¹ U Yesu wayilola mpugu, akhasogola kubhala Mwigamba. Akhikhala pasi, abhalandati bhakwe bhakhinzakukwakwe. ² Akhanda kubhamanyizya kuti, ³ "Bhasayiwe bhebha pina mmoyo uwumwene uwakumwanya wabho. ⁴ Bhasayiwe bhebha syumiliye, umulungu alibhajinjizya. ⁵ Bhasayiwe abha tonsu, bhali pwanila insi. ⁶ Bhasayiwe ibha bhebhali ni nzala ni shumi wa ishanalyoli, bhakha yikuta. ⁷ Bhasayiwe bhe bhali nu wila umulungu alibhalolela uwila. ⁸ Bhasayiwe bhebhali bu mwoyo umzelu bhakhayimlola Umlungu. ⁹ Bhasayiwe bhebha kukundanya bhahayiti bhana bha Mulungu. ¹⁰ Bhasayiwe bhebhakuyimba mzyanalyoli, uwa mwene uwa kumwanya wabho. ¹¹ Bhasayiwe ibha bhe abhandu bhakubha liga na kubhayinvwa iwinza nakubhalonga uwubhibhi uwilenga kukwinyu kunongwa yani. ¹² Seshelaji nakusha, mliposhela kumwanya kwa Mulungu. Inza shinishi vwe bhakabhatesaga abhakuwi bhebha lipo imandi. ¹³ Imwe mweli bheya lya mnsi. Ilelo inga ibhe ya lyasupa, lingabha iwinza? Nalumo litangabhalyinza kukhantu hokhonti iwinza, yoli kukutaga panzi abhandu bhakhanyanyaje ni vinama. ¹⁴ Imwe mwe lukhozyo lwa munsi. Ikhaya yeyizengiwe pamwanya pigamba itakwubha. ¹⁵ Abhantu bhatakukhozya ulukhozyo na kubhikha pasi kwizyungukha, yoli pamwanya pandunjila anga lukhozyaje na kalama bhondi bhebhali munyumba. ¹⁶ Ishi ulukhozyo lwinyu lukhozyaje mwilongolela bhantu bhonti angakuti bhalolaje uluje lwinyu ulwinza anga bhampalage Utata witu uwakumwanya. ¹⁷ Mtasibhaje kuti ininzile kunanganya indajizyo ewe abhakuwi intinzile kunanganya kha yoli kulinganya(kugomba). ¹⁸ Yoli inkubhabhuzya kuti kumwanya na pasi vingashila indajizyo zyonti akha madi ningakheka khatanga tega paka gonti gagombwe galingane. ¹⁹ Kwe kuti wakunanganya akudumula indajizyo inyinsi yeyili mndajizyo izi nakumnyizya abhanji kubhomba shinisho akhayibha mnsi mu wumwene uwakumwanya. Yoli wakuzilema na kumanyizya akhayibha msongo kushi na mwene kumwanya. ²⁰ Inkubhabhuzya inkuti ulitikho lwinyu anga litanga lutola ulwitikho lwa bhasimbi na bhamanya kalata, temkhinjile kushina mwene kumwanya kha. ²¹ Mwivuye kuti zyalongiwe imandi kuti, "utibhaje" 'bhondi bhebha kugoga bali mwidala lya wufwe.' ²² Pope wonti wakumwilamwa uwamwabho ali mwidala ilakulongwa nawakumubhuzya uwa mwabho kuti. Iwe utakhondeye alikuwulonji kwibalaza khabhili wakumbhuzya iwa mwabho akuti, 'Iwe wa mlema!' akhayinjila mmwoto wewutakuzima nalumo. ²³ Anga ukufumwa ifinjile yakho kushigemo ukukumbukha ukholo wakho alininongwa niwe, ²⁴ yileshe ifinjile pilongolelo pashigemo, yoli bhalaga khivwani isuti nu wamwinyu, panga uyinze ufumwe infunjile yakho. ²⁵ Mwivwane nawakukusitaka nalubhilo, we mlipeko nawo mwidala wemkubhala kwikoloti umanye kuti angakulekha mnyobhe zya bhalungu(abalonji), angakusumba mwijela. ²⁶ Yitikhaji inkubhabhuzya, nalumo nansiku atangakusatula paka ufumwe akhakobheli ngakusatula paka ufumwe akhakobheli ikha kumwisho kumpiya zyukudayiwa. ²⁷ Mwivuye kuti, 'Utabhembukhaje.' ²⁸ Yoli inkubhabhuzya kuti wonti waku mwenya umwantanda kwakusungukha abhembushile inawo mmwoyo wakwe. ²⁹ Anga ilyiso lakho ilyakundilo likukupuvwa kuti unanganye uyipe na kutaga ukutali niwe. Kwashi kubha ni lyiso leka tekubha nagondi umbhili wondi wuhapwanje kumwoto. ³⁰ Anga inyobhe yakho iyakundilo yakukupuvwa udumule utaje ukutali niwe kwashi ubhe ni nyobhe yeka kuliko kusumbwa umubhili wonti mmwetu. ³¹ Izwi lilonjile kuti waku mtabhula umshi wakwe ampe italaka.' ³² Ine inkubhabhuzya inkuti unu weakumuleka umshi wakwe yoli kunongwa ya lubhembu akumbikha mbhembu. Umntu wowonti wakumwega webhampiye italaka akubhomba uwumalaya. ³³ Uwinza, mwivwizye kuibhi mandi, kutu mtafingaje izyilenga, yoli kulapa kwinyu mtwale kwa Mwene.' ³⁴ Inkubhabhuzya inkuti mtalapaje napansi, ewe kumwanya, kumonga mwanya ya Mulungu; ³⁵ utakhalape mnsi umu pabhishile itengo ilya kukhanya inyayozya vwakwe pamu ku Yerusalemu, yope khaya ya mwene umpiti. ³⁶ Utakhalape kwitwe lyakho, utanga wezya kugalulanya ulusisi lwakho uluzelu kuti lubhe lwilu. ³⁷ Yoli amazwi ginu gabhe, 'Ena, ena, Ndali, ndali.' Kukuti gegakwonjela gakufuma kwa mnanzi.(umubhibhi) ³⁸ Mwivwizye galongiwe kuti, Kyiso ku lyiso, na ilyino kulyino.' ³⁹ Ine inkubhabhuzya inkuti, Mtadalihanaje nu mntu umbibhi; yoli anga umntu akukhoma kuwudili uwakundilo galuhana akhome nukwa mwabho. ⁴⁰ Khabhili anga umntu akukwanza kukusitaka kuti afwule inshati yakho, mleshele ni koti. ⁴¹ Khabhili inga umuntu akukubilija kujenda imayili yeka jenda nawo imayili zibhili. ⁴² Wonti wakukulabha umpanje, nawakwanza kupabha kukwakho umpanje. ⁴³ Mwivwizye galongiwe kuti, 'Umgane umpalamani wakho, umvitiwe umwufi wakho.' ⁴⁴ Ilelo ine inkubhabhuzya kuti mbhaganaje abhalugu bhinyu habhili mbhaputilaje bhebha kubhavisya, ⁴⁵ angambhe mwabhana bha tata winyu uwa kumwanya, Wakubhalamizya izubha abhinza na abha bhibhi na kubha tonyezya invula abha bhibhi na bhinza. ⁴⁶ Anga mkubhagana bhebhabhaganile imwe, mkupata winza woni? Abhasongola nsokho bhatakubhomba shinisho? ⁴⁷ Habhili anga mkubhalamkha abhakholo bhinyu ibhene pemkupata akhoni kubha shila bhene? Bhuli! Abhapagani bhatakubhomba shinisho? ⁴⁸ Ishi mubhe mwabhagolosu, anzashutata winyu uwakumwanya she mgolosu.