¹ Esitabo esio lwibulo lwa Yeso Kirisito Omwana wa Daudi, omwana wa Ibraimu. ² Ibraimu yebula Isaaka; Isaaka yebula Yakobo; Yakobo yebula Yuda nende abaana babwe. ³ Yuda niyebula Faresi nende Zera mu Tamari; Faresi niyebula Esiromi; Esiromi niyebula Aramu; ⁴ Aramu niyebula Aminadabu; Aminadabu niyebula Nasoni; Nasoni niyebula Salumoni; ⁵ Salumoni niyebula Boasi mu Rakhabu; Boasi niyebula Obedi mu Ruthi; Obedi niyebula Yese; ⁶ Yese niyebula Daudi omuruki; Daudi omuruki niyebula Solomoni mu ula owali omukhasi wa Uria; ⁷ Solomoni niyebula Roboamu; Roboamu niyebula Abiya; Abiya niyebula Asa; ⁸ Asa niyebula Yosafati; Yosafati niyebula Yoramu; Yoramu niyebula Osia; ⁹ Osia niyebula Yotamu; Yotamu niyebula Akhasi; Akhasi niyebula Esekia; ¹⁰ Esekia niyebula Manase; Manase niyebula Amoni; Amoni niyebula Yosia; ¹¹ Yosia niyebula Yekonia nende abaana babwe, muchinyaanga chiokhudiirwa okhuyirwa Babeli:

¹² Ne olunyuma lwo khuyirwa Babeli, Yekonia yebula Salatieli; Salatieli niyebula Serubabeli; ¹³ Serubabeli niyebula Abiudi; Abiudi niyebula Eliakimu; Eliakimu niyebula Asori; ¹⁴ Asori niyebula Sadoku; Sadoku niyebula Akimu; Akimu niyebula Eliudi; ¹⁵ Eliudi niyebula Eliasari; Eliaseri niyebula Matani; ne Matani niyebula Yakobo; ¹⁶ Yakobo niyebula Yosefu omusaacha wa Maria, owebula Yeso, olangwa mbwe Kirisito.

¹⁷ Kario echinjibulo chioosi khurula khu Ibraimu okhuula khu Daudi ni ekhumi nende chine; khandi okhurula khu Daudi okhuula nibairwa Babeli nichinjibulo ekhumi nende chine; khandi okhurula nibayirwa Babeli okhuula khu Kirisito nichinjibulo ekhumi nende chine.

¹⁸ Bulano okhwibulwa khwa Yeso Kirisito khwali khuri: Maria ng'ina olwa yali nafukirire okhudekhisania nende Yosefu, nibasiamenya alala, yanyolekhana nali nende inda eya Rokho Mutakatifu. ¹⁹ Ne Yosefu omusaacha waye, khulwo khuba yali omuundu mulungifu nareenya okhumwambia chisoni, yapaara khumwerusiakho mubwekisi. ²⁰ Arali nga olwa yali naparaanga amakhuwa kano, lola, malaika wo Mwami namulolekhera mumalooro, naboola ari, Yosefu, ewe omwana wa Daudi, oraria dawe khumubukula Maria omukhasi wao: okhuba sila esili muunda mwaye ni sia Rokho Mutakatifu. ²¹ Ne achia okhwibula omwana omusiani, ne ochia okhumulaanga eliira mbwe Yeso: okhuba achia okhuwonia abaandu baye okhurula muchimbi chiabwe. ²² Bulano kano koosi kekholekha, mbwe kolerere akomwami yalomaloma obirira khu munabii, naboola ari, ²³ Lingeera, omusisira achia oyera inda, niyebula omwana musiani, ne bachia omulaanga eliira mbwe Emmanueli, elikalulwa mbwe, Nasaye alala ninafwe. ²⁴ Ne Yosefu olwa yabuukha okhurula muchindoolo yakhola ngolwa malaika wo Mwami yali namubolere, nabukula omukhasi waye: ²⁵ Ne nareyalisia ninaye okhuula olwayebula omwana waye musiani wa mberi: ne namulaanga eliira mbwe YESO.