¹ Amakalata iga shiholo sha Yesu Kristi umwana wa Daudi, umwana wa Abrahamu. ² Abrahamu apapile uIsaka, uIsaka umwana wakwe eu Yakobo, uYakobo umwana wake uYuda na bhamwabho. ³ U Yuda ali yise wa Pelesi nu Sera kwa Tamari, uPalesi ahapapa uHezroni, uHezroni akha papa Ramu. ⁴ U Ramu ahaupapa Aminadabu, Aminadabu yise wa Nashoni, we ahampapa uSalimoni. ⁵ U Salimoni ahampapa uBoazi kwa Rahabu, uBoazi uyise wa Obedi kwa Ruti, Obeti ahampapa uYese, ⁶ uYese ali yise wa mwene uDaudi uyise wa Selemani kwa mshi wakwe u Uria. ⁷ U Selemani ahampapa uRehoboamu, uRehoboamu uyise wa Abiya, Abiya ahampapa uAsa. ⁸ U Asa akhampapa uYehoshafati ahapapa uYoramu, nu Yoramu ahapapa u Uzia. ⁹ U Uzia ahampapa uYotamu, uYotamu yise wa Ahazi uyise wa Hezekia. ¹⁰ Hezekia ali yise wa Manasi, uManasi yise wa Amoni uAmoni yise wa Yosiaya. ¹¹ U Yosia ali yise wa Yekonia nabhakulu bhakwe webhapimbwa kubhala ku Babeli. ¹² Nawebhaha pimbwa kubhala ku Babeli, uYekonia akhampapa uShatieli, ali wumama wa Zeruababeli. ¹³ U Zerubabeli ahampapa uAbiudi, u Abiudi uyise wa Eliakimu, nu Eliakimu uyise wa Azori. ¹⁴ Azori ali yise wa Zadoki, Zadoki uyise wa Akimu uyise wa Eliudi. ¹⁵ U Eliudi ali yise wa Elieza, uElieza uyise wa Matani uyise wa Yakobo. ¹⁶ U Yakobo ahampapa uYosefu umulume wa Mariamu, we ahampapa uYesu we wu Kristi. ¹⁷ Impapo zyondi kufuma kwa Abrahamu paka kwa Daudi vihabha vipafu(impapo) ishumi na vini, kufuma uDaudi kubhala ku Babeli vipafi ishumi na vini, kufuma uDaudi kubhala ku Babeli vipafu ishini na vini. ¹⁸ Kupapwa kwa Yesu Kristi kwali ishi. Unyina wakwe, uMariamu, akhazinjilwa nu Yosefu, ilelo webhata homanile, bhashili kwegana ahabhe pawumwamu kumaha ga Mpepu Umfinjile. ¹⁹ Umulume wakwe uYosefu, ali mntu uwana lyoli atakanza kumsupizya pawazulukha. Akhhosibha kuti amleshe kukwilu. ²⁰ Wakusibha zinizyo kuganago uhabhizya wa mwene aha mloleshela kundoto, ahati," Yosefu mwana wakwe uDaudi, utahogope kumwega uMariamu kubhamshi wakho, uwumwamu wali nawo kukumahaga Mpepo Umfinjile. ²¹ Khabhili atipape umwa umsahala utumwite itawa lyakwe kuti wu Yesu, kuti wekubhapoha abhantu bhondi ni mbibhi zyabho." ²² Gonti iga gahafumilana kulolesya gegalongiwe mu mwene kwidala lya bhakuwi kuti, ²³ "Yenya, umulindu atibhe pa wumwamu na kupapa umana umsahala." ²⁴ UYosefu ahadamha kufuma mtulo ahabhomba anzavwe uhabhizya wa mwene amubhuzizye pe ahamwega kubha mushi. ²⁵ Popeshinisho atahogona inawo kha paka peahapapa umwana umsakhala ahamwita itawa lyakwe wu Yesu.