1
Dlopan
1
Gakhwanaang ngouuye, haananh ya veilaara za̠ng ka̠za̠kei, hameh nanh haana̠k na̠ng theiye, kuknaang takza̠ng zarapu nanh ra̠ngya̠n rapu Gathenpu dlo cha ngouurapu dou namehlhaa gatheiyeou.
2
Doupu mihdundou gathei nihtou. Haamehli theitou. Beipuh cha tasā ngouukou raye, haalhali gathei zarapu doupu ra̠ngya̠n rapu mihdundou haananh namehlhaa shaakhi saye gatheiyeou.
3
Haameh nanh beipuh ka beinārlapu Jishu khrista cha nihphouye nali haacha nihphou vapu haananh yueh rapu theirapu dou nalhaa gatheiyeou.
4
Nameh vey maka̠rāpu dou vangken vapu heypu leira̠k hey haananh yakravey-u.
Shuri cha nihphou nihba sarapoh
5
Doupu Gathenpu dlo dou, haananh yeuhloye nalhaa gathei rapu Gathenpu dlo nanh, “Shuri dou gaveng nouu. Bei na̠nh yigamā chhoutali ngouuchou.
6
Alih nanh Shuri cha nihphouyera hwangmēnkou yikgamā na̠nh ngouutatu, garinrapu naang ra̠ngcha nihleh ravey-u.
7
Shuri dou gaveng na̠nh ngouurā ba̠lengnei, alihleh gaveng na̠nh zehtatu, alih thakinanh thaki niphou ravey-u. Shuri naar lāpu Jishu Khrista vey diyinaang, alih vey diywēn moū saathen neiu.
8
Ha diywēnngouuchou rahwang tatu, pananh pana̠nh nihleh ravey-u. Alih nanh garin rapu tangouuchou.
9
Pavey ka̠ywei hwanphehtei fingtatu, alih vey ka̠ywei moū za̠ngnihye ka̠shihpu gayuingata gama̠ngjidou saathenni Shuri dou garin rapu ka gadhunpu naang phreydanrou.
10
Alih nanh hadiywei ngouuchou ra hwantatu, Shuri na̠nh nihleh ravey-u. Gathenpu dlo douli alihcha tangouuchou.