¹ Kwa uda uo, mufalume herode wasikira habari za Jeso. ² Achiambira atumishi a kwakwe, "Yuno ni Johana mubatizaji yudzifufuka kahiza ario afa? Kwa vivyo nguvu zino zidzuluye."

³ Kwa kukala Herode were wamugwira Johana, achimufunga, na na kumubuma jela kwa ajili ya Herodia, mukaza nduguye Filipo. ⁴ Kwa kukala Johana wamwamba sikarakara kumuhala iye akale muchewe." ⁵ Herode ngere wamuulaga ela achiogovha atu kwa kukala amona Johana ni nabii.

⁶ Ela tsiku irivho timira ya kuvyalwa kwa kwakwe, mwana wa chiche wa Herodia wavina kahikahi ya atu achimufurahisha Herode. ⁷ Arivho lavukiza, achiapa kukala yundamuvha chochosi andicho chilonda. ⁸ Arivho erekezwa ni Ameye, achiamba, "mimi nipatira, chitswa cha Johana mubatizaji sahanini." ⁹ Mufalume achishononeka kwa aricho chivoya mwanawe wa chiche, ela kwa arivyo-kala here yudzi-apa na kwa arahu osini ario kala vhamwenga naye chakuryani, achilagiza vya kukala vihendeke. ¹⁰ Achilagizira Johana arehewe kula jela. ¹¹ Ili atsinzwe na atoswe chitswache na chichirehewa lwigani achihewa ye muhoho wa chiche achichivhirika kwa ameye. ¹² Chisha anafunzi a Johana achidza, achiuhala urahu mwiri, na achiuzika. Baada ya riri, akwenda na achimwambira Jeso. ¹³ Naye Jeso arivho- gasikira gago, achidzitenga kanda na vhatu vharahu achipanda ndani ya dau achenenda vhatu warivho kanda na Atu. Vhavho lukwili lwa atu lurivho manya vho arivho, achimutuwa kula midzini. ¹⁴ Chisha Jeso wafika mbere yao na achona lukwili lubomu lwa atu. Achiapnera mbazi na achiavhoza akongo a-kwao.

¹⁵ Irivho fika dziloni, anafunzi akwakwe amukudzira na achamba, "vhatu vhavha ni lwandani, na kudzetswa. Atsamule atu, ili aenende kwao midzini akadzigurire vyakurya enyee."

¹⁶ Ela Jeso achiamba," aa kana haja ya kwenenda. Apatireni mwimwi chakurya."

¹⁷ Achimwamba, "vhavha huna mikahe mitsano na samaki airi hacheye," ¹⁸ Jeso achiamba, "ireheni kwangu," ¹⁹ chisha Jeso achilulagiza lo lukwili lwa atu lusagale nyasini. Achiihala yo mikahe mitsanona ao samakin airi. Achilola dzulu mulunguni, achiihasa na achiimega mikahe na achiapatira anafunzi, na anafunzi achigavya kwa lo lukwili. ²⁰ Osini achirya na achiukuha. Kisha achikusanya visiku virivyo sala vya chakurya- achiudzaza vikavhu murongo mumwenga na viri tele. ²¹ Arahu ario-rya were ni alume elufu tsano ta- bila kuatala ache na ahoho.

²² Achi- aharakisha anafunzi akwakwe avhenye dauni, muda uo iye achilulaga lukwili wenende kwao kwao. ²³ Baada ya kulwambira lo lukwili lwende kwao kwao, achiambuka dzulu murimani iye hacheye kwenda voya. Kurivho kala kudzetswa wakala kuko iye hacheye. ²⁴ Ela hikara dau ririvho kala kahikahi ya bahari richisukwasukw ni maimbi, kwa kula kusi were rinapiga kula kuko aendako. ²⁵ Kahiza jiba ra- ne ra usiku Jeso waafikira ao, yunenenda ya dzulu ya madzi. ²⁶ Vhavho anafunzi a kwakwe arivho mona yunenenda dzulu ya bahari, aogovha na achiamba hudziangirwa, "ni pepo," na achirira kwa woga. ²⁷ Ela Jeso achi- amba dzivheni moyo! Ndimi! Musiogovheni."

²⁸ Petero achimujibu achimwamba, "Bwana, ichikala ndiwe, niambira nami nidze kwako dzulu za madzi."

²⁹ Jeso achimwamba," inzo" vivyo Petero achiombola kabhiza dau na achienenda dzulu ya madzi kumwendera Jeso. ³⁰ Ela Petero arivhoona maimbi, waogovha na achanza kuhoha, achiiha kwa sauti na achiamba, "Bwana, niokola!"

³¹ Kwa hiraka Jeso achiugolosa mkono, achimugwira Petero, na achimwamba, "uwe uriye na imani tite, kwa utuwani unaogovha?" ³² Ndivho vhavho Jeso na Petero arivhoinjira dauni, kusi richihurira kupiga.

³³ Anafunzi achimwabudu Jeso dauni na achiamba, "Nijeri uwe u-mwana."

³⁴ Na arivho vuka nyambu, afika kahiza tsi ya Genasereti. ³⁵ Na atu a lalo riro arivho mumanya Jeso, ahuma ujumbe chila vhatu na tsonya zosini, na achiareha chila ariye kala ni mukongo.

³⁶ Achimuvoya kukala agute hata kala ni mutsa wa nguo ya kwakwe, na anji arivhogusa ichi-avhoza.