-amba, “Si chila mutu awezae kuvhokera mafundisho gaga, ela ni kwa arahu tu arioruhusiwa kuvokera. ¹² Kwa kukala avhavho ario ni agumba (matowashi) ariovyalwa kulahangu ndanini mwa mezao. Na vivyo vivyo kuna agumba ariohendwa ni atu. Na kuna agumba ariodzihenda agumba kwa ajili ya ufalme wa mulunguni. Awezae kuvokera mafundisho gaga na agavokere” ¹³ chisha achireherwa ahoho atite ili aaikire mikono dzulu yao na kuvoya, ela anafunzi a kwakwe achiachemera. ¹⁴ Ela Jeso achiamba, “Aruhusu ahoho atite wala musi-akahaze kudza kwangu, kwa kukula ufalme wa mulunguni ni wa atu ngadza here ao. ¹⁵ Naye achi-aikira mikonoye dzulu yao, na kisha achivhauka vharuhu.

¹⁶ Lolani, mutu mumwenga achidza kwa Jeso na achi-muza achimwamba, “Mwalimu, ni chitu chani chidzo nihenzwacho nichihende ili nipate kukala na uzima wa kare na kare?”

¹⁷ Jeso achimwamba, “Kwadze unanuza ni chitu chani chidzo? Kuna mumwenga hacheye arie mwema, ela uchihenza kupata uzima, gwira sheria za Mulungu.”

¹⁸ Yuyahu mutu achi-muuza, “Ni sheria zivhizo?” Jesu achimwamba, “Usiulage, usizinge, usiye, usigombe ulongo, ¹⁹ aheshimu abayo na ameyo, na muhenze Jirani wa kwako ngadzahere nafsi ya kwako.”

²⁰ Mutu iye achimwamba, mautu gosini gago nidzigahenda. Ninahenzekana utu wani kahiri?

²¹ “Jeso achimwamba, “ichikala anahenza ukale mkamilifu, enenda, akaguze urivyo navyo, na u-avhe achiya, na undakala na akiba mulunguni. Chisha udze unituwe.” ²² Ela mwanalume yayahu arivhosikira garahu Jesu arigomwambira, achivhauka kwa kushononena, kwa kukala were yuna mali nyinji.

²³ Jesu achiambira anafunzi a kwakwe, “Ninamwambira ujeri nivikomu kwa mutu tajiri kuvhenya kuhiza ufalume wa mulunguni. ²⁴ Ninamwambira kahiri nirahisi kwa ngamira kuchira kuhiza tundu ya sindano kuriko kwa mutu ariye ni tajiri kuvhenya kuhiza ufalme wa mulungu.”

²⁵ Anafunzi arivhosirika vivyo, aangalala muno na achiamba, “Ni yuvhiye bee andiye okoka?”

²⁶ Jesu achia-lola na achiamba, “Kwa anadamu riro kariwezekana, ela kwa Mulungu gosini ganawezekana.”

²⁷ Kisha Petero achimujibu na kumwamba, “lola, hudziricha vyosini na kukutua uwe. Ni chitu chani hundichochipata?”

²⁸ Jesu achimwamba, “Ninakwambira ujeri, iye ariyenitua mimi, kahiza chivyazi chivya muda mwana wa Adamu andikosagala kuhiza chihi cha enzi cha utukufu wa kwakwe, mwimwi namwi mundasagala dzulu ya vihi murongo mumwenga na viri vya enzi, kua-hukumu makabila kumi na mairi ga Israeli. ²⁹ Chila mumwenga wenu adziyericha nyumba, nduguze achilume, nduguze achiche, abaye, amaye, ahoho, au munda kwa ajili ya dzina rangu, yandavhokera mara gana na yuna urithi uzima wa kare na kare.

³⁰ Ela anji ario akwanza hikara andakala a mwisho, na ario amwisho andakala a kwanza.