Kawukku 1

Kako Dadinai Yesus Kristus

1 Jurata kako dadinai Yesus Kristus, anai Daud, anai Abraham.

2 Abraham yikna amanai Ishak, Ishak yikna amanai Yakub. Yakub yikna amanai Yehuda mono ole baina.
3 Yehuda yikna amanai Peres monoi Zerah, inyada yidda yiknai Tamar. Peres yikna amanai Hezron. Hezron yikna amanai Ram.
4 Ram yikna amanai Aminadab. Aminadab yikna amanai Nahason. Nahason yikna amanai Salmon.
5 Salmon yikna amanai Boas, inyana yikna Rahab. Boas yikna amanai Obed, inyana yiknai Rut. Obed yikna amanai Isai.
6 Isai yikna amanai Raja Daud. Daud yikna amanai Salomo, inyana yikna pa ole umma honai Uria.
7 Salomo yikna manai Rehabeam. Reha beam yikna amanai Abia. Abia yikna amanai Asa.
8 Asa yikna amanai Yosafat. Yosafat yikna amanai Yoram. Yoram yikna amanai Uzia.
9 Uzia yikna amanai Yotam. Yotam yikna amanai Ahas. Ahas yikna amanai Hizkia.
10 Hizkia yikna amanai Manasye. Manasye yikna amanai Amon. Amon yikna amanai Yosia.
11 Yosia yikna amanai Yekhonya mono angu wuna, kole ba baitadi ta Babel.
12 Kole ba baitadi ta Babel, Yekhonya yikna amanai Sealtiel. Sealtiel yikna amanai Zerubabel.
13 Zerubabel yikna amanai Abihud. Abihud yikna amanai Elyakim. Elyakim yikna amanai Azor.
14 Azor yikna amanai Zadok. Zadok yikna amanai Akhim. Akhim yikna amanai Eliud.
15 Eliud yikna amanai Eleazer. Eleazer yikna amanai Matan. Matan yikna amanai Yakub.
16 Yakub yikna amanai Yusuf, laina Maria. Wali tai Maria ha dadini Yesus, paha ngaradai Kristus.

17 Nyidawe, tangada dalarada wali Abraham kahha tai Daud da kabulu pata dadde, mono wali tai Daud kahha ba baitadi ta Babel da kabulu pata daddei, mono ba baitadi ta Babel kahhai tai Kristus da kabulu pata dadde jalayi.
Dadinai Yesus Kristus

18 Batauge, hada dadinai Kristus Yesus tauda dage hadage. Kole Maria, InyaNa bana kaduni Yusuf, yidda aida haole hona, nyi bada hatina wali ta Ngahu Katenguna. 19 Tabolo, oroi Yusuf, laina, ba ata katenaiyi mono nyi Walena aukma bana ha makkeyi Maria ta ata buta, Yusuf na kabu atege pahewa kadana dangani.

20 Ta nyiduwe, kolei Yusuf batamrage bana hangadage hada inna, etaige, malaikatnai Mori naha dedo wikna tabarana lede naga nippi mono linage, “Yusuf anai Daud, ilam madautawu bamu ngalayi Maria ole umani oro anana nada ta tina paha tiwai Ngahu Katenguna. 21 Nyi enga hadadi nani wu lakawa kabani mono yau um ha ngara dahoni Nyi Yesus oro Nyi kapa hoila mane marai ana HuhuNa wali ta jalada yidda.”

22 Tangage hada inna na dadi howela kana banuge pa taknai Mori lededi NabiNa, 23 “Etawege, Wu lakawa bau winne enga hatina monno naha anani wu lakawa kabani. Yidda enga takki nage ngaraNa Imanuel,” ka ngihi dana: “Allah na oleda yitta.” 24 Kolei Yusuf bana kadde wali ta durana, nyi na rayige dokuge paharehana Malaikat nai Mori tabarana, mono nyi na ngalayi ole ummanai, Maria, 25 tabolo walena dura dangak mani Maria kahha nyi bana ha anani lakawa kabani. Monoi, Yusuf nahha ngarani Nyi Yesus.