¹ Bwe yaboine ebibiina, n'aniina ku lusozi: n'atyama wansi, abayigirizwa be ne baiza gy'ali. ² N'ayasamya omunwa gwe, n'abegeresya ng'akoba nti ³ Balina omukisa abaavu mu mwoyo: kubanga abo obwakabaka abw'omu igulu niibwo bwabwe.

¹¹ Imwe mulina omukisa bwe babavumanga, bwe babayiganyanga, bwe babawaayiryanga buli kigambo ekibbiiibi, okubavunaanya nze. ¹² Musanyuke, mujaguze inu: kubanga empeera yanyu nyingi mu igulu: kubanga batyo bwe baayiganyirye banabbi abaasookere imwe.

¹³ Imwe muli munyu gwe nsi; naye omunyu bwe gujaaluka, balirungamu munyu ki? Tegukali gusaana ate, wabula okusuulibwa ewanza, abantu okuguniinirira. ¹⁴ Imwe muli musana gwe nsi. Ekibuga bwe kizimbibwa ku lusozi, tekiyinzika kugisibwa. ¹⁵ So tebakoleerya tabaaza okugifuundikira mu kiibo; wabula okugiteeka waigulu ku kikondo kyayo; yoona ebaakira bonabona abali mu nyumba. ¹⁶ Kale omusana gwanyu gwakenga gutyo mu maiso g'abantu babonenga ebigambo ebisa bye mukola, kaisi bagulumizienga Itawanyu ali mu igulu.

¹⁷ Temulowoozanga nti naizire okudibya amateeka oba ebya banabbi: tinaizire kudibya, wabula okutuukirirya. ¹⁸ Kubanga mbakoba mazima nti Eigulu n’ensi okutuusya lwe biriwaawo, enyukuta eimu waire akatonyezie akamu ak’omu Mateeka tekaliwaawo, Okutuusa byonabyona lwe birimala okutuukirira. ¹⁹ Kale buli eyadibyanga erimu ku mateeka ago waire erisinga obutono era yayegeresyanga abantu atyo, alyetebwa mutono mu bwakabaka obw'omu igulu: naye buli eyakwatanga era eyayegeresyanga, oyo alyetebwa mukulu mu bwakabaka obw'omu igulu. ²⁰ Kubanga mbakoba nti obutuukirivu bwanyu bwe butaasingenga butuukiruvu bwa bawandiiki n'Abafalisaayo, temuliyingira n'akatono mu bwakabaka obw'omu igulu.

²¹ Mwawuliire ab'eira bwe bakobeibwe nti Toitanga naye omuntu bw'eyaitanga, yakolanga omusango: ²² naye nzeena mbagamba nti buli muntu asunguwalira omugande, alikola omusango; naye yakobanga omugande nti Laka, asaaniire okutwalibwamu lukiiko, yeena nakobanga nti Musirusiru, asaaniire okusuulibwa mu Geyeena ey'omusyo. ²³ Kale, bw'obbanga oleetere sadaaka yo ku kyoto, bw'oyema eyo n'omala oijukira nga mugande wo akuliku ekigambo, ²⁴ leka awo sadaaka yo mu maiso g'ekyoto, oireyo, osooke omale okutagabana no mugande wo, kaisi oire oweeyo sadaaka yo. ²⁵ Takagananga mangu n'oyo akuwabira ng'okaali oli naye mu ngira; akuwaabira alekenga okukutwala eri katikkiro, so no katikkiro alekenga okukuwa omumbowa, era oleenga okuteekebwa mu ikomera. ²⁶ Mazima nkukoba nti Tolivaamu, okutuusya lw'olimala okukomekererya n'eipeesa erimu.

²⁷ Mwawuliire bwe bakobeibwe nti Toyendanga: ²⁸ naye nzeena mbakoba nti buli muntu alingirira omukali okumwegomba, ng'amalire okumwendaku mu mwoyo gwe. ²⁹ Oba ng'eriiso lyo muliiro likwesitaly litoolemu, lisuule wala: kubanga niikyo ekisinga obusa ekitundu kyo ekimu kizikirire, omubiri gwo gwonagwona guleke okusuulibwa mu Geyeena. ³⁰ Era oba ng’omukono gwo omuliiro gukwesitaly, gutemeku, gusuule wala kubanga niikyo kisinga obusa ekitundu kyo ekimu kizikirire, omubiri gwo gwonagwona guleke okwaba mu Geyeena. ³¹ Bakobeibwe ate nti Omuntu bw'abbinganga mukali we, amuwanga ebbaluwa ey'okumubbinga: ³² naye nzeena mbakoba nti buli muntu abbinga mukali we, wabula ogw'obwenzi ng'amwenderye: n'oyo akwanga gwe babbimgire, ng'ayendere.

³³ Mwawuliire ate ab'eira bwe bakobeibwe nti Tolayiranga byo bubbeyi, naye otuukiririryanga Mukama by'olayira: ³⁴ naye nzeena mbakoba nti Tolayiranga n'akatono, waire eigulu, kubanga niiyo entebe ya Katonda; ³⁵ waire ensi, kubanga niiyo gy'ateekaku ebigere bye; waire Yerusaalemi, kubanga niikyo ekibuga kya Kabaka omukulu. ³⁶ So tolayiranga mutwe gwo, kubanga tosobola kufuula luziiri lumu oba olweru oba olwirugavu. ³⁷ Naye ebigambo byanyu bibbenga nti Niiwo awo, niiwo awo; ti niiwo awo, ti niiwo awo: naye ebisinga ebyo biva mu mubbiibi.

³⁸ Mwawuliire bwe bakobeibwe nti Eriiso ligaitwenga eriiso, n’eriinu ligaitwenga eriinu: ³⁹ naye nzeena mbakoba nti Temuziyizianga mubbiibi: naye omuntu bw'akukubbanga olusaya olwo muliiro, omukyukiranga n'olwo mugooda. ⁴⁰ Omuntu bw'atakanga okuwozia naiwe okutwala ekanzo yo, omulekeranga n'ekizibawo kyo. ⁴¹ Omuntu bw’akuwalirizianga okutambula naye mairo eimu, tambulanga naye n'ey'okubiri. ⁴² Akusabanga omuwanga; omuntu bw’atakanga okumukoopa, tomukubbanga omugongo.

⁴³ Mwawuliire bwe bakobeibwe nti Otakanga mwinawo, okyawanga omulabe wo: ⁴⁴ naye nzeena mbakoba nti Mutakenga abalabe banyu, musabirenga ababayigganya; ⁴⁵ Kaisi mubbenga abaana ba Itawanyu ali mu igulu: kubanga esana niiye alyakirya ababbiibi n'abasa, abatonyeserya emaizi abatuukirivu n'abatali batuukirivu. ⁴⁶ Kubanga bwe mwatakanga ababataka, mulina mpeera ki? N'abawooza tebakola batyo? ⁴⁷ Bwe mwasugiryanga bagande banyu bonka, mwabasingangawo ki? N’ab'amawanga tebakola batyo? ⁴⁸ Kale imwe mubbenga abatuukirivu, nga Itawanyu ali mu igulu bw'ali omutuukirivu.