¹ Bege, Yesus naha newe ta ata buta mono anaha kodoNa, ² “Tangada ahli Taurat mono ata Farisi ngodo ta kursi Musa. ³ Oro batau dage inna, tangadi hada, katujjana butana hatakda yidda tabarami, rayidila mono hamataradi. Ta nyiduwe, ilam rayi kadadi harayida oro yidda hatakda, tabolo wale da rayik madi. ⁴ Yidda da katidi ngidi kabikta mono da tauyi ta bale ata wadeka. Ta nyiduwe, yidda dau wale da auma hadikkidi waidi karaki limma dauda yidda. ⁵ Yidda da rayidi tangadi harayida yidda dajalage kada etayi ata. Yidda naha hamalaudi kalarri mono hama dakkadi rewa huppu kalabe madaka yidda. ⁶ Yidda da baige hadau ka ha ngora lari tahha kulla, hadu ngodo ta aro lari ta sinagoge-sinagoge, ⁷ maring pahina lari taha dau jabara, mono paha ngarada Rabi ata.

⁸ Ta nyiduwe, mi illa hangara kagagimi rabi oro dukka wuheyi Gurumi, mono mi tangami kaha angu wu nagimi. ⁹ Ilam takki kawe langka iya hingkayi ba amamuni ta panu tana oro wu heyi Amamu, nadda Nyi ta surga. ¹⁰ Ilam dangage mi bamu hangarani pa amaoro wuheyi Pa amami, nadai Kristus. ¹¹ Tabolo, kahada madakka ta jongami mi, nyi nadadi ata kaha inya ka dahomi. ¹² Iyayi kaha madehta wikina enga habawa dahoyi mono iyayi kahha li bawa wikkina nyi ena hamadehtani.

¹³ Lilokowela mi, ahli-ahli Taurat mono ata Farisi, ata dahha dete! Miyo toni mige binna Kalingora Surga ta aro ata oro mi dau aim tama moge monlo wale pahai madi yidda katamrana tama bada tamage. ¹⁴ Lilokowela mi, ta ahli-ahli Taurat mono ta Farisi, ata dahha dete! Mi um lamra dage ummada lawai balu mono mera katau takka nage mi bamu rayige sembayang kamalau. Oroge inna, mi enga hibba mige rakkage karehi bikta.

¹⁵ Lilokowela mi, ta Ah; i-ahli Taurat mono ata Farisi, ata dahha dete! Mi um liptawe bannu mono tana yara bamu ngidiyi wu ata tama lari ta hatenamu. Mono, yapu gau dalini ba wuyi ana neraka, haduyo malaptage wali ta bara wikki daumi.

¹⁶ Li llokowela mi, ta paama kamoro, kalinada, ‘Iyayi ka haura tutu Ummanai Allah, hada inna lakma hige, Ta nyiduwe, iyayi kahaura tutu amah rara Umma Allah, nyi na katti dauni haurana inna.’ ¹⁷ Mi, ka banga mono kamoro! Gige karehi madaka, amaha rara waleka Ummanai Allah ka hatengudi amaha rara nada? ¹⁸ Mono, ‘Iyayi kahaura tuba natara, haura inna wale lakma hige, Ta nyiduwe, iyayi ka haura tutu maraka ta panu natara inna, nyi na makatti ta haura dauna.’ ¹⁹ Ta mi ata moro! Gige ka reho madakka, maraka waleka natara kaha tenguyi maraka rada? ²⁰ Oroge inna, iyayi ka haura tutu natara, haura tutu natara mono tangadi kadana ta panuna. ²¹ Mono, iyayi ka haura tutu umanai Allah, haura tutu umanai Allah mono oro Nyi kadana neda lari. ²² Mono, iyayi ka haura tutu surga, haura tutu hadaunai Allah, mono tutu Nyi ka ngodo ta panuna.

²³ Li lokowela mi, ta ahli-ahli Taurat mono ata Farisi, ata dahha dete! Mi um yiyo manutami weali ta ro madawa, adas magallo, mono jintan, tabolo um tau taipayi hada ka bikta wali li Ukku Pareha Taurat, ha linawe katijana, marada ate, mono hatena. Hada katauda danala ha rayi dahomi ohho ila tau taipayi haa wadeka. ²⁴ Mi pa ama kamoro, kanedena karagta mono kaballona unta!

²⁵ Li lokowela mi, ta ahli-ahli Taurat mono ata Farisi, ata dahha dete! Oro, mi um hamurahage bali hadduge koma weha enu mono tabomu, tabolo tabara larige banuge karebo mono dadara. ²⁶ Mi, ata Farisi kamoro! Ha muraha toge tabara lari koba weha enumu mono tabbomu, nyiwe ta bali haduge dadiwe na murrahawe.

²⁷ Li lokowela mi, ahli-ahli Taurat mono ata Farisi, ata dahha dete! Oro, mi mera nagimi rate ha hatauda ka kaka, ta bali hadduge ba etawe dahha dahingge, tabolo tabara lari banuge riyo ata kamate mono tangadi oto rayi. ²⁸ Tauda dummo nage miyo, ta bali haddu etami um tenami ta ole atami. Ta nyiduwe, tabara lari mi bannu gimi dahha dete mono japata.

²⁹ Li lokowe la mi ahli-ahli Taurat mono ata Farisi, ata dahha dete! Oro, mi um hadedemi rateda nabi mono um ha dahhayi rateda ata tenguna, ³⁰ mono limige, ‘Nyi mi bamu morhami ta mahiggo weda waikama nami, nami enga walema ngalak mahiggo ole di yidda lari ta rada nabi.’ ³¹ Waige katauda dana, mi hadelage ta tau wiki daumu inna mi ba ana dagimi yidda kaha mateyi tangada nabi. ³² Nyiwe, bannu nage ukkrada weda waikamu. ³³ Mi, kabokomi, ana huhun kaboko matipu, aga limimi bamu palohotawe taumu wali ta hoku neraka? ³⁴ Oro bataudage, um etawe, Nauwa ug halewayi nabi-nabi, ata maniwola paha ngada, mono ahli-ahli Taurat tabarami. Kapirana wali ta yidda enga hamate midi mono kadailodi, kapirana enga palu midi ta sina goge-sinagogemi, mono mi um hamayillayi taharona-taharona, ³⁵ dajalage tangada rada ata katena kama joku ta tana enga amige tabarami, wali ta ranai Habel, ata katena nada, kahha ta ranai Zakaria, anai Berekhya, paha matemi ta jonga Ummai Allah mono ta natarage. ³⁶ Tau takka nage nauwa luguge tabarami inna tangadi hada rada enga ammige ta dalara ata rade.”

Hokuge Tuba Yerusalem

³⁷ ‘Oh Yerusalem, kaha mateyi tangada nabi mono ka tukkuyi watu yidda pahha lewa tabarana. Ug kalige Nauwa kabu atege kahhayi anamu tangada, katujawe bai manu ka kahhayi anana ta kabu kapana, tabolo mi wa; lem aumami. ³⁸ Etawege, ummamu tanage tubamu mono nadadi kahokawe. ³⁹ Oro, Nauwag takkiguge tabaramu inna wali batauge, mi walem hilu etak mawa Nauwa kahha ba limige miyo, ‘Ka nyuru kana Nyi kamai tangaranai Mori.’”