¹ Kegero orusuku rwa obhwoyo, lisubha lyaguye okuja kurusuku rwo kwamba rwo bhoyo, Mariam Magdarena, na Mariamu oundi urya bhejire okurora yifwa. ² Rora ryaga ririo rinyamutikima enene, kwokubha malaika wa Nyamuanga ekire nasiringisha kura libhuyi rirya, namara nalikarira. ³ Orususo rwaye rwaga rubheye kamuna rwa bhweru, ebhifwaro bhyaye bhyaga bhiri bhyeru rwa theruji. ⁴ Abharisi bharya mbobhaya mbabha rwa abhafuye.

⁵ Malaika nasomborera abhagasi bharya nayika, “Msige kubhaya nimenyere ati omwagara Yesu, unu bhamunyasishe ⁶ Atario anu, asurukire rwa kutyo ariga aikire, muje murore anu omukama bhaga bhamumamishe.

⁷ Mgende bhwangu mbhwire bhanafunzi bhaye, “Asuruka okusoka kubhafuye, rora abhatangatira Galilaya. Eyo niyo omuja omumurora.” Rora anye nabhabhwira.”

⁸ Abhagasi bharya bhakorere kufwa bhobhayire na bhakondewe mno, mbabhilima okwibhwira abhanafunzi bhaye. ⁹ Yesu nabhugana nabho nayika, “nibhakeshanya” abhagasi bharya bhejire mbagwata amaguru gaye, mbamuramya. ¹⁰ Niwo Yesu nabhabhwira, “msige kubhaya, mugende mubhabhwire abhasu bhatangate Galilaya. Eyo abhandora.

¹¹ Omwanya guyo abhagasi bharya bhaga mbagenda, abharisi abhandi bhajiye agati yo musi no kubhwira abhakuru na abhatangasha bha yidini amang'ana ganu gone gakorekere. ¹² Na abharefi bhejire bhabhugana na abhakaruka no okuromera amwi ring'ana riyo, bhasosishe pirya nyafu kubhasirikare bharya. ¹³ Nibhabhabhwira, “mubhwire abhandi ati, abhanafunzi bhejire mngeta nibhebha omubhiri gwa Yesu omwanya gunu chaga chiongeye.' ¹⁴ Yingana yinu yakakinga kumukuru we charo, echija okumukongya nokubhasoshamo emitimato chone.” ¹⁵ Niwo abhasirikare nibhagega jipirya jirya nibhakora rwakutyo bhaga bharagiriwe. Ying'ana yinu niranda muno mubhayawudi nikokutyo yiri mpaka rero.

¹⁶ Mbe bharya mitume ekumi na umwi bhajie Galilaya, kuchima chirya aliga abhalagiriye. ¹⁷ Nawe bhejire bhamurora, bhamuramishe. Mbe abhandi bhebhwe bhatekilisishe. ¹⁸ Yesu naja kubhene nabhabhwira naika, “Niyanibhwe amanaga gone mucharo na murwire. ¹⁹ Kujiyo mugende mukore bhanacharo bhone bhabhe bheigisibhwa. Mubhabhatije kwisina la Rata, ne ryo Mwana, ne ryo Mwoyo omweru. ²⁰ Mubheigishe okugwata emisango jone jinunabhabhwiriye, mbe rora anye ndi amwi nemwe mpaka mubhutero bhwe charo.