¹ Ta mahiggo neda, anaha kodoNa amidi tabarai Yesus mono kanukawe, “Iyayai kahada madaka lari Ka; ingora Surga?”

² Nyiwe, Yesus na kamaikani wu lakawa marraha tabaraNa, mono na hangodoyi ta jongada yidda, ³ mono linage, “Nauwa luguge katau takkana tabarami, duka dahege bami jarrami mono bamu tuja duyi lakawa marraha, mi enga walem tamak mami lari ta kalingora Surga. ⁴ Iyayi kaha li bawa wikkina tujayi lakawa nade yikna kahada madaka lari ta Kalingora Surga.

⁵ Mono, iyayi kahibbayia lakawa marraha katujana nade wu lari ta ngaraGu, nyi na hibawa Nauwa.”

Ha Ape Tutu Puge Ha Jala Danga

⁶ “Ta nyiduwe, iyayi kaha jalorayi wali wu nade lakawa marraha kahha tena tabraGu, atna ha dahha dahoge tubana nyi bana katini watu ta kokona mono ba tubani tabannu kaha hadda kiddi. ⁷ Li lokowela panu tana oro kaha jalora dadi neda laria! Oro, kahha jalora na dadi mema dahoyi, tabolo liloko wela ata kahha dukkege.

⁸ Nyi limamamu waleka ledumu na rayigu hajala dangamu, katuplai mono baitani. Atna hadahha dahoge yau bamu tamamu lari ta morha gayu kalimmana waleka bamu kabeko dahewu nyi tma ka duda gayu limmana mono leduna, tabolo baita daligu lari ta latti aika badda. ⁹ Nyi matamu ba nyika kaha jalawu, kilo kayi mono baitani. Atna ha dahha dahoge yau tama neda lari ta morha waini wu matamu, wali ba dudalli matamu tabolo bataggu lari ta naraka.”

¹⁰ “Hamtara gela, ilam tau tai payia wuyo wali ta lakawa marraha rade. Oro, Nauwa ba luguge tabramu oro malaikat-malaikat yidda ta surga da torro hangata ge mataNa AmaGu ta surga. ¹¹ [Oro, Anana Kaddi Ata ammi beni pahoilayi ata kabunga.]

Hatujja Tutu Bebbe Kajalora

¹² Aga linawe yau? Nyi wu ata kamangu bebbena ngahu, tabolo wu wali ta bebbena jalora, nyi walena tanadudi ka bani dihha bulu kabani dihhana ta panu letena mono bana mayegano nada wuyo bebena kajalora? ¹³ Mono, nyi bana nyammu kayi, tau takka nage Nauwa luguge tabramu, nyi na rehi dahhawe atena wali nada wu bebbena ba da hagani wale kabani kabulu bani dihhana aika jalora. ¹⁴ Tauda dummo nage hakabu atena Amamu ka ta Surgana nyi wuyo wali ta lakawa marraha rade li loko.”

Hanuadi Ata Kajala

¹⁵ “Nyi ole baimu jalaka, kakowu mono takki nage jalana, dukka yau mono nyi hikki. Nyi bana rangewu. Yau kole hagga mudi ole baimu. ¹⁶ Ta nyiduwe, nyi aina rangewu, kamaika walini wu waleka duda ata walli kana olegu daja lage waige bana wali ta duda waleka tauda ata ka tada danga guge, tangadi hatakki pahha inyaka.

¹⁷ Nyi bana tulara gu bada rangeyi yidda, takki nage inna ta kangote. Mono, nyi bana tullarage bana rangewe kangote, nyammani nyi katujayi ata wadeka mono ka kahha wali katakku.

¹⁸ Mauwa liguge tabramu katau takkana inna agawe ha kattimu ta panu tana enga makatti ge ta surga. Mono, agawe paladdamu ta panu tana ta surga na malada jalawe.” ¹⁹ Hadakka pi guge, Nauwa luguge tabaramu inna ka dudana ata mi bamu makatti kami ta pan tana tutu ba gawe haraida yidda, inna enga dadige tubada yidda wali ta AmaGu ta surga. ²⁰ Oro, taha dau duda waleka tauda ata kama ubla tutu ngaraGu, Nauwa daga ta jongada yidda.

Hatujja Tutu Hawalina

²¹ Bege, Petrus ammini tabarai Yesus mono naka nukawe, “Mori, hapira wuda dahona nauwa bagu ha walini ole baigu tabaragu? Kahha pitu wuddana?”

²² Yesus linage tabarana, “Nauwa walegu takkik mawae tabaramu kahha pitu wuddana tabolo kahha pitu kabulu wuda hapittu wudda na.

²³ Oroge innala Kalingora pareha Surga natujjawe wu raja karayige utta ata paha lewana. ²⁴ Kole nyi bada kapuge yapudi wuttana, ata karayi wutta, ata kawuttani kabulu rata talentayi ngidiyi tabarana. ²⁵ Oroge inna walena mukkak madi bayaradi, morina nada naha rehawe nyi kapiku malajani, lohho ole ummana mono anana, lohho tangadi kadana tabarana, mono waige katauda dana kana beyi wutana.

²⁶ Nyiwe, ata paha lewana nada naka wojta morina, linage, ‘Hadiki hodi toge tabaragu mono nauwa enga bayara gudi tangadi tabaramu.’ ²⁷ Bege, mori wali ta ata paha lewa nada maropowe atena, mono na palohtadi, mono naha walini wali ta wuttana rada.

²⁸ Ta nyiduwe, kole ata paha lewa nada huna mono tabo kayi ole ata paha lewana wadeka kadayo wuttana ngahu dinar tabarana, nyi na yapayi lohho pahela nani bukkuna, mono lenage, ‘Bayara haggadi amaha harai wali tabaragu!’

²⁹ Nyiwe ata paha lewa nada karai wutta kawojo mono na rainoge tabrana, linage, ‘Pahai hodi toge tabragu mono nauwa enga bayara gudi tangadi tabaramu.’

³⁰ Ta nyiduwe, nyi wale na aukma mono hatamani ta gallu kahha nyi bana beyi wuttana tangadi.

³¹ Kole ata paha lewa wadeka etawe kadadi inna, yidda na marpoyi ateda lohho amini mai takkiwe ta morina tutu tangage ka dadi. ³² Bege, morna kamai kani ata paha lewana kawungana nada mono linage tabarana, ‘Yau ata paha lewa kajapata. Nauwa ug hopi gudi tangadi wuttamu oro bamu marainowu tabaragu. ³³ Doku dage yau um kole bege marada ate tabra ole ata paha lewamu, katauna duggu bagu ha tingo bege marada ategu tabaramu?’ ³⁴ Mono, morna, bani tetakka, na yiyi ta ata kahha mayillayi kahha nyi dadiwe bayara hagadi tangadi pa karai tudu bena tabrana.

³⁵ AmaGu ta surga dummo na rayige hada kaha tujja ta baramu, nyi yau aim ha wali kani ole baimu wali kaliki atemu.”