¹ Tsiku mwenga ya sabato Jeso here yunachira kahikahi ya minda ya ngano. Anafunzi a kwakwe here ananzala na achianza kuvhulula masuche ga ngano na kwafuna. ² Ela mafarisayo arivhoona vivyo, achimwamba Jeso, "lola anafunzi a kwako anavunza sheriya kugahenda gasigo hendwa tsiku ya sabato."

³ Ela Jeso achiaamba, "kamudzagwe kuvisoma arivyo henda Daudi arivhokala yuna nzala, vhamwenga na atu ario kala vhamwenga nao? ⁴ Here arivyo injira nyumbani mwa Mulungu ana achiirya mikahe ya sadaka iriyo kala yaikwa, iyo were sikarakara iye vhamwenga na arahu ariokala nao, ela here nikwa makuhani hacheye. ⁵ Kamudzagwe kusoma kahiza sheriya, vyakukala tsiku ya sabato makuhani kahiza hekalu nikuibananga sabato hela kana hatia? ⁶ Ela nina nena kwenu vya kukala ariye ni mubomu kuriko hekalu yuvhavha. ⁷ Kala munamanya mautu gaga ganamaanisha utu wani,' ninahenza mbazi ela tsenzi sadaka,' kumunga ahukumu asio na makosa. ⁸ Kwa kukala mwana wa Adamu ndiye bwana wa sabato."

⁹ Ndo Jeso achiuka vhavho na achienenda kahiza sinagogi ra kwao. ¹⁰ Lola, were vhana mutu ariye kala wa vholoza mono. Mafarisayo achimuuza Jeso, achiamba, "je ni karakara kuvhoza tsiku ya sabato?" ili apate chisingwa cha kumushitaki kwa kuhenda dambi.

¹¹ Jeso achiaambna ao," ni mutu yuvhiye kahiza mwino, arye, ichikala yuna ng'onzimwenga, na ichikala ng'onzi iyo idzegwa gopweni tsiku ya sabato, kandaigwira na kuiomboza konze? ¹² Je ni chivhicho chiricho cha thamani muno, je, ni mudamu kuriko ng'onzi! Kwa vivyo ni sheriya kuhenda mautu madzo tsiku ya sabato." ¹³ Chisha Jeso achimwamba yuyahu mutu, "golosa mkono o." Achiugolosa, uchivhola uchiuya ngadza urahu munjine. ¹⁴ Ela mafarisayo achiuka achiombola konze na kupanga chinyumeche. Na kuyeya andivyo muulaga.

¹⁵ Jeso, arivhorimanya riro vhaho wavhauka. Atu anji achimutuwa, na achiavhoza osini. ¹⁶ Achiakokotera vya kukala asimuhende akamanyikana kwa anjine, ¹⁷ riri rakala ili ujeri utimire, chiricho nenwa ni nabii Isaya, achiamba, ¹⁸ lola, muhumiki wa kwangu niriye mutsagula; nimuhenzaye kahiza nafsi ya kwangu. Ninda mubuma mukotse wa roho ya kwangu ndulu ye, ili atangaze hachi kwa amataifa. ²¹ na kahiza dzirare amataifa andalaka na kuluvhiro."

²² Vhavho mutu ariye kala chipofu na bwibwi, ariye pagaliwa ni mapepo, warehe kwa Jeso. Achimuvhoza, hata vyakukala iye mutu here ni bwibwi na chipofu. ²³ Lukwili losini lwaangalala na luchiamba, "vinawezekana kukala yuno ni iye mwana wa Daudi?"

²⁴ Ela vhavho mafarisayo arivhosikira chilinge chichi, achiamba, "yuyu mutu kaomboza pepo kwa mukotsewe isivhokala ni kwa Beelzebul. Mubomu wa mapepo."

²⁵ Ela Jeso arivhomanya maazo ga kwao achiamba," chila ufalume ugavika wenye ubanangika, na chila mudzi hebu nyumba igavikayo yenye kainda ima. ²⁶ Ichikala shetani yunda muomboza shetani, iye yunadzichingamya mwenye. Nao ufalume wa kwakwe undaimadze? ²⁷ Na ichikala ninaomboza pepo kwa Belizebuli, o afuasi enu andaomboza kwa njira yani? Kahiza riri andakala mahakimu enu. ²⁸ Na ichikala naomboza pepo kwa mukotse wa roho wa Mulungu, be ufalume wa Mulungu udzimukudzira kwenu.

