¹ Munyaanga echio yeecha Yokhana omubatisia, nayala musichiimi sie Buyaudi, ² " Naboolanga ari, mwekanire eng'we; okhuba obwami bwo mwikuli buli ambi. ³ Okhuba uno niye owalomalomwakho nende omunabii Isaaya, naboola ari idoboosi ya oyo olangirisianga musichiimi, mureresie ingira yo Mwami, mukololosie chingira chiaye.

⁴ Ne Yokhana mwene oyo yali nende ingubo yo bwoya bwe Ingamia, nende olukhoba lwe isiinga musibuno siaye; ne ebiakhulia biaye biali chisike nende obuukhi bwo musichiimi. ⁵ Lunyuma Yerusalemu, nende Buyaudi nende chimbeka chioosi echiabodokhana Yorodani nibarula. ⁶ Nibabatisibwa ninaye muyorodani, nibekanira echimbi chiabwe.

⁷ Arali olwa yalola obuungi bwa Abafarisaayo nende Abasadukayo nibeecha mbwe ababatisie, yababoolera ari eng'we olwibulo lwe chinjukha, obalabuule okhwirukha lirima eliicha niwina? ⁸ Bulano mwame ebiamo bilondana nende okwekanira. ⁹ Ne murapaara nimwebolera mbwe, khuli nende Iburaimu sefwe; okhuba mbabolera mbwe Nasaye anyala okingula abaana ba Iburaimu okhurula mumakina kano. ¹⁰ Ne bulano iyaywa irerwe khubisina bie misaala; khu kario buli musaala okuraama ebiamo bilayi kunaremwa ni kusukunwa mumuliro.

¹¹ Obwadieri esie mbabatisia nende amaachi mbwe mwekalukhanie. Ne owiicha inyuma wange ni wamaani okhuukhira owandarakhakinga ebilaro biaye: achia okhubabatisia nende Rokho mutakatifu nende omuliro. ¹² Owo luderu lwaye luli mumukhono kwaye, ne achia okhulabia olwanyi lwaye, mani abusie ingaano yaye musiaki, ne achia osaamba omukhuchi nende muliro okurasimisibwa.

¹³ Yeso yamala niyeecha khurula Galilaya khu Yokhana mu Yorodani okhubatisibwa ninaye. ¹⁴ Arali Yokhana namukania naboola ari, nisie okhoyera obatisibwa ninawe, khusiina ewe wiiche khwesie? ¹⁵ Ne Yeso namukalusia namubolera ari, fukirira kabe kario bulano, khulwo khuba kekholekha okhusirisia akobukololofu koosi, naye namufukirira.

¹⁶ Naye Yeso olwayabatisibwa, nabuukha narula mumaachi: ne lola, elikulu nilimwikukhira naye nalola Rokho wa Nasaye niyeekha nga eliuusi, namwemakho: ¹⁷ Ne idoboosi khurula mwikulu, niboola iri, uno niye Omwana wange, mukheerwa owa wasagasibwa ninaye.