¹ Yesu ahika nabho tena kwa okususanya. ² Hokukama bwa murwire obhususana na homukama hunu hakorere ombwenga bwa homwana waye. ³ Natuma habhatumwa bhaye bhararike habhanu no kubhakuma bhanu haga bhararikirwe bhaje mwisangisho ryo bliwenga, harusi nejo bhatejire. ⁴ Homukama nasira habhanu habhandi handi, nahika. “Mubhabhire habhanu bhone bhanu bhararikirwe, Nahika,” Murore nakurere hebhyokurya. Erikusho ryone rya, Jing`ombe jani jinoto netire na hamang`ana gone gabhehe, bwakisi, muje mubhwenga hori.” ⁵ Nambe abhanu bhayo bhatagatee hamang'ana gayo mumoyo (mkoro) abhandi bhasubha mumalima gebhwe, na abhandi bhasubha mumilimu jebhwe joyinga ebhinu bhyebhwe. ⁶ Habhandi mbhemukila abhatumwa bho Mkama, bhabhayana ebhiryo na hokuletamo kubhakora bhabhe buhoyaga yaga. ⁷ Ambe Omukama nabhihirwa, natuma rijeshi ryaye neta abhanu bhone abheti bha abhejabho no muriro musi gwone. ⁸ Namara nabhwira abhakosi bhaye, obhwenga bhwakingile, ambe abhanu bharakilirwa bhatakwendwa, ⁹ Ambe mugende kunjira ya makaka na injira inene, murarike bhwangwe abhanu bhone bhaje mubhwenga. ¹⁰ Habhatumwa bhagenda kunjira bhararika abhanu bhone bhone, habhakisi na habhabhibhi, kuryo munyumba yo bhwenga niijura abhagenyi. ¹¹ Ambe Omukama naja, nengila nalingira abhagenyi, narora homunu humwi hunu atafwaye hingubho yo bhwenga. ¹² Omukama nabhusha hati, wingiye kutiki munu hutana ngubho yobhwenga? Musani no omunu hatasubhishe eng'ana lyone lyone. ¹³ Ambe Omukama mabhwira abhanu bhaye, mumugwate mumubhe jingoye, mumwese anja hamabhoko na hamagulu, muchisute echinene, eyo abhanu abharira chiliro cha kurugusha nokusha aneno, ¹⁴ Kokubha abhanu bhafu bhakiririrwa lakini bhanu Nyamuhanga asorere ni bhatoto.

¹⁵ Kumbira hao mafarisayo bhajira lichubhi ryo kumwita Yesu, bhasoke hao na lisungu bhamugwate Yesu kwa mang'ana gaye omwene. ¹⁶ Ambe mbatuma abhaegisibhwa bhabheye na Maherode, bhamubwira Yesu, Mwalimu, echimenya hati hawe uli munu wa chimali, hati owihigisha echimari cha Nyamuhanga hutakungea amang'ana ga munu hundi, na hutakukora emisango ja okwenda hunu na kusiga hunu. ¹⁷ Amhe chibhwire owiganilisha chinuki? Hangu ni tungwa hokulipa likodi kwa Kaisari wangu ni huri.

¹⁸ YEU namenya hamabhibhi gebhwe naika, kubhaki homundegeja, abhanu bhanu muna omoyo emwirafuru? ¹⁹ Munyereshe hiyera hinu omutobha likodi, ambe mbamuletera (dinari) hiyera. ²⁰ YESU nabhabhusha orususo runu kuri kuyera (dinari) ndyaga?

²¹ Bhaikati ni Kaisari, YESU naika hati, “mumuyane Kaisari bhiri bhyaye na Nyamuhanga, mumuyane ebhiri bhyaye.” ²² Ambe mbongwa kutyo bharugura. Mbamara mbhamusiga mbagenda jebhwe.

²³ Horusuku ruyo abhanu abhatoto bha mafarisayo bhaja ku Yesu, bharya abhaika hati kutariyo kusuruka bhanu bhafuye bhamubhusha, ²⁴ Mbahika hati, mwalimu, Musa aikire hati homunu hakafa hatana mwana (bhana) na wowabho, hamugege omugasi huyo wowabho, abhone abhana kwisina rya owabho. ²⁵ Aga bhalio bhana bhatanu na bhabhili yaani (saba) okwamba natwara nafa hatana bhana, namusigila wowabho omugasi huyo ²⁶ Namara howabho nakora kutyokutyo, na wa kasatu nakora kutyo kutyo nakingira wa katanu na kabhili (7). ²⁷ Baada yokukora kutyo, bhone bhafa, no mugasi huyo wone nafa. ²⁸ Ambe kurusuku rwo kusuluka, kumwisho omugasi kabha waga? Kubhone bhanu na bhabhili.

²⁹ YESU nabhasubhya nahika hati, “homuyabha, kokubha mutakumenya mandiko na managa ga Nyamuhanga ³⁰ Kokubha kubhusuruko, kutariyo kutwara wala kutwarwa abhanu. Na abhanu abhabha rwa Malaika bha murwire. ³¹ Ambe kukusuruka kwa bhanu bhafue, muchaliga kukusoma jinu Nyamuhanga haikilega kwemwe, naika, ³² Anye ni Nyamuhanga wa Iburahimu, Waisaka na wayakobo, Nyamuhanga atari wabhafuye, ni Nyamuhanga wa bhanu bhanu habharora.

³³ Omwanya gunu bhategereshishe hameigisho gaye bhagura.

³⁴ Ambe amafarisayo mbongwa hamang'ana ga YESU, mbekumanya kutyo ajibhishsishe masadukayo. ³⁵ Mwanasheria umwi namubhusha libhusho rya kumungwa. ³⁶ Mwalimu, angu ni amri hiya hinu ni kuru kuriko jone?

³⁷ Ni busi busi humwende Nyamuhanga, kumoyo gwao gone, na kukokro yao yone, na kubhwenge bhwao bhwone. ³⁸ Linu niyo liragano ryao likuru noryokwamba. ³⁹ Na yakabhili ehisusana na hiyo, kutyo kutyo umwende mwikashanya wao, kama kutyo owiyenda omwene. ⁴⁰ Sheria jinu jibhili, ja habaragi jigwatene hamwi.

⁴¹ Na mafarisayo bhachari bhekumanyishe amwi, YESU nabhabhusha libhusho, ⁴² Ambe homwiganilishaki kutiki ku YESU? Na Yesu ni mwana waga? Bhasubhya hati ni mwana wa Daudi.

⁴³ Ni kukoratiki Daudi kambilikira hati Rata, na kaika. ⁴⁴ Rata namubhira Rata wani “Ikara kukubhoko kwani ko kuryo, na nije nibhature habhanu habhabhibhi bhanu bhatakukwenda mumaguru gao?” ⁴⁵ Kuryo Daudi kabhilikira Yesu RATA, kutyo kabhatiki omwana waye? ⁴⁶ Hatariyo hunu amusubhishe ring'ana ryone ryone, na hatariyo hunu aregejishe hokumubhusha, mabhusho hokwambira rusuku ruyo nokugenderera.