¹ U Yesu akhapapa Mbetelehemu mhaya iya Bhayahudi muhabhalilo kha mwene uHelode, abhantu abhamanyi kufuma kuwutukulo ukutali bhahafiha mu Yerusalemu kuti, ² "Alikwi wapapiwe Umwene wa Bhayahudi? Twawenyi inzota yakwe kuwatukulo twinzile kumputa." ³ Pahabhalilo ikho Umwene uhelodi wayivwa ahasungama, peke ni haya yonti iya Yerusalemu. ⁴ U Herodi ahabhabhunganya abhasongo na bhaputi bhonti na bhasimbaji bhebha kusimba abhantu, ahabhuzilizya, "U Yesu atipapwe kwoshi?" ⁵ Bhahamubhuzya, "Bhahati ku Betelehemu iya Uyahudi, inzavwegasimbiwe nu mkuwi, ⁶ Iwe Betelehemu, mnsi iya Yuda, tewa mnsi paka na bhapiti uwakudima abhantu bhani abha Israeli." ⁷ U Helodi ahabhabhilishila abhabhazye kukwilu na kubhabhuzilizya kutililino ikhani pinzota yaloleshile. ⁸ Akhabhasondelezya ku Betelehemu, ahati, "Mbhalaje ni njele na kwenya mmwanze umwana wa apapiwe kuti aliposhi. Anga mwamulola mwinez mmbuzye anga nani imbale kumputa." ⁹ Webha mwivwa alonga umwene, bhahajendelela nu wulendo wabho, ni nzota yilaye bhayiwenyikuwatukulo yalongoleye paka pa mwana paapapiwe yilumilila pamwanya pali. ¹⁰ Webhayilola inzota, bhahaseshela bhahasha inhani. ¹¹ Bhakhinjila mnyumba nakumwanya umwana wa apapiwe nu Maliamu unyina wakwe. Bhaha msugamilila na kumputa, bhahagubula ivwola(imbuguru) bhahega ivwinza impayo zyabho ivwakupahala vwe vikununshila akhinza ivwinza vwonti ivwa bhana abhela. ¹² Umulungu ahabhasona kunjozi kuti bhatahagulushe kwa Helodi, kumpanjila, atahinze amgoje yoli bhagalushe kukhaya zyabho kushilila idala ilinji. ¹³ Pewebha sogola, ukhabhizya wa Mwene ahamuloleshela uYosefu kundoto kuti, "Bhuka mweje umwana nu nyina wakwe mshimbilile ku Misri. Mwihale kunukwo paka pikhayibhabhuzya, kunongwa uHerodi akumwanza umwana kuti amgoje. ¹⁴ Pawusiku wunuwo uYosefu ahadamuka naku mwege umwana peke nu nyina nakushimbilila ku Misri. ¹⁵ Akhadilaga kukwo paka uHerodi ahinza akhafwa. Iga gegakhafishila gu Umwene alonjile kubha kuwi, "Kufuma ku Misri imbhilishiye umwana wani." ¹⁶ Pe uHerodi, walola kuti abhabhazye bhamzalabhula peka na bhantu bhondi ahilamwa nifwa(ikhani). Akalajizya kuti bhabhagoje abhana bhondi abhasakhala bhebhali mu Betelehemu mwondi peka na mkhaya zyondi zyezyapalamine abhamakha gabhili na kwikha kufumilana na ahabhalilo hebhalonjeye nakusimishizya abhabhazye.(abhasimbi) ¹⁷ Pelika kwilaga izwi lyelyalongiwe kwilomu lya umkuwi u Yeremia, ¹⁸ "Izwilikha vwikha Ramah, kulila na kuzonda ukupiti, uRaheli akulili abhana bhakwe, bhahampumiliza ahakhana kupuma, kunongwa abhana bhakwe na bhamu habhili." ¹⁹ U Helodi wafwa, yenya uhabhizya wa Mwene ahamloleshela uYosefu ku ndoto wali ku Misri kuti, ²⁰ "Bhukha mweje umwana peka munyina wakwe, mbhalaje mnsi iya mu Israeli ikuti bhafuye bhebhanzaga uwupuma wa mwana bhafuye." ²¹ U Yosefu ahadamukha, akhamwege umwana peka nu nyina wakwe, bhahagalukha mnsi iya Israeli. ²² Wayivwa kuti Arikelau akutabhala inYuda mwuyise wakwe atabhalaye uHelodi, ahogopa kubhala kula. Wu Umulungu amsokha mndoto, akhasogola kubhala ikhaya iya Mgalilaya ²³ akabhala kwikala mkhaya iya mu Nazareti ili lyelikhakwanisya iga gegalongiwe na bhakuwi kuti akhayibha wu Mnazareti.