1 Ene okuu e Yezu- Kristu, onkean e Davidi, mpi onkean Abrama. 2 Abrama awurnde Izak, Izak awurnde Yakob; Yakob awurnde Yuda ti atwung ande. 3 Yuda awurnde Fares ti e Zara, mpi mea wo dzin inde Tamar. Fares awurnde Esrom. Esrom awurnde Aram; 4 Aram awurnde Aminadab. Aminadab awurnde Naason. Naason awurnde Salmon. 5 Salmon awurnde Boaz, mea nde Rahab. Boaz awurnde Obed. Mea e Obed eli Ruth. Obed awurnde Jesse. 6 Jesse awurnde vwi Davidi, mby Davidi, awurnde salomon, mea nde ayinde na wum, dzin inde Uri. 7 Salomon awurnde Roboam, Roboam awurnde Abia, Abia awurnde Asa, 8 Asa awurnde Jozafat; Jozafat awurnde Joram, Joram awurnde Ozias. 9 Ozias awurnde Joatam, Joatam awurnde Akaz, Akaz awurnde Ezekias, 10 Ezekias awurnde Manase, Manase awurnde Amon, mby Amon awurnde Josias, 11 Josias awurnde Jekonias ti atwung ande, ne ntangu eyavariwo ne buu e Babilonia. 12 Ne mby emavarawo ne buu e Babilonia, Jekonias awurnde Salatiel, Salatiel awurnde Zorobabel, 13 Zorobabel awurnde Abiud, Abiud awurnde Eliakim, mby Eliakim awurnde Azor, 14 Azor awurnde Sadok, Sadok awurnde Akim, mby Akim awurnde Eliud. 15 Eliud awurnde Eleazar, Eleazar awurnde Mathan, Mathan awurnde Yakob, 16 Yakob awurnde Yozefo wum e Maria eyiwur Yezu, Yezu eviewo Kristu. 17 Vear ayiwur wo, ayiwo ndwong djum n'inign yim ko Abrama tii Davidi, yim Davidi tii ntangu eyavariwo ne buu e Babilonia, ayiwo ndwong djum n'inign, mpi yim ntangu eyavariwo ne buu e Babilonia tii eyiwurwo Yezu, ayiwo ndwong djum n'inign. 18 Yezu owur wo ngean: mea nde Maria ayinde wear eling ntsug Yozefo, kansi avey nde djim na biu e Mpeve- Santu, ayiwo atoshwi ivea. 19 Wum nde Yozefo ayinde ompeam emog e wuo kansi akaleang n'ompea nde nsogn ne vy a vear. Akaninde na ndjag ivea iwo ko n'oziy. 20 Ntangu ekana nde vii anagn, wanzio emog e Nzeam opwe ne ndoy, atuba ndenden: "Yozefo, mon e Davidi, oyatun na mvey wear yie Maria, djwi djim ilinde na wo enagn, amivey na biu e Mpeve- Santu. 21 Ayawur nde mon ompeam, ayopea yie dzin i Yezu, djwi ndug eyavuga vear ande ne masumu iwo." 22 Vii ankum anagn alog wo djwi vii ayitubi Nzeam n'odzum o ngunsa ekug, ndenden: 23 "Yen, osig omog etojii ampeam ayavey nde djim mpi ayawur nde mon ompeam emog ayovie wo Emmanuel eling ntuba wuwun Nzeam ali nda su." 24 Ntangu emibiy Yozefo ne lwong, akie mpi oshin oyitubi wanzio e Nzeam ya nde, atsug Maria. 25 Kansi akajia djuung inde tii eyiwur nde mon ompeam. S'opiinde dzin i Yezu.