¹ Lichoba lya sabato Yesu kapeta karibu na mung'unda, anapunzi bake babile na njala gabatekwa makasi no lyaa. ² Lakini Mafarisayo pabagabweni goo, nga bammakiya Yesu aalagiye banapunzi bake baitekwana saliya bapanga lsoba lyenge lusilwa lisoba lya Sabato."

³ Lakini Yesu ngaabakiya, "Munasoma kwa Daudi mwapangite wakati wabile na njala, bamope na bandu babile pamope nabo? ⁴ Mwayingii nyumba ya Nnongo no lyaa mikate ya madhabahu, na yabile kwaa alali kachake kwi na balo babile nabo, ila alali kwaa makuhani? ⁵ Bado munasoma kwo kuhusu saliya, panga lisoba luya sabato Makuhani gati ya hekalu kwichapuya sabato, lakini ntopo ywa sitakiya? ⁶ Lakini nilongela kachinu panga ywabile nkolo kuliko hekalu abile pano. ⁷ Taanga ayee ina maana gani, nipala loba na sio sadaka, mpele kwa hukumu kwa benge makosa. ⁸ Mana mwana wa Adamu nga Ngwana wa sabato.

⁹ Yesu gabuka palo gayenda kuhekalu lyabe, linga kwabi na mundu mlemafu wa luboko Mafarisayo ngaba naluya Yesu, kababaya, ¹⁰ "Je, halali kumponeya lisoba lya sabato?" Lenga bapate kusitakiwa kwopanga sambi.

¹¹ Yesu kaakokiya, "Nyai kato yinu, abile na ngondolo yumo, na aywoo ngondolo atumbuki mulembwa lisoba lya sabato, ywakotoka kunapwa? ¹² Je, kilebe chaako cha thamani, bora kunopwa mundu kuliko ngondolo! Kwa eyo alali bai panga mema lisoba lya sabato." ¹³ Yesu kankokeya ywa mundu, "ngalowa luboko lwako" Ngalugoloya, ngalupona, kati lololwenge. ¹⁴ Lakini Mafarisayo ngabapita panja kabapanga ndela ya kumulaga.

¹⁵ Yesu patangite mpango woo atiboka. Bandu banyansima batikunkengama, nga aponea bote. ¹⁶ Abakiye kana babakiye bandu akanatanganikilwa kwa bananchima, ¹⁷ panga ilimi yolo kweli, yabaite nabii Isaya, kaba ¹⁸ Linga, mtumishi wango ywanichewile, ywanimpendile, kwa ywembe mwoyo wango utikumpenda. Nalowa beka Roho yango kunani yake, na alowa tangaza hukumu kwa mataifa. ²¹ Na mataifa balowa bana ujasili kwa lina lyake.

²² Mundu pilani ngaminya na bubu, ywalobi moka banetike kwa Yesu. Ngamponiye, pamope na mundu bubu pona na kipofu bona; ²³ Bandu boti batisangala no baya, iweza wezekana mundu yoo mwana wa Daudi?"

²⁴ Lakini Mafarisayo pabayowine husu maujiza agoo, batibaya, "Ayo mundu aboya kwa masetani kwa ngupu yake mwene ila kwa Baheburi, mpendo wa masetani.

