¹ U Yesu akha longolwa ni Mpepu kubhalaa mnsi iyalwuma(inyumu) kulingwa nu syetani. ² Ayimile kulya insiku amshumi gani (40) samsanya na pansiku inzala ikha mluma. ³ Wakumlinga akhati, "Angiwe wa Mwana wa Mulungu, galulanya amawe iga gabhe makati." ⁴ U Yesu akhambhuzya akhati, "Isimbiwe kuti, 'Umntu atakudila kunongwa ya makati imene khaa, yoli mwizwi lyelikufuma mwilomu lya Mulungu."' ⁵ Iwinza ushetani akhamtwala mkhaya infinjile nakumbhikha pamwanya khani pepa zengiwe inyumba iya kuputila (ikanisa), ⁶ na kumbhuzya," kuti anga wa Mwana wa Mulungu, yisumbe pasi, isimbiwe kuti, 'Atilajizye abhakhabhizya bhinze bhakutone,' khabili, 'bhakubhushe mnyobhezyabho, anga utakhakundile ishi nama shakho mwiwe." ⁷ U Yesu akhambhuzya, "Akhati, iwinza isimbiwe kuti utamlingaji Umwene Umulungu wakho."' ⁸ Iwinza ushetani akha mwega nakumtwala apa mwabho uwa mnsi umu nu winza wakwe wonti. ⁹ Akhati indikupe ivindu ivi inga wasugamila na kumputa." ¹⁰ Pe uYesu akhamubhuzya, "Akhati yepipa, Shetani! Isimbiwe, 'Kumputa umwe Umulungu wakho, na kumbhombela wuyo mwene."' ¹¹ Ushetani akhasogola akhamleka, abhakhabhizya bhakhwiza kumbhombela. ¹² Pe uYesu wayivwa kuti uYohani bhamlemile, akhabhala paka ku Galilaya. ¹³ Akhasogola ku Nazareti akhabhala kwikala ku Kapelenaumu, yeyili mmbali musumbi iya Galilaya mmpakho iya mikoa iya Zabuloni na Naftali. ¹⁴ Zikha inzashishila vwe zikha longwa nu mkuwi uIsaya, ¹⁵ "Mkhaya iya Zabuloni ni ikhaya iya Naftali, kubhalila kusumbi kwisyila lya ku Yolodani, ku Galilaya iya bhapagani!(bhete bhayahudi)! ¹⁶ Abhandu bhebhakwikala mkhisi bhalola ulukhozyo ulupiti nabhebhu khaye mkhanzundila ikhawufwe kufufuma kumwanya ulukhozyo lwabhakhozya." ¹⁷ Kufuma akhabhalilo ikho uYesu akhanda kulumbilila nakuti, "Pindukhaji uwu mwene wa mulungu wupalamiye." ¹⁸ Wakujenda mmbali Msumbi iya Galilaya, akhabhalola abhana mntu bhabhili, uSimoni wahitwagwa wu Peteli, nu Andrea umkulu wakwe, bhakhategaga inkusa msumbi, kunongwa bhali bhasikula inswi. ¹⁹ U Yesu akhati, "Nzaji mfwataje temwande kusiku la abhantu." ²⁰ Lyeka bhulo bhahalilekha ituli nuyise wabho bhakha mlandata. ²¹ U Yesu wakujenda kufuma ipo akhabhalola abha mwabho bhabhili abhanamuntu, uYakobo umwana wa Zebedayo, nu Yohani usongo wakwe. Bhali mshituli peka myise wabho uZebedayo kutabha inkusa zyobho. Akabhabhilishila, ²² lyeka bhulo bhakhalekha umtuli wabho nu yise wabho ibhene bhakha mlandata uYesu. ²³ U Yesu akhabhala mGalilaya mwondi, kumanyizya Mmakanisa gabho, akulumbilila indumbilili izya wu mwene na kuponia uwutolwe nu wubhinu mbhantu. ²⁴ Intumi zyakwe zikhavwikha mSiliya mwonti, abhandu bhakhabhaleta abhabhinu bhebakha bhinaga, uwubhiu shakha na mavune. ²⁵ Impuga ipiti abhantu bhekumlandata kufuma ku Galilaya, naku Dekapoli, na ku Yerusalemu na kuwu Yahudi na kufuma kwi Syila lya ku Yordani.