18
(Siape nyo Godong de Delom Kerajaon Serga?)

1 Tekalo de sie, murid-murid njongok kenempat Yesus ngan betanyo, “Siapekah nyo tegodong delom Kerajaon Serga?”

2 Mengka, Yesus memantaou seurang anak kecek kenempat enye, ngan memotekko anak kecik iye de tangah-tangah mike, 3 ngan buik, “Ake ngehatoko nyo sebonornye ngan kowe, kecuali kowe betobat ngan menjedi upa anak-anak, kowe hopi bakal masuk ke delom Kerajaon Serga. 4 Siape nyo merendahko dirinye upa anak nie adolah nyo tegodong delom Kerajaon Serga. 5 Ngan, siape nyo menerimo anak kecek upa nyo sikuk nie delom namo-Ke, enye menerimo Ake.”
(Peringaton tentang Penyabab Doso)

6 “Cuma hambuk, siape nyo menyosotko salo sikuk deri anak-anak kecek nyo pecayo ngan aku nie, lobih beik bagi enye munye sebuah betu kilangan de gentungko kenempat lehernye ngan de tenggolomko ke lout nyo paleng delom. 7 Celakolah denia ulenyo penyosot-penyosot nyo ado de delom iye! Sabab, penyosot memang harus terjedi, cuma celakolah urang nyo mendetongkonye. 8 Munye tangon atau kakime membuatme bedoso, totoklah ngan campoklah iye. Lobih beik bage kowe masuk ke delom hidup dengan tangon nyo gontung atau kejot deri podo mempunyoi duo tangon ngan duo kaki, hambok de campok ke delom api kekal. 9 Munye matome membuatme bedoso, cukeklah ngan campoklah iye. Lobih beik kowe masuk ke delom hidup ngan sikuk mato, deripado mempunyoi duo mato hambuk decampok ke delom nerako api.

10 “Perhatikolah, jengon kowe meremehko sikuk deri anak-anak kecek nie. Sabab, Ake ngehatoko ngan kowe behwo malaekat-malaekat mike de serga selalu ngelaloh wajah Bepak-Ke nyo de serga. 11 [Sabab, Anak Mendesio lah njongok nak menyelamatko urang nyo sayaou.]
(Perumpamoon tentang Domba nyo Sayau)

12 Upa mone menurutme? Munye seseurang mempunyoi 100 ikuk domba, hambok nyo sikuk jak mike sosot, hopikah urang iye meninggalkonyo 99 ikuk de gunong ngan bejelon nak ndelok sikuk nyo sosot iye? 13 Ngan, munye enye menomukonye, sesungguhnye Ake ngehatoko ngan kowe, enye sajo besukacita atas sikuk nyo sosot iye deripado 99 nyo hopi tesosot. 14 Upa iyelah jugo, bukonlah kendok Bepakme nyo deserga munye surang deri anak-anak kecek nie binasa.”
(Menasehati urang nyo besaloh)

15 “Munye dulurme bedoso, bejelon ngan tunjukko kesalohonnye, antaro kowe ngan enye dedewekon. Munye enye mendongorkome, kowe lah menomuko dulur me. 16 Cuma hambuk, munye enye kepindok ndongorkome, ajoklah sikuk apo duo urang lagi kantime enggak konyo dengan mulut deri dua atau tiga urang saksi, setiap pembuikon de tetapko. 17 Munye enye menolak nak ndongorko mike, kehatoko tong iye ngan jemaat. Ngan, Munye enye bahkon menolak untuk mendongorko jemaat, biarlah enye menjedi upa bengeso-bengeso loin ngan pengumpul pajak. 18 Ake ngehatoko nyo sebonornye ngan kowe engga konyo ape nyo kou kobot de behumi akan tekobot de serga. Ngan, ape nyo kou lapasko de behumi akan te lapas de serga.” 19 Sekali lagi, Ake ngehatoko ngan kowe enggak konyo munye dua urang de antarome sepakat de behumi tentang sesuatu nyo mika pintak, hal iye bakal terjedi bage mike ule Bepak-Ke nyo ado de serga. 20 Sabab, de nempat dua atau tiga urang bekumpul besamo delom namo-Ke, Ake ado de tangah-tangah mike.
(Perumpamaon tentang Pengampunon)

21 Mengka, Petrus njongok kenempat Yesus ngan betanyo, “Tuhan, seberapa recap seharusnye ake mengampuni dulurke nyo bedoso ngan ake? sampoi 7 kali?”

22 Yesus buik ngan enye, “Ake hopi ngehatoko ngan kowe sampoi 7 kali hambok sampoi 70 kali 7 kali. 23 Ulenyo iyelah, Kerajaon Serga deumpamoko upa seurang rajo nyo mengadoko perhitungon dengan padong hambonye. 24 Munye enye mulai mengadoko perhitungon, urang nyo behutang segodong 10.000 talenta debewo kenempat enye. 25 Ulenyo enye iye hopi mampu membayar, tuannye memerentahko enggak konyo enye de juol, beserta bini ngan anak-anaknye, mengka segelo tong enyo miliki, ngan dengan iye pembayaron delakuko. 26 Mengka, hambo iye tesungkur ngan menyembah tuan iye, ujonye, ‘Besabarlah kenempatke ngan ake bakal membayar segelonye ngan kowe,’ 27 Mengka, tuan deri hambo iye sajo tesihan, ngan membebaskonye, ngan membori ampunon atas hutang iye. 28 Cuma hambuk, tekalo hambo iye keluor ngan betomu dengan hambo loin nyo behutang 100 dinar nganenye, enye menangkop serta mencokol hambo iye, ngan bekehato, ‘Bayar belekko duit nyo kou pinjam derike!’

29 Mengka, hambo nyo behutang iye besujud ngan memohon ngan enye, ujonye, ‘Besabarlah nganke ngan ake bakal membayar segelo nye denganwe.’ 30 Cuma hambuk, nye menolak ngan memasukko kantinyo iye ke penjaro sampoi enyo iye pacok melunasi segelo hutang iye. 31 Tekalo hambo-hambo loin ngoleh kejedion iye, mike menjedi sajo sedih mengka njongok ngan melaporko kenempat tuannye tentang segelo sesuatu nyo lah terjedi.

32 Mengka, tuannye memantou hambonyo pertamo iye ngan bekehato kenempat enye, ‘kowe hambo nyo jahat. Ake mengampuni segelo hutangme ulenyo kowe memohon nganke. 33 Bukon idok kowe seharusnye memiliki belos kesihan kenempat sesamome hambo, upa ake jugo la menunjukko belos kesihan nganme?’ 34 Ngan, tuannye, dengan ponoh kemarohon, menyerahkonye kenempat padong penyikso sampoi enye depot membayar belekko segelo nyo depinjamko ngannye. 35 Bepak-Ke de serga jugo bakal melakuko hal nyo samo kenempat kowe, munye kowe hopi mengampuni dulurme deri delom hatime.”