²⁵ Lakini Yesu agatangite gabaweza na kwabakiya, "Kila utawala wautalanganike wene walowa alabika kwaa, na kila nyumba yayalowa lalanganika bene yayema kwaa. ²⁶ Mana itei nchela alowa kumoya nchela, inda kipenga muakili yake mwene. ²⁷ Kwa kitiwi utawala wake walowa yema? Na mana itei niboya nchelakwa ngupu ya Belizabuli, babafata mwenga babuya nchela kwa ndela ya kele? Kwa ndela ya balowa ba akimu winu. ²⁸ Na mana kanibuya nchela kwa ndela ya Roho wa Nnongo, bai utawala wa Nnongo uichile kachinu. ²⁹ Na aweza buri yingwa nyumba ya mwene ngupu najiba, bila kutaba mwene ngufu wete? Ngaweza yiba ilebe yake buka nkati ya nyumba. ³⁰ Ywoywoti ywakotwike baa nanee enda kunitaukya, na ywa kutoka kumba pamope na nee enda palagana. ³¹ Kwa eyo nibaya kachinu, kila sambi na kufulu bandu alowa kwa samiya, lakini kukufulu Roho Mtakatifu asamiya kwaa. ³² Na ywoywoti ywalowa baya likowe kinyume sa mwana wa Adamu, alowa kusamiwa. Lakini ywolongela kinchogo sa Roho Mtakatifu aywo basamwa kwaa, kwa utawala ngo wala wauicha. ³³ Ao upange mkongo panga unanoga na litundu lyake linanoga, kwasababu nkonga utanganikwa mutunda gake. ³⁴ Mwenga, wa lukolo lwa ng'ambo, mwenga mwabaya muweza longela makowe gananoga? Kwasababu mikano ilongela buka mumwoyo. ³⁵ Mundu nzuri muakiba inanoga ya mwoyo wake gapita gananoga, na mundu mwou mu'akiba ou ya mwoyo wake, ipita kilebe kinayangata. ³⁶ Nenda kuwamakiya panga lisoba lya ukumu bandu balowapiya hesabu ya kila likowe lyange mana lyabalongelage. ³⁷ Kwa kuwa kwa makowe gako walowa balangilwa haki na kwa makowe gako walowa hukumilwa."

³⁸ Mwisho baazi ya aandishi ni Mafarisayo ngaban'yangwa Yesu kababaya, "Mwalimu twapendi kwibona ishara kachako."

³⁹ Lakini Yesu atikwayangwa ni kuakokeya, "kibelekwi kinoite kwaa ni sa umalaya kipala ishara lakini ntopo ishara yailwapila kachako ila yulo ya nabii Yona. ⁴⁰ Kati nabii Yona mwaatami mundumbo lya omba nkolo kwa masoba gatatu kilo na mutwekati, nga nyoo mwana wa Adam alowa tama nkati ya mwoyo wa bwee kwa muda wa masoba gatatu kilo na mutwekati. ⁴¹ Bandu baninawi balowa yema nnonge ya hukumu pamope na ubelekwi wa bandu aba na balowa hukumilwa kwasababu batiloba kwa makaburi ga Yona, linga mundu nkolo kuliko Yona abile pano. ⁴² Malkia wa kusini alowa katuka pa hukumu pamope na bandu ba mmelekwoogu na kwa hukumu. Aisi boka mwiso wa dunia icha pekaniya hekima ya Selemani, na linga, mundu fulani nkolo kuliko Selemani abile pano. ⁴³ Nchela pamoka mundu, apeta pange mmache kapala pompomolya, ila mana akotwike kupabona. ⁴⁴ Mwisho baya mbala buyangana kunyumba yango kwa mboi. Mana aikoli yumo nyumba isafishilwe na ibi tayari. ⁴⁵ Alowa kelebuka na kwaleta benge roho njapu saba bababile abaya sana kuliko ywembe isa tama bote palo. Na hali yake baa mbaya kuliko ya mwanzo. Ngamwalowa panga kwa ubelekwi wono mwou.

⁴⁶ Wakati Yesu kalongela umati linga mabake na akinanunabe bayemi panja, kabampala." ⁴⁷ Mundu yumo atikummakiya, "linga maobako na akinanunango bayemi panja, bapala longela na wenga."

⁴⁸ Lakini Yesu kayangwa nA kuakokeya ywaammakiye mao bango nyai? Ni anuna bango aki'nyai? ⁴⁹ Nga alangwa anapunzi bake nobaya, "Linga, aba nga mao ni anuna bango! ⁵⁰ Mana ywoywoti ywagapanga gabapendi Tate bango ywaabile kumaunde, mundu ywo nga nongo wango mno bwango na mao bango."