¹ Chitabu cha lukolo lwa Jeso krisito, mwana wa Daudi, mwana wa Iburahimu. ² Iburahimu were ni abaye Isaka, na Isaka abaye Jakobo, na Jakobo abaye Yuda na nduguze. ³ Yuda were ni abaye Perezi na Zera kwa Tamari, Perezi abaye Hezironi, na Hezironi abaye Ramu. ⁴ Ramu were ni abaye Amminadabu, Amminadabu abaye Nahashoni, na Nahashoni abaye Salmoni. ⁵ Salmoni were ni abaye Boazi kwa Rahabu. Boazi abaye Obedi kwa Ruthu, Obedi abaye Jesse. ⁶ Jesse were ni abaye mufalme Daudi. Daudi were ni abaye sulemani kwa mkaza Uriah. ⁷ Sulemani were ni abaye Rehoboamu, Rehoboamu abaye Abijah, Abija abaye Asa. ⁸ Asa were ni abaye Jehoshaphat, Jehoshaphat abaye Joramu, na Joramu, na Joramu were ni kahiza lukolo lwa Uzziah arahu ariofa kapindi ⁹ Uzzah were ni abaye Jothamu, Jothamu abaye Ahazi, Ahazi abaye Hezekiah. ¹⁰ Hezekiah were ni abaye Manasseh, Manasseh abaye Amoni, na Amoni abaye Josiah. ¹¹ Josiah were ni arahu ariofa kapindi a lukolo lwa Jekoniah na nduguze kwa urahu muda wa kutsamiswa muhadi babeli.

¹² Na baada ya kutsamiswa muhadi babeli, Jokaniah were ni Abaye Shealitieli. Shealitieli were ni mkare wa Zerubabeli. ¹³ Zerubabeli were ni abaye Abiud, Abiud abaye Eliakim, na Eliakim were ni Abaye Azor. ¹⁴ Azor were ni Abaye Zadok, Zadok abaye Achim, na Achim were ni abaye Eliud. ¹⁵ Eliudi were ni abaye Eliazari, Eliazari were ni abaye Matthani, na Matthani were ni Abaye Jakobo. ¹⁶ Jacobo were ni Abaye Yusufu mulume wa Mariamu, kwa iye ndo Jeso wavyalwa, iye aihiwaye Krisito.

¹⁷ Lukolo losi kula kwa Abrahamu muhadi kwa Daudi were ni vivyazi kumi na vine, kula kwa Daudi muhadi kutsamiswa muhadi Babelij were ni vivyazi kumi na vine, na kulahangu kutsamiswa kula Babeli muhadi kwa Krisito ni vizazi kumi na vine ¹⁸ kuvyalwa kwa Jeso Krisito kwa kala hali ii. Ameye, Mariamu, wauzwa kuhalwa ni Yusufu, ela kabila kudza vhamwenga, waonewa vya kukala yuna tumbo kwa uwezo wa roho mutakatifu. ¹⁹ Yusufu, mulumewe, were ni Mutu mwenye haki na kahenzere kumwebula lwazu lwazu. Waamua kumuricha muchumbawe chisiri. ²⁰ Arivho kala yunaaza dzulu ya mautu gaga, Malaika wa Bwana achimomborera kahiza ndoto, achaamba, "Yusufu mwana wa Daudi, usiogovhe kumuhala Mariamu here mucheo, kwa kukala tumbo ariyo nayo ni kwa uwezo wa Roho Mutakatifu. ²¹ Yundadzifugula mwana wa chilume na undamwiha dzinare Jeso, kwa kukala yundaokola Atu akwakwe na dambi zao." ²² Gosini gaga gaomborera ili kutimiza chirahu chiricho nenwa ni Bwana kwa njira ya nabii achiamba, ²³ lolani, mwana mwari yundagwira tumbo na kuvyala mwana wa chilume, na andamwiha dzinare Imanueli "maana ye. "Mulungu vhamwenga naswi." ²⁴ Yusufu achilamuka kula usinzizini na kuhenda ngadza vivyo malaika wa Bwana arivyo mwamuru na achimuhala muchewe. ²⁵ Hata vivyo, kalarire naye muhadi arivho dzifugula mwana wa chilume na achimwiha Jeso.