¹ Ndivho mafarisayo na andishi arivho kudza kwa Jeso kula Jerusalem. Na achiamba, ² "kwa utuwani anafunzi a- kwako anavunza mila za atuminya? Kwa kukala kaoga mikono yao aryavho chakurya."

³ Jeso achiajibu na achiamba, "namwi kwadze munaivunza sheriya ya Bwana kwa ajili ya mila ya kwenu? ⁴ Kwa kukala Mulungu, 'Muheshimu abayo na ameyo,' na 'Anenaye mai kwa abaye na ameye, kwa ujeri yundafa.'

⁵ Ela mwimwi munaamba,' Chila amwambaye abaye na ameye, "Chila musada urio-ungaupata kula kwangu kula vivi hikara ni zawadi kula kwa Mulungu," ⁶ Mutu iye kana haja ya kumu-heshimu abaye.' Kahiza riri mudzirikahala neno ra Mulungu kwa ajili ya mila ya kwenu. ⁷ Mwimwi anafiki! Nividzo here Isaya arivyo tabiri dzulu yenu arivho-amba, ⁸ 'Atu aa- kwa makanwa gao ananiheshimu mimi, ela mioyo yao i- kure na mimi. ⁹ Ananivoya mimi bule kwa kukala anafundisha mafundisho garigo ni malagizo ga- anadamu."

¹⁰ Ndivho achi-lwiha lo lukwili achilwamba, "sikizani na muelewe- ¹¹ kakuna chitu chiinjiracho mulomoni mwa mutu chikamuhendya mukolo. Ela chirahu chimuhendacho mutu akakala mukolo ni chirahu chimombolacho mulomoni mwakwe."

¹² Ndivho anafunzi achimutuwa Jeso na achimwamba, "je unamanya kukala mafarisayo arivho risikira rirahu neno ra-atsukizya?" ¹³ Jeso achi -ajibu achiamba, "chila mumera urio kaunyarirwe ni baba ariye Mulunguni undang'olwa. ¹⁴ Aricheni hachiyao, ao ni vilongozi vipofu. Na chipofu achimulongoza chipofu muyawe, osini andagwa gopweni."

¹⁵ Petero achimujibu achimwamba Jeso, "hambire maana ya mufano uu."

¹⁶ Jeso, "namwino namwi kamudzagwe kwelewa? ¹⁷ Mwino kamona vya kukala chirahu chi-injiracho mulomoni china- chirira ndanini muhadi chooni? ¹⁸ Ela vitu vyosini vyombolavyo mulomoni vila moyoni. Ndivyo vitu vimuhendyavyo mutu akakala mukolo. ¹⁹ Kwa kukala moyoni kunaombola maazo mai, ulagaji, uzinzi, wivi, ushahida wa ulongo na mafyozi. ²⁰ Mautu gaga ndigo gamuhendago mutu akakala mukolo. Ela kurya bila koga mikono kakumuhendya mutu akakala mukolo."

²¹ Ndivho Jeso achivhauka na achienenda pande za midzi ya Tiro na Sidoni. ²² Lolani, mwanamuche Mukaanani wakudza kula pande zizo. Achipiga keke achiamba, "Nonera mbazi, Bwana, Mwana wa Daudi! Mwanangu wa chiche yuna teswa muno ni pepo."

²³ Ela Jeso kamujibire neno. Anafunzie achidza achimurai achimwamba, "mwambe- enende, kwa kukala yuna huhendera lonzo."

²⁴ Ela Jeso achiajibu achiamba, "sidza humwa kw mutu yoyosi isivho kala kwa ng'onzi-a- nyumba ya Izraeli zirizo angamika."

²⁵ Ela wakudza achizama mbereye, achiamba, naviza Bwana," ²⁶ achimujibu na achimwamba si tototo kuhala chakurya cha ahoho na kuavha kuro."

²⁷ Achamba, "Ndevyo, Bwana, ela hata vivyo kuro atite ni kurya pukupuku zidzizogwa kula mezani kwa iye Bwana wao."

²⁸ Ndivho Jeso achijibu na achamba," mwanamuche, imaniyo ni bomu; navihendeke here uhenzavyo." Na iye mwanawe wa chiche muda uouo were yuvhozwa.

²⁹ Jeso achivhauka vhatu vharahu na achenenda vhevhi na bahari ya Galilaya. Chisha wa-kenda dzulu murimani na achisagala kuko. ³⁰ Kundi bomu richimudzira. Achimurehera viswere, vipofu, bubu, virema na anjine anji ario-kala ni akongo. Achi-aika mbere za Jeso na achi-avhoza osini. ³¹ Na lulo lukwili luchiangalala lurivho- ona mabubu ana nena, na virema achihendwa azima, viwete achenenda na vipofu achona. Achimulika Mulungu wa Izraeli.

³² Jeso achi- aiha anafunzie na achiamba, "nina lonera mbazi lulu lukwili, kwa kukala adzikala nami tsiku tahu bila kurya chochosi. Sindala lagana nao enende kwao bila kurya, asidze akazimia njirani."

³³ Anafunzie achimwamba, "hundapatavhi mikahe ya kutosha vhatu vhano jangwani ya kukusha lukwili luno losini?" ³⁴ Jeso achiamba, "muna mikahe mingavhi?" achamba, "mifungahe na samaki achache."

³⁵ Jeso achilagizira lo lukwili lusagale vhotsi. ³⁶ Achi-ihala iyo mikahe mifungahe na samaki, na baada ya kushukukuru achi-imegula na achi- avha anafunzi. Anafunzi achi- lavya kwa lo lukwili. ³⁷ Atu osini na achitosheka. Na achikusanya kavhu fungahe za ku-udzala visiku visiku vya masaza. ³⁸ Osini ario-rya were ni alume elufu ne, bila kutala ache na ahoho.

³⁹ Chisha Jeso achilulaga lukwili enende kwao kwao na achipanda dauni na pande za Magadan.