²⁹ Na mutu yundawezadze kuivhenya nyumba ya mutu ariye na mukotse na kuhala vitu vya kwakwe bila kumufunga ye mwenye mukotse kwanza? Ndo yundaweza kuvi iya vitu vya kwakwe kahiza iyo nyumba.

³⁰ Yoyosi asiye kala vhamwenga nami yuchinyume nami, na iye asiyekusanya vhamwenga nami yuna yunatsamula.

³¹ Kwa vivyo nina mwambira mwimwi, chila dambi na kukufuru atu andasamehewa, ela kumukufuru Roho mutakatifu kanda samehewa. ³² Na yoyosi anenaye neno chinyume cha Mwana wa Adamu, iye yundasamehewa. Ela yoyosi anenaye chinyume cha Roho Mutakatifu, kanda samehewa, kahiza urimwengu uu, na uo udzao.

³³ Hebu uhendeni muhi ukale mudzo na tundare rikale ridzo, hebu ubanange muhi na tundare rikale rii, kwa kukala muhi unamanyikana kwa tundare. ³⁴ Mwino chivyazi cha nyoka, mwimwi mu ai, munawezadze kunena mautu madzo? Kwa kukala kanwa nikunena maneno gaombolago kahiza akiba ya garigo moyoni. ³⁵ Mutu mudzo kahiza akiba mbidzo ya moyowe kunaombola madzo, na mutu mui kahiza akiba mbii ya moyowe nikuomboza chiricho chii. ³⁶ Nina nena kukala kahiza tsiku ya hukumu atu andaomboza hesabu ya chila neno risiro faha arirorinena. ³⁷ Kwa kukala kwa maneno ga kwako undatarirwa hachi, na na kwa maneno ga kwako undahukumiwa."

³⁸ Chisha anjine ao aandishi na mafarisayo achimujibu Jeso na achichiamba, "Mwalimu, hungahenza huone ishara kula kwako."

³⁹ Ela Jeso achiajibu achiamba, "chivyazi chii na chauzinzi chilondacho ishara. Ela kakuna ishara indiyo-ombozwa isuvhokala irahu ishara ya nabii Yona. ⁴⁰ Ngadzahere virahu nabii Yona arivyo kala tsiku tahu mutsana na usiku ndani ya samaki mubomu, vivyo vivyo ndivyo mwana wa Adamu andivyo kala kahiza moyo wa tsi tsiku tahu mutsana na usiku. ⁴¹ Atu a ninawi andaima mbere za hukumu vhamwenga na chivyazi cha atu aa na ao andachihukumu. Kwa kukala atu kwa mahubiri ga Yona, na lolani, mutu yuyu mubomu kuriko Yona yu vhavha. ⁴² Malikia wa kula mwakani yundaima kahiza hukumu vhamwenga na atu a chivyazi chichi ili kuchihukumu. Wakudza kula mwisho dunia ili asikire hekima ya Selemani, na lolani, mutu yuyu mubomu kuriko selemani yu vhavha.

⁴³ Muda pepo muchafu amuombolavho mutu, yunachira na vhatu vhasivho na madzi na kuyeya vhatu vha kuoya, ela achitsavhaona. ⁴⁴ Chisha nikunena, nindauya nyumbani kwangu niriko ombola,' auyavho, na kuyona irahu nyumba nituvhu-yasafishwa na itayari. ⁴⁵ Chisha ni kwenenda na kuareha anjine afungahe ai ario na roho chafu kuriko iye mwenyewe, nao osini nikwinjira na kukala mumo. Na haliye ya mwisho ni kukala mbii kuriko yo ya kwanza. Vivyo ndivyo vindivyokala kwa chivyazi chichi chii."

⁴⁶ Jeso arivhokala yuna sumurira na lukwili lwa atu, lolani, ameye na ndunguze achidza achiima konze, achiyeya andivyo sumurira naye. ⁴⁷ Mutu mumwenga achimwamba, "lola ameyo na nduguzo aimire konze, anahenza asumurire nawe."

⁴⁸ Ela Jeso wamujibu achimwamba ariye mumanyisa, "mayo niyuvhiye? Na enehu ni ano ani? ⁴⁹ Achiagolosera mkono anafunzie na achi-amba, "lolani, aa ndo ano mayo na enehu! ⁵⁰ Kwa kukala yoyosi agahendaye mahenzo ga baba ariye mulunguni, mutu iye nde mwenehu wa chilume, na mwenehu wa chiche na mayo."