Kawukku 2

Ata Majus Da Kawajoni Yesus

1 Batauge, kolei Yesus bana dadi ta Betlehem, ta Yudea, ta kabu kaha rehai Herodes, dadige, ata Majus wali ta lado koka mai ta Yerusalem. 2 Yidda da kanukawe, “Ngikanduni Nyi, dau ha dadini, Raja ata Yahudi nada? Oro, nami ma eta beyi maduNa ta lado kokamono nami mai mage kawojoni.” 3 Kole Raja Herodes rangewe inna, marabehawe atena nyi mono tangage Yerusalem tauda jalage. 4 Nyidawe, nyi nakahhayi tangada bai rato mono ahli-ahli Taurat kabihu ata rada. Nyi na kanukayi tabarada yidda, hadau dadi nai Kristus. 5 Yidda lidage tabarana, “Ta Betlehem, kalaigora Yudea, oro taudage hatolhada Nabi:

6 ‘Mono, yau Betlehem, ta tana Yehuda, yau wale kahada marahakmau ta jonga tangada ka dauge hareha ta Yehda, oro wali tabaramu na hudda wu ka kodo ngimi, ka pa hagadi ana huhuGu, Israel.”’
Mikha 5:2

7 Bege, Herodes na kamaika mehadi ata Majus rada, nakaraiwe wali tabarada ba pira takkawe bana hudda maduyo nada. 8 Lohho, nyi na halwawi yidda ta Betlehem mono linage, “Kakomi mono mayega hadahani tutuna lakawa nada. Mono, mi bamu taboka beduyi Nyi, hadiki gage liyo tabaragu dajalage nauwa kana dadiwe bagu kawojoNi.”

9 Kole bada rangewe wali ta raja, yidda kako dage. Mono, da etayige, maduyo ha etada ta lado koka nada kakododi yidda kahha bada dikki mono na ngahu tahha hadauna lakawa nada dau dani. 10 Kole bada etayi maduyo nada, yidda da lagahara waige lagahara ai ka anana.

11 Kole bada tama neda lari ta umma, yidda da dikini Lawaka nada oleni inya, Maria. Lohho, yidda da kabukku mono kawojo tabaraNa. Bege, yidda da bugeradi hadau ngawuda mono da yiyi marakada lohho dummu paha ganada tubana Nyi, ba amaha rarai, kemenyan, mono mur. 12 Oro bada haapedi ta naganippi iina yidda ilda hagga tai Herodes, yidda hagga taha dauda lida ta lara heka.
Harena Kada Malai Ta Mesir

13 Kole ata Majus rada bada kako, eteige, malaikatnai Mori na dedo tabarai Yusuf lede naganippi mono linage, “Kadewuge, ngidiyi Lakawa nada lohho inyaNa mono malaimi ta Mesir. Engana neda balila kahha Nauwa bagu takgimige tabarami oroi Herodes nakabu atege mayegani Lakwa nada kagu hamateYi linage.”

14 Bege, Yusuf kade nage mono na ngidiyi Lakawa nada lohho inyaNa bana gadige kako taha dau kama marau ta Mesir, 15 mono engana neda bali kahhai Herodes mate dajalge kana banuge linai Mori lededi Nabi:
“Wali ta Mesir Ug kamaikani AnaGu.”
Hosea 11:1
Hamteyi Tangada Lakawa Maraha Kabani Ta Betlehem

16 Bege, kolei Herodes bana tadawe nyi bada hawiniyi ata Majus, nyi na bani mono naha rehawe hamateyi tangada lakawa kabani kamarraha ta Betlehem mono tangage kalingorage, wali ka ai kaduda dau hona kahha kaduda dauna, dokuge mahiggo nyi paha yana bena wali ta ata Majus. 17 Nyiwe, bannuge tangage paha dikkina Nabi Yermia:
18 “Wu liyo rangewe ta Rama, hoyo mono kalallu kahada maropo ate. Rahel da hodi anana, mono walena aukma ba agu ateyi oro yidda ai hilu dadi.”
Yermia 31:15
Pareha Kada Hagga Ta Israel

19 Ta nyiduwe kolei Hderodes mate, etaige Malaikatnai Mori hadedala wikkina lari ta naga nippi tai Yusuf ta Mesir, 20 mono linage, “Kadewuge, lakawa nada oleni inyaNa ata tana Israel oro ata ka kabu atege hamateyi lakawa nada na matebe.”

21 Lohho, nyi na kadde mono na ngidiyi Lakawa nada lohho inyaNa hagga ta tana Israel. 22 Ta nyiduwe, kole nyi bana rangewe nadai Arkhelaus bana hareha ta Yudea jeluyi Herodes, amana, Yusuf na madauta hagga neda bali. Kole ba apeni lari ta naga Nippi, nyi nakako ta kalingora Galilea. 23 Yusuf na dikki mono na engana ta wuha harona ka nagrana Nazaret dajalage kana banuge paha dikida Nabi, “Nyi enga lidani ‘Ata Nazaret.”