¹ Arivho kala yudzimarigiza kualagiza anafunzi a kwakwe murongo mumwenga na airi, wauka vhavho achenda achifundisha na achihubiri kahiza midzi ya kwao.

² Na iye Johana arivhokala jela wasikira mahendo ga Krisito, achihuma ujumbe kuchirira anafunzi a kwakwe ³ Na achimuuza, we ndiwe Iye adzaye, hebu kunamunjine humutarizaye?

⁴ Jeso waajibu achiamba, "enendani mkamwambire Johana garahu mugaonago na garahu mugasikirago. ⁵ Vipofu anaona, viswere anaenenda, enye mahana anavhozwa, viziwi anasikira kahiri, ariofa ana fufulwa na injili inahubiriwa kwa achiya. ⁶ Baha Iye asiyeona shaka dzulu yangu."

⁷ Vhavho Atu aa arivho uka, Jeso achianza kunena na lukwili dzulu ya Johana," murivho kwenda nyikani were mwenda mukaloleni-lunyasi luchitukuswa ni pyeho? ⁸ Ela mwekwenda muchiono tuwani- mutu ariye vala nguo tana? Ni jeri avalao nguo tana ni kusagala kahiza nyumba za Afalume.' ⁹ Ela mwakwenda ona ni-nabii? Ni vivyo ninamwambira, na ariye zaidi ya nabii. ¹⁰ Yuyu ndiye ariye habari zaandikwa kumuhusu, 'lolani, ninamuhuma mujumbe wa kwangu mbere za uso wa kwako, ambaye yundaitayarishayo mbere za kwako.'

¹¹ Mimi ninamwambira ujeri kahiza ario vyalwa ni mwanamuche kakuna ariye mubomu kuriko Johana mubatizaji. Ela ariye mutite kahiza Ufalume wa mulunguni ni mubomu kuriko iye, ¹² kulahangu tsiku za Johana mubatizaji hata hikara, ufalime wa mulunguni ni wa mukotse, na Atu enye mukotse anauhala kwa nguvu. ¹³ Kwa kukala manabii osini na sheriya were ana tabiri muhadi kwa Johana; ¹⁴ na ichikala mutayari kukubali, yuyu ndiye Eliya yuyahu adzaye, ¹⁵ ariye na masikiro ga kusikira ni asikire.

¹⁶ Nichihalanishe na tuwani chivyazi chino? Ni here Ahoho atsadzigao lalo ra sokoni asgalao na kuihana, ¹⁷ na kwamba, 'hamupigira chivoti na kamuvinire. Hamwimbira wira wa hanga, na kamuririre.' ¹⁸ Kwa kukala Johana wakudza karya mukahe wala kanwa uchi, na achikala amba; yuna pepo,' ¹⁹ Mwana a Adamu wakudza yunarya na yunanwa na achiamba, 'ni Mutu mulafi na murevi, na musena wa atozao kodi na enye dambi! Ela hekima ina inamanyikana kwa mahendo ga kwakwe."

²⁰ Jeso achianza kuichemera midzi iriyo mahendo ga kwakwe ga ajabu gahendeka, kwa kukala kadzagwe kutubu. ²¹ "Shoriyenu, Korozani! Shoriyenu, Bethsaida! Kala mahendo mabomu gohehendeka kwenu, gahendeka Tiro na Sidoni ngere atubu kapindi kwa kuvala magunia na kudzivhaka ivu. ²² Ela, nina mwambira kukala indakala rahisi muno kwa Tiro na Sidon kuvumuriria tsiku ya hakumu kuriko mwimwi. ²³ Uwe, Kaperinaumu, unaona vyakukala muhadi? Sevyo, undatserezwa muhadi kuzimu. Kala kwa Sodomu gahendeka mahendo mabomu here gohendeka kwako, ngere ivhavho ta rero. ²⁴ Ela nina nena kwako kukala indakala baha kwa tsi ya Sodom kuima tsiku ya hukumu kuriko uwe."

²⁵ Kahiza muda uo Jeso achiamba," ninakulika uwe, Baba, Bwana wa Mulunguni na tsi, kwa kukala wafitsa mautu gaga enye hekima na ufahamu na kugafunula lwazu kwa asio na elimu ngadza here ahoho atite. ²⁶ Baba kwa kukala vyakufaha matsoni mwako.

²⁷ Mautu gosini gaikwa mikononi mwangu ni Baba; na kakuna mutu amumanyaye mwana isivhokala Baba na kakuna mutu amumanyaye iye Baba isivhokala iye Mwana na yoyosi ariye iye Mwana yunahenza kumufunurira iye Baba. ²⁸ Inzoni kwangu, mwimwi mosini musirimao na muremerwao ni mizigo miziho nami nindamuoyeza. ²⁹ Gakubalini mafunzo ga kwangu na na muugwire ujeri niufundishao, kwa kukala mimi ni mupweho na mupore, na mundaoyezwa rohoni mwenu. ³⁰ Kwa kukala mafundisho ga kwa ngu ni rahisi na muzigo wangu kaumerera."